Mudhar CH: Pengaro dhari Arach Jamali

 

Lalake’ paneka ampon bannya’ ngarang (nyerrat aleyas noles) dhalem basa Madura, molae dhari careta pandha’ (carpan), sanja’, sampe’ careta se pon samangken para’ sobung, careta se pon ta’ pate eddhebber sareng oreng bannya’. careta-careta kasebbut e kerem ka media se badha e jaba temor tor narema basa Madura. Kantos mangken, e Madura paneka badha tello’ media se narema tolesan basa Madura, enggi paneka majalla Jokotel se ngombar dhari Balai Basa Jaba Temor, ngombar dhukale dhalem sataon, Jawa Pos Radar Madura, carpan ban sanja’ ngombar sabban are ahad tor Yayasan Pakem Maddhu se dhari Pamekasan. Lalake’ se asma epon Mudhar CH ka’dhinto seggut nyerrat monggu media kasebbut. Tanto polana lebur ban emba ka basa Madura.

Maos jugan

• BARBARIKA, SAJAK O’onks Sekali
• Ghul-ghul, Pertunjukan Tahun 80an
• carpan: Labang
• Majang, Riqatul Fitriyah
• Petani Tembakau yang Jago Mendalang 

Mudhar CH paneka babbar e Lobuk, Bluto Songennep e taon 1980. Gi’ bakto asakola ‘Sekolah Dasar Negeri’ (lulus taon 1992) ampon noles careta, asabab epakon sareng guru epon se asmana enggi paneka Pak Saleh (alm), Pak Ahmad tor Pak M Zaini (alm). Manabi badha tatenggun e loar sakolaanna, se bisa etenggu marena asakola, Mudhar CH olle nenggu tor wajib acareta dhalem tolesan. Saenggana molae gi’ SD ampon biyasa les-noles. Bakto gi’ SD paneka aba’na ta’ apangrasa ponapa gunana noles, napa pole kaguna’an noles dhalem basa Madura. Sanajjan bakto MTs sareng macet total ta’ ma’-semma’ ka tolesan, namong bakto MA e Luk-Guluk molae ajar sanja’ pole. ajar maca epatobuk. Noles paggun ta’ semma’ sakale. badha dhuwa’ guru se parjuga enggi paneka Pak Aryadi Mellas tor Pak Lathif Anwar se ka’dhimma sadaja santre oneng sadaja monggu dhuwa’ salera kasebbut.

 

Bakto akulliya e STKIP PGRI Sumenep molae noles pole. noles tadha’ laen akadiya bakto gi’ SD enggi paneka polana badha tugas dhari guru, samangken polana badha tugas dhari Dosen. Bakto akulliya tanto pangajaran sajan berra’, namong sajan jarna’ saenggana bannya’ se eajari molae dhari ajar analisis, kritik sastra tor apresiasi monggu prosa otaba fiksi. Sanajjan dhari lulus MA gi’ pegga’, asabab ta’ cokop syarat. Lulus MA taon taon 2000, buru taon 2003 maso’ STKIP PGRI Sumenep. maske aella’ tello taon, bakto apanggi sareng Dosen Basa Madura, salerana se molja Bapak Abd Rahem se kalon kalaban Arach Jamali, Mudhar CH addhreng se nolesa basa Madura.

 

Aba’na apangrasa tacengnga’ ban getton monggu serradan epon bapak Arach Jamali se ka’dhimma sala settong sanja’na enggi paneka “Dhara Campor Mardha”. Salaen paneka, aba’na se pon seggut nenggu tatenggun se ka’dhimma tatenggu dhimen enggi paneka saronen, lodruk tabbuwan, kejungan tanto asababbagi Mudhar CH gadhuwan pengaro music-musik gendhingan, saenggana aba’na lebur monggu sastra lesan Madura, napa pole careta dhalem Lodruk.

Maos juga

• Epic Ending Preman Pensiun 8
• puisi Zam’sta: MENGEJA MATA KEKASIHKU
• Di Laut Kepasrahan
• Mosem Panemor, Peragga Oreng Tane
• Mosem Arta’, Gatel keng Manes

 

Sanajjan dhari lamba’ gi’ Sd ampon noles polaepon epakon guruna, namong tolesan kasebbut elang sobung karena. Buru badha ollena sajjegga ampon oneng ja’ badha JPRM (Jawa Pos Radar Madura) se bisa mangombar sastra Madura molae taon 2015 sabban are Ahad. Aba’na ngalle ka Sampang molae taon 2007 asabab badha pamangger se macekka’ aba’na; enggi paneka tareka taresna se majembar kaodhi’anna: araji ka Sampang; kalaban Nine A kaparengan dhuwa’ potra se nambai kabunga’an. Badha e Sampang, Mudhar CH ngabdi e Ma’had Al Ittihad Al Islam (MII) Camplong Sampang tor molang Bahasa Indonesia.