Sanajjan samangken paneka manabi malem
ojan redhu tor gulaggu arena tera’ tar-kataran, reng tane se ngagunge tatamenan
arta’ bannya’ se meos dha’ teggal niat molonga arta’. Bungka se robbu, bua se
ateng-renteng ta’ abit pole badhi e polong. Arta’ epon se toa badha se abarna coklat,
celleng tor badha jugan se gi’ ngabiru ekapelo epolong. Dhang-kadhang reng tane
adanga ka langngi’ ngarep badha rendheng
sopaja ta’ pate kapanasan ebaja molong arta’. Badha se ngantang molong dari
lastarena sobhu, badha se marena pajjar, badha se ngantang dung indung are badha
juggan se ngala’ rop sorop are sopaja ta’ pate kapanasan.
Pakakassa reng molong arta’ paneka
acemmacem agumantong rengorenga. Se molong arata’ lem malem badha se ngeba
senter a sapatu bidhong sopaja sokona ta’ taparsong otaba tacok-cok. Se molong
seang badha se gun asandhalan tor badha jugan se ta’ ngangguy panapa sokona.
Ta’ loppa jugan baddha ember se genna’ sareng teng teng gabay baddhana arta’ se
epolong e bakto nyerang ka tengnga teggal. Manabi ampon possa’ arta’ e baddha
ember se e teng-teng , rengoreng se molong arta’ ga paneka menggir gabay notta’
buana arta’ ka baddha se lebbi raja. Baddha epon acem-macem, badha se aropa
kaddu’, badha se aropa karong, badha jugan se nganggui ball gabay baddhana
arta’ gapaneka.
Maos Jugan
- Anak Petani Asli Yang Lulus Magister
- My Idol Is The Prophet Muhammad
- Jarak yang Kukejar
- Festival Tunas Bahasa Ibu
Tong settong arta’ epolong dhari bungkana
epamaso’ ka ember, epapolong gan sakone’ dhari bungka se sodhek tor se robbu.
epele ngastete ekala’ wa towana sopaja se ngodha neng tombu sajan raja.
Kalakowan molong arta’ paneka banne
parkara gampang. Salaenna meang, molong arta’ neka kodu sabbar mele tor ngepet
tong-settonga bungka gabay mele arta’ se toa se pon siap gabay epolong.
Salasatarena arta’ takompol bannya’, saterrossa arta’ badhi eangko’ egiba paleman. Sa dhapa’na arta’, saterros epon arta’ gapaneka badhi ejemmor e panassa are. Manabi arena terang tor tera’ tar-kataran insyaallah dhalem saare arta’ paneka ampon kerreng. Tandhana arta’ ampon kerreng enggi paneka manabi eginja badhi ngkaratap, tapesa kole’ sareng bigina.
Manabi ampon kerreng sadaja, arta’ gapaneka
badhi epesa kole’ sareng bigi epon. Badha se mesa ngangguy messin badha se gi’
angguy cara tradisional epoppo otaba ebukbuk. Se ngangguy mesin kare mamaso’,
saterros epon kare mele bigi arta’ se ampon tapesa antara kole’ sareng bigi
epon. Se ngangguy cara tradisioanal biasana arta’ se kerreng epapolong, kadhang
ebaddhai karong kadhang badha jugan se e ampar e attassa terpal. Saterros epon
arta’ se kerreng gella’ badhi epoppo, epenthong otaba ebukbuk ngangguy kaju
sopaja bigi se badha e dhalem kole’ kaluar. Saterros epon badhi eabur (mesa antara kole’ sareng
bigi kalaban amanfaat’agi angin se lebat). Ngabur neka banne gun sakalian,
nangeng elang-ulang kantos bigi sareng kole’ epon berse tapesa.
Maos jugan
- Ghul-ghul, Pertunjukan Tahun 80an
- Eja'an Dhalem Basa Madura
- Konsonan Alos & Dhammang
- Cangka Asela
- Resensi Buku; Kerrong ka Ombâ’
Saamponna arta’ berse saterros epon
enggi paneka ca’epon se andhi’ arta’ ja’ epakadiya ponapa. Badha se esempen, badha
se emassa’ gabay kolek otab kaldhu tor badha jugan se ajuwal sadaja ollena
arta’ gella’ dha’ reng-oreng se nangga’ arta’ sopaja olle obang.
Arta’ paneka pajat meang buluna tape
hasel epon manis.