Sajan
Abit Oreng Atane Sajan Tadha'
Satengkes
tolesan neka coma aropa'agi kembangnga tang pekkeran, banne maksod aba'
adulluwi katantowanna Pangeran. Tape mon paggun, Madura bakal onggu-onggu.
___________
Sakejja'
laggi' bakal maso' mosem bara'. Molae gaggarra ojan se neppane, sabagiyan
masyarakat ampon amomolan ngorek otaba epon nabur nebine (ngorep)
Namong,
dhari hal paneka badha settong pekkeran se agabay tang dhadha agundhal. Enggi
paneka kabadha'an oreng tane ban saba dhalemmanna lema taon otaba epon sapolo
taon se bakal dhateng.
Oreng
tane sanonto abannya'an oreng se laher eantarana taon 70-80, badha jugan se
dhari kalangan taon 90 ban 2000, masse ta' sakabbiyanna toron ka saba gabay
gantena se seppo.
Kadhang
bila bu-ambu, aba' mekker aromasa badha settong tabing se nyegga antara
salokke' saba ban na'-kana' ngodha. Aponapa ma' saka' dhinto? Karana jaman
sanonto manabi eompama'agi akadiya badha settong tampar se ale'le' na'-kana'
kaangguy nyedding cellot, enggi paneka 'momos' otaba dalmos.
Maos jugan
- Puisi Madura; Syair Mat Toyu
- Lukman: Ngaronge Sagara Madura
- Pantun Madura, Sanja' Kona
- Betapa Tragisnya Keluargaku
- Perempuan dalam Pekerjaan Sosial
Saengga
karana alasan momos, salah settong kaangguy ngaolle pesse aba'na bangal nyengla
dhari dhisana dha' settong tempat se majau aba'na dhari tana ban kalakowanna
reng seppona.
Nyengla dhari Madura, otaba adina saba kalaban nyare gante kalakowan anyar lakar bannya' hasel se ekaolle. Ta' sakone' reng-oreng se nyare kasab salaenna atane ngeba mole motor ban sukses mateppa' bengkona se gentengnga ampon ngalotor.
Banne
aba' alanglang nyare kasab ka lowar Madura otaba sampe' adina saba. Tape urusan
pergi ban tane tore padha pekkere.
Sanyatana
na'-kana' sanonto lakar pon baktona toron ka saba nalektegi baramma carana
namen padi, jagung ban samacemma tamennan sareng pergi se laen. Mon eker-pekker
pole lakar enggi.
Melana
dhari hal paneka kodhu badha
'pemberdayaan kaum milenial' dhalem nganggi' kalakowan saba. Dhalem settong
tolesan se pernah badhan kaula maos, Badan Pusat Statistik (BPS) tahun 2018
nyatet ja' kalakowan bagiyan pertanian ampon ngalame penurunan se ngagunge
dampak raja dha' produksi komoditas pangan nasional.
Aponapa
ma' bisa? Jawabanna ta' laen enggi paneka karana jumlah oreng tane sabban taon
ngalame penurunan se ta' sabandhing
sareng kabutowan se sajan abit sajan bannya'.
Maka,
sala sattong cara metorot febi.umkendari.ac.id se eterbittagi sareng Fakultas
Ekonomi dan Bisnis Islam (FEBI) Universitas Muhammadiyah Kendari (UMK) kodhu
badha sapergem usaha kaangguy ajaring generasi anyar lebur dha' ka tane. Hal
ka' dhinto terjadi karana kosongnga gante dhari kana' ngodha otaba epon sarjana
se bisa eandallagi kaangguy ajalannagi kalakowan tane.
Kalaban
badhana usaha gella' kodhu elambane sareng akses permodalan sareng jaminan
kadiya asuransi dha' ka oreng tane se ngalame kabudduwan panen.
Kembang
pertama kaangguy materbi' semangat pertanian dhalemmanna notobi kebutuhan
pangan nasional enggi paneka badhana tempat otaba saba se bisa egarap.
Maos jugan
- Carpan: Koceng Celleng
- Ajam Guring Pongkasan, Lukman Hakim Ag
- Ngala' Owanan ka Ji Tahir
- Dinamika Keribetan Berjomblo
- Parebasan Madura, Sanja' Kona
Ta'
gun coma poko' badha saba, tape tempat ka' dhinto kodhu lowas ma' le bannya'
nampong bannya'na tamennan. Saengga kalaban badhana kennengan se lowar hasel
panen jugan bakal banyya'.
Se
kapeng duwa' enggi paneka badhana bandha otaba modal. Ebagiyan paneka tanto
kodhu badha jalan gampang kaangguy ngaolle biaya dhalem magenna' pan-barampan
kabutowan se ekaparlo dhalem pertanian. Akdiya buthok, bibit se bagus, tor
samacem kabutowan laenna se ngabi' pesse raja.
Kembang
se nomer tello' enggi paneka campur tangan dhari pamarenta. Dhalem hal paneka
pamarenta ta' kengeng alembai tanang karebba dibi' (acuh tak acuh) dha' hasel
panen se ampon ongga dari saba. Paleng tidak enggi abanto dhalem pemanfaatan
panen akadiya aberri' pelatihan pemanfaatan hasel tane, abanto ekspor, tor
ngangguy hasel tane dibi' dhalem notobi kabutowan daerah sabellunna eongga'agi
dha' kabutowan nasional. Saka'dhinto
22-24 Rabiul Aher 1444.
Helmy
Khan. Oreng Toteker, Tang Batang Lao' se perna ajaga toko e Jakarta (Barung
Jakartaan) langkong tello bulan. Alumni Taufiqurrahman paneka malastare Sarjana
epon e Inkadha Baraji. Lebur noles tamaso' carpan (cerpen) tor sanja' dhalem
basa Madura tor Basa Indonesia. Serradan epon ampon biyasa abarnae media se
badha eman-ka'dhinto. Lanceng se pajat parjuga.