Eja'an Dhalem Basa Madura

 

Lalampan.com. 1444. Dhalem basa madura kantos are mangken badha dhuwa’ eja'an se pendhanan kalonta enggi paneka eja'an 1973 tor jugan 2011. Se eja'an kapeng dhuwa’ paneka laen-laen sebbudanna, badha se ngoca’ eja'an 2008, 2011, otaba 2012, badha jugan nyebbut kalaban eja'an 1988, ka’dhinto aropa’agi cem-macemma eja'an. Eja'an-eja'an kasebbut se anyaman taon (2011, 2008 tor 1988) ka’dhinto amarga eja'an kasebbut disahkan e taon kasebbut. E taon-taon se daddi nyamana eja'an enggi paneka badha kongres basa madura, manabi banne kongres enggi badha musyawarah.

Se ka’dhimma dhari se kadhuwa eja'an paneka padha agandhu’ kakorangan tor kalebbiyan, namong eka’dhinto tolesan ta’ badhi ngombi kakorangan tor kalebbiyan dhari bang-sebangnga eja'an. Badan coma aparenga oneng se ka’dhimma parbidaan eja'an ka’dhinto se ka’dhimma eja'an 2011 ka’dhinto aguna’ana diakritik.

Diakritik enggi paneka tandha maos se bisa ngoba sowara horop vokal akadiya a daddi â otaba e daddi è. Otaba badha t tor jguan d akadiya paneka ḍ Ḍ Ṭ ṭ, badha se terro tor kasokan kalaban eja'an se bisa noles kottha kalaban tolesan koṭṭa (ejaan 1988), badha se kasokan kalaban eja'an 2011 kalaban bisa noles kottha. Akadiya ḍârâ (1988/2011) tor laen samacemma. ka’dhinto lakar magampang dhalem pamaosan basa Madura.

• The Talon as Training Camp of PERSIP
• Prediksi Jalur Kereta Api Madura
• Majang, Riqatul Fitriyah
• RM Sahli Hamid, Sang Pelopor Kebersihan Lingkungan

Bannya’ se ta’ ngagali ja’ badha oreng paneka se kasokan se nyerrat kalaban eja'an 1973, se ka’dhimma e dhalem nyerrat paneka ta’ ngangguy diakritik tor fonetik, saenggana sobung harkat ban titikna, akadiya noles saba (sawah), enggi cokop coma saba, noles bala enggi cokop kalaban “bala” tho’ ta’ lebbi. Tor kadhang sela apareng oneng ja’ ka’dhinto eserrat kalaban eja'an 1973, gi’ paggun epaksa.

Manabi eja'an 1973 neka horop vokal (bunyi) neka coma a, i, e, o, u (AIEOU), manabi eja'an 2011 neka tanto lebbi bannya’, asabab e tor è neka bida, è neka kaangguy oca’ e tepes, enggi akadiya nolès tèpès, sèngko’, manabi engko’, e, ta’ usa diakritik, ta’ usa harkat. Sèra, Èntarar lè-mellè, ka’dhinto eja'an 2011, manabi eja'an 1973 cokop entara le-melle ka pasar. E dhalem oca’ melle badha e tor è.

Contona pole. pole, pèrèng, lè’, tènggi, manabi e, akadiya lekko, komel, banne komèl, ella, banne èlla. Anapa polana ma’ malarat, enggi polana gi ta’ biyasa agi-panggi kalaban serradan basa madura. kantos are mangken tolesan oca’ “MADURA” ta’ nemmo akor, badha madura badha se kowat ngoca’ madhura, badha Mathura, badha Maturha, mature, madure, madurha. Metorot eja'an 1973 enggi paneka “MADURA”. manabi dhalem kamus karya epon Adrian Pawitra enggi paneka MADHURÂ. EJAP ENGGI?

• Epic Ending Preman Pensiun 8
• Dudul Sanja’ Ummah El-Kamil
• MENIPU TUHAN
• Petani Tembakau yang Jago Mendalang

Anapa ma’ sara maos basa madura se sobung tandhana, sobung harkadda, enggi polana lakar rang-rang tolesan basa madura, asabab basa, asal epon neka pajat basa lesan, banne basa tolesan, namong basa-basa dhari bangsa se maju paneka pas etoles, tor epadaddi tolesan, basa inggris basa arab, mandarin, jepang tor laen samacemma, saestona manabi basa Indonesia kantos mangken buru saomoran sareng bangsa Indonesia, asabab mardika buru etaon 1945, manabi ebitong dhari Sumpah Pemuda, enggi ampon para’ se bakal aomor 100 taon, tanto lebbi seppo basa dhaera, akadiya basa jaba, basa melayu (sumatera), basa sunda, basa madura, basa osing tor en-laen epon.

Se badha perbidaan eja'an neka banne namong basa Madura, ta’ usa seddhi, napa pole apangrasa paleng samporna kalaban eja'an sala settongnga, dhalem basa inggris neka badha ejaan se lakar esebbut british tor longman. Aneka dhari se dhuwa’ neka padha badha kamussa bang-sebang, Longman, Dictionary Of American English tor jugan badha kamus Oxford (English Dictionary). Dhuwa’ kamus paneka padha eangguy. Saenggana dhalem tesanna otaba ujianna neka jugan bida-bida, manabi TOEFL neka ngangguy aksen amerika, manabi IELTS neka ngangguy akses British. Aneka kaula nenggu e google.

Napa pole lakar bahasa Indonesia, sabellun EYD akadiya paneka settong enggi paneka Ejaan Van Ophuijsen (1901), dhuwa’ enggi paneka Ejaan Soewandi (1947) tor tello’ neka Ejaan Yang Disempurnakan (1972) tor saterros epon enggi aneka jugan kaula atanya ka google. Sampeyan enggi maos jugan sopaja sajan samporna tor parjuga.