Aserro.
Atangesan. Aeng matana agalibiran. Posang. Ngalengsang. Toju’ ta’ nyaman.
Nengkong. Manjeng. Ta’ nemmo teppa’. Enome aeng. Badan sajan panas. Enome teh
paka’, ta’ maso’. Enome aengnga duggan. Ta’ ekarassa. Sossa. Dulla posang.
Sossa. Reng-oreng agarubung. Akantha bilis nyeom om-room kakanan. Tape banne
tambul. Banne rasol se biasana nase’ atompang ajam guring palappa paleng
samporna. Reng-oreng agaribbung polana ngeding ana’na Dulla ekekke’ olar Kaber.
Olar se mandi. Olar se pajat babaja bila ngekke’. Se lebbi babaja tantona
tolangnga olar bila nyoco’. Bisa nyoco’ polana ecapo’ didda’. Dulla posang.
Ngalengsang.
Reng-oreng
anya-tanya ‘Badha apa?’ ‘arapa’ ban laen samacemma. Kacong ganeko ekekke’ olar
Kaber polana nyare tembung[1] se
ebateggagi kancana eteppa’na amaen bung-tembungan. Tembung ganeko pajat
andhi’na Kacong, ana’na Dulla. Kacong ganeko sabendherra pon ta’ ebagi
aen-maenan kaloar roma, balik esoro nenggu tipi, amaen game hapi, tape Kacong ganeko terro along-polonga ban barengnga,
ban ca-kancana se lar-nalar ka kajuan, nae’ bungkana accem, nae’ bungkana
duwa’, kadhang nae’ ka bungkana monyet, daddina Kacong ganeko terro keya se
kaloara dhari romana. Terro taowa ka lam-alaman se badha eseddi’na romana.
Terro ajalana ka gar-pagar. Biasana lakar ta’ ebagi ajalanan. Dulla ban binena
pajat agasegan ta’ magiyan kaloaran ka kacongnga. Bila Kacong ganeko nolonga
berrem, eppa’na otaba emma’na ngoca’ “Jangan,
nak. Jijik. Tuh ada banyak ulatnya. Ekaromo’ lala’ cong!” otaba bila entara
ka pagar emma’na ngoca’ “Jangan. Ada ular.
Ella, cong! Ella! Ella!” ban agasegan abahasa Indonesia. Akadiya. “Jangan” “Bukan seperti itu, nak. Aiii” “Tidak
baik sayang…” tor kalemat-kalemat se laen.
Sajan
molae asakola, Kacong ganeko lebur nolongan plastik se tabuang sarombanan.
Kacong ganeko ngoca’. “Ayya esaba’ dhinna’, Ma’!” Kacong ganeko nyaba’ plastik
ka tempat plastik se pon esadhiyagi. Karanjang karet. “Ihhhh jangan dong sayang! Gak boleh” sawodda emma’na.
Maos jugan
- Mudhar CH: Pengaro dhari Arach Jamali
- Kontestasi Pilpres 2024
- Ghul-ghul, Pertunjukan Tahun 80an
- Rèng Binè’ Ḍâlem Kepkeppan Jhâman
Ta’
dumadiyan. Kacong pon kellas lema’ SDI[2]
bannya’ ca-kancana. Kancana amaen gaseng. Amaen leker. Amaen dhako ban laen
samacemma. Kacong ganeko gunna nenggu tipi kadibi’an. Namong Kacong ganeko
terro keya akompola ban ca-kancana. Settong are Kacong ganeko ekabareng amaen
mon ca-kancana. Amaen tembung. E bakto nolong tembung se badha e ombudda
ganeko, tanangnga kacong esalbak olar. Kateppadan olar Kaber labing se pajat
mandi komandinna. Kacong banne gunna nanges namong ngalakkak pas elang. Saban.
Ban taselep. Dulla ngeding serrona ana’na takerjat. Mancal ngone’e ka mor
lao’na romana. Bakto Kacong ganeko pon egarebbunge oreng. Emma’na jugan berka’,
sampe’ para’ tabarangka’ polana sambi mateppa’ dhung-kodhungnga. (Pojur emma’na
guna mateppa’ dhung-kodhung, ja’ senga berka’ sambi mateppa’ genteng, kan ta’
kera bisa. Sajan sara se berka’a). Emma’na aberruy “Kamu kenapa sayang, arapa’
ba’na, cong? Arapa ba’na cong? Baremma pabarasanna jareya cong?” Emma’na
bellis. Atanges adharak.
“Ba’na
jareya ta’ kera bisa asakola cong. Pasti
tertinggal pelajaran kamu, Cong!” reng-oreng nyabbari emma’na Kacong ganeko.
Dulla matennang. Abasanna. Namong pekkeranna ngalengsang. Posang. Baremma mon
tanangnga ana’na kodhu ketthok sopaja racon, komandin ta’ agalajar dha’
sabadan. Are ganeko bannya’ oreng se nolonge ngosong bakto Kacong ganeko
kalengnger. Tamaso’ Monentar, tatanggana Dulla se pon abit ta’ esapa. Sabab
Monentar andhi’ otang bannya’ ka pan-barempan oreng. Otangnga monentar
cet-nyaretcet dha’ man-dhimman. Otangnga monentar aropa pesse otang pesse
saratos ebu, ka Modanna. Ka Mojanna aotang pettong polo lema ebu. Ka Surahwa
ballung poloebu. Ka Surahbi tos sagame’. Ka Ji Kamil tello polo lema’ ebu. Ka
ma’na Idris aotang embi’ settong ban laen samacemma. pas gi’ odhi’ daddi oreng
se ta’ andhi’. Alako pon pal-tapelpal. Sang-tasangsang. Keng gi’ paggun andhi’
otang. Alako bariya ta’ pojur. Ajurung gunna daddi otang. Alako ra-kara gunna
kare birsegga. Dhang-sakadhang Monentar entar ka romana Dull aka angguy atanya
pesse sabab ana’na badha se ebelliya. Banne pesse se ebagi sopaja daddi otang.
Se badha so’-soso’ oca’ bellat se adharis maloka panggaliyanna Monentar. Sampe’
binena Dulla baji’ ban caremmet ka Monentar ban ka binena.
E
are ganeko Dulla ngabas kalaban mata mandellik, polana ana’na eosong Monentar.
Bariya keya binena Dulla. Katon gun ta’ acopa e bannya’na oreng dhari sakeng
baji’na ka Monentar.
“Pola
kalaban engologgagi Ke Malseya, bisa ngorange sake’na…!” oca’na Monentar ka
reng-oreng se badha gadhiya. Dulla ngeding ka oca’na Monentar. Matana Dulla
mandelik.
“Dika
taowa nape ka tambana olar. Ma’ ban-saromban acolo’, Nen!”
“Dika
mateppa’-teppa’ acolo’. Aneko banne meler.”
“Dika
malae mateppa’, sapa neko ke Malseya? Ngarte ka komandinna olar balekkadan.”
“Empon
bali’ keba ka masake’ (roma sake’) bain. Pongpong gi’ aban. Malle lekkas etemmo
ja’ kodhu epabaremma rowa. Neser. Aneko are pon sajan malem. Kemma ajam gi’ ta’
epakane. Sape gi’ ta’ enome. Adhha padha pekkere. Padha terro odhi’.
“Iya mas. Harus segera ini dibawa ini.”
Ca’na emma’na.
“Iya,
Memang. Harus dibawa, manna ta’ ras-baras ini.” Dulla makaloar motorra.
Eodhi’i. kacong ganeko epaongga. Tan-taretanna noro’ ka kacamadan. Ekeba ka UGD
Puskesmas. Ngamar samalem. Kacong pon jaga dhari kalengngerra. Tanangnga se
ekekke’ olar sajan bara. Marobuk. Mandhugul. Emma’na sajan rekong. Eppa’ sajan
posang. Mon gun pesse gampang. Pesse kare ngala’ ka ATM, sabab eppa’na andhi’
usaha karopok bulung se pon ajalan lancar. Saenggana kare ngantos ollena pesse
sabban bulan.
Maos jugan
- Geliat Gerakan Pemuda Ansor Sumenep
- Barentengnga PAC Ansor Pragaan
- Manfaat Politik Identitas
- Etika Politik Kaum Santri
- Relasi Parpol dengan Kebijakan Sosial
“Ehm…
pesse gampang. Kacong nemmo bain se daddiya parkar, se daddiya ujian odhi’.” Eppa’na leng-neleng ta’ dugga.
Ta’ mangga. Ja’ senga aba’na se ekekke’ olar tanto bisa aserro dibi’. Bisa
arassa’agi dibi’ sake’na se ekarassa ana’na. Ekeba ka roma sake’ kottha pon
mare, tape paggun bain. Katon tadha’ ollena. Monentar salaen nyoro paentar ka
Ke Malseya, jugan matabar Ke Bulla (se aslina anyama Kiai Hasbullah keng eolok
Ke Bulla, polana ekala’ gampang). tape Dulla paggun ta’ parcaja. Se la ekeba ka
roma sake’ kottha gi’ ta’ baras, sajan ekeba ka ke Bulla se gunna sello’
ekabbiyagi. Ca’na Dulla.
“Mon
ta’ sello’ ya kerres epaleng-neleng. Baremma’a se barasa?”
“Ma
ta’ ekeba ka sorbaja sakale.
“Enggi
onggu. Kodhuna ekeba malle lekkas baras. Sapa tao, ca’na se kapodhang!”
“Tape
masa’ Monentar ta’ bisa nambai bariya. Kan monentar moredda ke Bulla. Ganeka
ressana pon andhi’ mon gunna mabarasa olar.”
“Dhimma
dika tao. Laju maske bula majara mon monentar andhi’ kerres se bisa nyeddhut
komandinna olar.”
“Aneko
masala raja. Se sake’ banne ana’na oreng ban-saromban. Pon nyare san-kassanagi
dhukon, dokter paggun ta’ bisa, nape pole gun Monentar, se bannya’ otangnga
roa. Bula pojur gunna aotang roko’. Se laen roa na, badha se embi’, pesse.
Acaretcedan.” Molae ganeko bannya’ oreng se atotoran ja’ Monentar andhi’ kerres
se bisa mabaras komandin olar. Dulla mekker. Arembak ka binena kaangguy
madhateng Monentar. Pola daddi barassa.
“Jangan, Mas! Apa tidak ada jalan lain. Mas
masih percaya begituan?”
“Iya
banne nga’ jiya. Sapa tao. Bisa. Kita lupakan dulu siapa Monentar. Barangkali
memang menyimpan bukona tamba.”
“Jaman sudah berubah, Mas. Dunia sudah maju,
Mas. Dan Mas masih percaya bahwa gigitan ular, bisa ular bisa ditangani dengan
klenek. Banne jamanna, Mas.”
“Kamu
padhana se ta’ sadar sakale.” DUlla pek-kepeggan. Ta’ ngarte ka binena. Dulla
sabban tanggal settong sora maccoe kerres se pajat kalonta kaangguy malaris
usahana. Nyonson kerres sabban malem jum’at manes. “Sengko’ entara ka bengkona
Monentar. Sengko’ ta’ kera todhus etembang tanangnga Kacong ta’ baras.”
“Mas.
Percayalah! Gi’ badha bukona tamba. Mon Monentar ta’ bisa mabaras. Mas sajan
todhus.”
“Todhus
dhari apa?”
“Kamu
mancella’ ka saya? Ka binena dibi’?”
“Ba’na
ma’ gun mekkere aba’na dibi’. Ta’ mekkere ana’na. ladina lekka’ todhus.
Sanajjan calattong ekaela asalkan kacong bisa baras. Apana pole gun menta
tolong ka Monentar. Ma’ kose ra-sara gallu’ ra. Odhi’ ban kamu itu, kose
padhana se haram ban along-tolong, along-polong ban tatangga. Padhana se odhi’a
kadibi’an.
“Mas.
Kamu agigir ka binena dibi’ sekarang mas. Kamu mancella’ ka saya sekarang.
Hah?”
Kita
atokar. Anak kita ta’ baras. Mon palang. Kita atokar. Bahkan pas acerrai. Ana’
kita ta’ baras. Kamu gak mikir apa emang gak punya pikiran? Ba’na aromasa
mekkere ana’na. badha tamba se semma’, se kare ngolok e budhiyan, pas kamu
ngalange. Ba’na mangga ngabas budhu’na dibi’ aro-serroan nga’ rowa. Mangga? Ma’
gun nanges pera’. Bila egiggiri. Lakena kasar. Lake kerras. Toro’ cacana ba’na
jare. Ma’ tolos ana’na ta’ nemmo bukona tamba.
Karduluk,
Rebba 1442
Ngombar
e majalla Jokotole