Pangapora,
Pangapora…
Dhamma
orengnga, ma’ buruwanna seppe… lalake’ ganeko nga’ lingngong esare tadha’
esare.
“Ba’na,
Cong!” Sapana oreng dhari tas tarebung. “Dika enggi, Yu.” Oreng bine’ ganeko
nyapa keya samarena ngontap dhari labang dhaporra.
“Enggi,
Ba’!” Saodda lalake’ se buru dhapa’.
“Toju’
ka attas gane, ampar lama’na.” oca’na binena se nai’. Oreng bine’ ganeko ta’
mapas, namong jugan ta’ kalaban se alos parana, enggi paneka coma kalaban enggi
enten, banne enggi bunten, asabab se eajak akandha paneka oreng se lebbi
ngodha.
Lalake’
ganeko pas toju’ asela ta’ masemma’ ka lama’na. ngabas ka bun lao’. Somor
nengke’ paggun badha.
‘Lamba’
sengko’ nyello’ aeng gallu se terro audu’a, ngenoma ban mandhiya, mon enja’ iya
entar ka songay, bara’ dhajana reya, tao songay gi’ agili pola’ oca’na dibi’
dhalem pekkeranna. E songay ganeko bannya’ oreng nyassa, manceng, ban
alangngoy, akeddal, amaen bu-tabbuwan aneng. ‘dhamma abdur ma’ ta’ tao atemmo
sakale… pola la loppa ka kancana.’ Lanceng ganeko ngello’e roko’na.
Maos jugan
- Wacana SIM Gratis
- cerpen: Kutukan Malam
- Carpan: Durahem Ajuwala Tokona
- Bulan Gerring Pesse Panas
- Obur Pornama Kaaddhangan Ondhem
“E
bara’ padha baras enggi, Yu!” Babine’ se pon molae ngandel la’ang ganeko atanya
dhari dhapo’ pala’-ngella’anna la’ang se pajat e saba’ eseddi’na somor.
“Enggi
baras, Ba’!” Saodda dhari tas langgar. ‘lamba’ langgar reya dhari kobung gi’an.
Bilana se eoba ka musalla ngan reya.’
“Jajanna
lakone gallu, Cong!” oca’na oreng dhari tas tarebung. “Areya sengko’ buru
ongga, ja’ molae gella’ bannya’ gallu’ jang-onjangan, banne kose apeggellan ka
jang-onjangan, iya banne kose perak sakeng rowa kadhang la’ang ta’ kaekot.”
Oca’na oreng ganeko sambi ngerrat manyang. Toju’ ajarokkong e tas tarebung.
“Enggi,
Ba’!” Saodda lalake’ ganeko dhari tas langgar sambi ko’-roko’an. Asela. Kopi
pon eangka’agi. Dhari pan-barempan langgar se laen, dhari temor, dhari bara’
dhaja, pon ekaeding oreng atarhem. Para’ adan mangrib.
“Ya,
Ta’ neng pamare sateya, mon kalakowan reya bannya’ gallu’, bannya’, katon loppa’a
se abajanga pas, polana nae’an, polana jang-onjangan, bin-kabin, kemma se gi’
tandha’ ella lebur, sakeng mon ebi-kabbiyagi ya tolos gun apirla. Ba’na mare
eberri’ kopi yaaa, mara dha’ar. Dha’ar. Jajanna jareya paongga. Lakone. Ja’ gun
abas.”
“Enggi,
Ba’!”
“Adan
gallu, Cong. Ba’na kan la abit ta’ adan edhinna’.” Ngedhing oca’ adan. Lanceng
ganeko takerjat, sabab pon abit aba’na se ta’ adan. Ojang. “Sengko’ terro keya
olleya dhari ba’na. malle reng dhinna’ tao ja’ ba’na la mondhuk ka jauna.
Sengko’ la mare sabungka. Dina sengko’ mandhiya gallu.” Oca’na sambi mole dhari
bun temor sabana. Mole kalaban mekol la’ang. salampar daddi sabbu’na, pangerrat
menangka songkel. Lalake’ ganeko makae’ ember aesse la’ang se pon biasa
epanyaba’i. binena pas napes. Epapolong kalaban ollena la’ang karena malemma se
pon mare ekelang. Lalake’ ganeko maso’ ka dhalem jendding se pon akerramik,
badha ata’na ban badha kompana aengnga. Oreng-oreng ganeko pon abajang.
Adekker.
E palemperra musalla pon eangka’e dha’aran.
“Mara ngakan gallu, cong. Mara entare! Ngakan lekka’ sakone’. Ja’ nola’
rajekke.” Dhabuna lalake’ se pon mare ngimami ganeko.
“Saestona
sampe, Ba’! banne keng nola’a rajekke.”
“Iya
sakone’ lekka’. Mare adha’ar, mara akandha sampe sobbu. Sateya ngakan gallu.
Polana tadha’ babak kedua. Bila sateya. Ya sateya.” Oca’na oreng ganeko lanjang
lebar. Adha’ar areng-sareng.
“Pasang,
cong! Pasang. Ja’ ka-sengka. Paongga. Jareya juko’na kocel. Lagguna tadha’
pole.”
“Perna
onggu tabu’ se moose’, Ba’!”
“Ba…
iya. Mara pasang. Mon ta’ sakeng-sakeng ta’ atemmo ka rajekke. Kadhang kose
nyare. Badha se posang polana ta’ nemmo ka rajekke. Sampe’ ekoca’ posang e
tera’na ekowa. Mon gi’ bisa. Iya ja’ tola’ rajekkena. Me’ lagguna sadhumalem
pas ta’ nemmo rajekke.” Dhabuna oreng ganeko sambi nolong juko’, nyelen kowa.
“Enggi,
Ba’! lerres! Aposangan onggu bila sobung!” sawodda sambi nyeddut aeng dhari
gellas se ambu cocco kalaban selllang kene’ padhana lente.
Maos jugan
- CERPEN MENIPU TUHAN
- Carpan: Edina Akabin
- Bukan Lagi Pertempuran Fisik
- carpan: Labang
- carpan: Nyandha' Caretana Sattar
“Sateya
mon ta’ ngenom gellasan, akaton astaba. Ta’ nyadhiyai, mesalla. Korang samporna.
Areya la jamanna.” Dhabuna sambi abacca ka pereng. Dhari man-kadhimman pon ekaedhing adan isa.
“Mara abajang isa sakale. Dina aroko’ daggi’.”
‘Biasana
ta’ pate abajang bakto mare adan. Pas sateya langsungan. Apana pole marena
ngakan biasana pas saleccer gallu. Ya dina la-ngalae.’ Lalake’ ganeko pas
aqomat. Pan-barempan na’-kana’ buru-buru sabellun isa. Saengga pas elenga’i
sareng oreng se bakal ngimami ganeko.
“Mara
ja’ aginjeggan.”
Mare
abajang isa. Oreng ganeko alonggu pole epalemper. Roko’ etolong. Ekello’e. Kobi
esirut. “Mara jajanna jareya kael, cong!”
“Enggi,
Ba’! kaula bila aroko’ ganeka biasana ta’ pate terro ka se laen.” Bakto sajan
malem. Bulan gi’ ta’ ngombar, asabab bulan ngodha.
“Ganeka
nae’anna sampeynn lastare pon, Ba’?” etanya’agi mara ganeko.
“Enja’.
Dina mon gun nae’an! Bisa lagguna pole. La’angnga ta’ kera eabi’. Ta’ kera
lowa. Jareya gettonna pera’. Sengko’ reya biyasa. Bila gi’ laggu epalaggu.
Possa’na paggun. Epaabane sakone’, mesalla kol ballu’an gi’ laggu. Ya ta’ lowa
enja’. Seyang ban malem reya baktona kan padha. Tape arapa ma’ ta’ lowa. Ba’na
ta’ kera nemmo cara jareya, jareng ta’ nae’. Coba’ nae’ keya. otaba ba’na
nyettongngagi ka settong usaha, ba’na reya bakal atemmo apa se lebur ban ane.”
Merengngagi dhabuna se lanjang. Lanceng ganeko gu’-onggu’an. “Ba’na mare se
mondhuk?” petanya ganeko maksodda apa la mare se mondhuk, mare kabbi
pangajaranna, lulus?
“Bunten
ta’ mondhuk!”
“Iya
kan asakola iya. Akulya. Iya padha bai. Padha nyare elmo. Mon ta’ keng-sakeng
pekkeranna manossa se eparenge Pangeran, baremma carana maongga aeng kalaban
kompana aeng jareya. Badha kakowadan apa. Jareya kipas, ma’ bisa aenter. Daddi
pas badha angen. Sengko’ ta’ dugga ma’ kipas aenter. Apa se maenter.” Ngedhing
dhabu mara ganeko, lanceng ganeko bingung baremma carana ajarba’agi ja’ ganeko
aobana energi listrik. Gun bisa gu’-onggu’an.
“Bila
oreng cara ba’na reya, nyare elmo sampe’ ka jaba, jaba tengnga iya.”
“Jogja,
Ba’!”
“Iya,
jugja. Dhimma jareya. Solo ya. Dhapa’ ka Jombang?” petanya oreng ganeko sambi
nyergu’ roko’na. lalake’ ganeko sem-mesem. Baremma carana ajellasagi jogja ja’
badhana e bara’ lao’na solo.
“Apa
nyamana pondhugga, cong?”
“Sunan
Kalijaga, Ba’!”
“Bannya’
santrena ya…”
“Sabban
taon se adaftar lebbi sapolo ebu. Tor paleng se etarema telloebuwan.”
“Beurh
manda’na jareya keyae raja. La kalonta dha’ ka man-dhimman. mon ta’ keyae raja,
andhi’ elmo se parjuga, tanto ta’ kera esare, sampe’ sapoloebuwan se terro
mondhuga e jadhiya, pas gun coma etarema sakone’.”
‘baremma
cara ajellasagi bidana pondhugan ban kulya’an.’
“Tanto
perak oreng dhissa’. Disana ekennengnge oreng nyare elmo. Tanto pas bisa ajuwal
dha’aran. Kan pas ajalan kabbi. Iya tana. Tao mon malengnga.”
“Enggi
nyamana na’-genna’, badha keya se kaelangan hp, laptop, sapedha motor, enggi
manabi se ajuwal dha’aran along-polong. Ja’ reng se akulya ka’dhinto sadajana
lebbi lema bellas ebu. Kadhang se pon maso’ 2008, ka’dhinto ta’ lulus e taon
2012. Ma’abit.”
“Ba’na
barempa taon la cong?”
“Nem
taon pon!” oca’na lelere. Todhus.
“Ba’na
ngaji otaba ajar e bagiyan apa jareya. Pola se ekoca’ jurusan rowa ya?”
“Enggi.
Aqidah (filsafat).”
“Iya
bagus jareya cong. Sateya la bannya’ oreng se ta’ mekkere aqidana. Daddina
gampang tapala’car ka ban-saromban pas loppa ka aba’na dibi’, jareya polana
aqidana ta’ kowat. Iya lakar cong, bila la juntrong mekker. Manyettong, areya
kadhang sampe’ ta’ sempat se nyokora obu’.” Ngedhing oca’ ta’ sempat se nyokora
obu’. Lanceng ganeko agaruk le’erra.