Tora[1]
nyaba’
tora, nyaba’ bin-sabin
nyopre
padha bunga
kembang
malathe
nyarepsep
ka dhalem ate
sabban
are menangka pangastete
nyopre
padha sae
bin-sabin
e saba’
menangka
tandha ta’ olle kala’
asabab
sadajana padha asajja ngaandhi’
Labbuwan Jembar, Sora, 1442
Maos jugan
- Puisi Madura: Rassa Pasthe
- Teks MC Bahasa Madura
- ANJANGSANA D. Zawawi Imron
- Cuaca Dalam Rumah
- Taresna dhalem Seher Kaodhi'an
Mellok
damar kambang ngambang e sagara
mellok
nyonare lengkep ona’ ate
mellok
tengnga sagara
angen
se ngalesser
nojju
ka daradan, epayothok se moleya
nojju
arongan, epanaja’ kajembaran
mellek
kadibi’an
e
babana bintang ngamennyar
nanggala,
karteka ban mesemma dika
nyonar
dhalem kabunga’an
damar
kambang ngambang e sagara
dhalem
pagan-pagan se pon karepos perrengnga
mellok-mellek
kadibi’an
ta’
mate sanajjan angen agules
amba’
pate
Labbuwan Jembar, Sora, 1442
Polo’
tana
eangko’, sapedha esothok sambi ko’-tapelko’
kadhang
tasono’ ka jurang ona’, sakeng terrona se melleya juko’
tana’
emet-romet eko’-pelko’
sopaja
lemmes, eposol akantha kelmo’
eobbar
kalaban panas se rangngo’
tape
ta’ olle ngo’-marongo’, nape pole sampe’ ngoso’
polo’
pon acolo’
bakal
mamassa’ pakanna colo’
se
bakal alonca’ ka tabu’
ejujju
kalaban juko’
akella
topa’
matopo
tabu’ kepa’
marampa’
malle sajan jarna’
erebbai
jajan genna’
Labbuwan Jembar, Sora, 1442
Jedding
sikat
ban odol dul-maddul
sikat
nyorngat tadha’ gigina
odol
mo’dul ngomo’ e konco’na
lenthad
satengnga ngolpa
plastik
baddhana sampona nunggilan olo dhaja
sabun
ros-koros kare pes-tepes
abarna
pote olay
pangae’na
kalambi metthad mergang
magantong
sarong, salebbar, lebbar ban saessena
atong-rontong
sabarundhut
jedding;
nyello’ aeng gan sabagung
ekapandi
baja laggu
paccarren
ngalembak dhari jedding raja
jedding
kene’ santa’ keya gilina
polana
tandon aengnga alebaran
bila
apandi ta’ asalebbaran
jedding
kene’ otaba raja
raja
kene’ padha arga
Koddhu’ Alas, Sora, 1442
Maos jugan
- My Idol Is The Prophet Muhammad
- Bilis-Bilis Ngangko’ Kakanan
- Petani Tembakau yang Jago Mendalang
- Cerpen: Kehidupan Kedua
- Odhi’ Juntrong ban Patteha
Ola’ Lenteng
kene’,
ata’-letta’ dhalem aeng se tadha’ pajagana
aloloja
daddi rengnge’, se ngabber se seddi’na kopeng
ola’
ata’-letta’, ta’ nyaman bu-ambu
galiya’
mon toju’ sepa’
mon
neng-enneng ro!
aiii…
kodda’!
padhana
se aca’-lonca’, aca-keca ta’ akenca
nape
pole badha gambhangan, maske tadha’ gendhingan
agoyang
agoyang
agoyang
ola’
lenteng aneng-peneng dhalem aeng
nyare
pakan dibi’, agambi’, akebbi’, agi’gigi’
agoyang
ta’
atolang
agoyang
abangkang
agoyang
aorjek,
ta’ aombak
aeng
mata nyapcap
agoyang,
aletta’, ngoncelat
acelat
ola’
lenteng anyaba dhalem aeng
abegga
sabellun berda kalaban dhara
ola’ lenteng apeneng ta’ pettengngen
Koddhu’ Alas, Sora, 1442
[1] Ngenjam judul buku “Tora” se
aropa’agi bul-ombul buku Satengkes Careta Pandha’, se eterbittagi sareng JPRM
(2017)