Mangken, Kalerresan Babbar LP Ma'arif
NU Kapeng 97, Salamet : "Lembaga NU Sumenep Kodu Maju"
TAMBUL. Sadaja lembaga-lembaga
pendhidhikan se badha e naongan LP Ma'arif NU Kottha Sumenep alaksana'agi lampa
babbar LP Ma'arif NU se Kapeng 97.
Tareka ka'dhinto badha pan-saponapan
lalampan akadi JJS (Alomampa kangguy kasehadan), Senam Anak Indonesia Hebat
sarta atoran pamarenta ngengenge Deklarasi Budaya Sekolah Aman dan Nyaman sarta
namen bibidda ka'-bungka'an lerres e are Satto baja laggu, tanggal 1 Oktober
2026.
Se kasokan hadir enggi paneka
perwakilan dhari Dinas Pendidikan Sumenep, PCNU, sareng Kementerian Agama
Sumenep (Kemenag), jugan Ketua Ikatan Guru Sumenep (Pergunu), Ketua LP Ma’arif,
tor pan-saponapan Lora (kapala) sakola’an tor staf guru e naonganna LP Ma'arif
NU Sumenep.
Dhalem dhadhun pamokka', Lora LP
Ma’arif NU Sumenep, Dr. Salamet, S.Fil.I, M.Ag., asajja onggu kaangguy ngeba
tor ngoba kabadha'an lembaga-lembaga pendhidhikan se badha e naongan LP Ma’arif
NU Sumenep daddi sakola’an se maju, modern tor nyadhiya’agi layanan
pendhidhikan se sae. "Kalaban babbar epon se kapeng 97 ka'dhinto, kaula
gadhuwan pangarep molja tor tojjuwan gagak kaangguy sadaja lembaga e LP Ma'arif
NU Sumenep sopaja daddi kaca kebbang pendhidhikan se kasohor ngopene tor arabat red-mored se parjuga tor gadhuwan akhlaq
bagus.
Anggota Dewan Pendhidhikan kottha
Sumenep ka'dhinto bakal asomaja sadaja LP Ma'arif NU Sumenep ekabidi dhari
lembaga pendhidhikan dhari ondhag TK ban SD kantos SMA ngabakte onggu arabat
tor aladine kabutowan masarakat, otamana dhalem pendhidhikan.
Menorot salerana, LP Ma’arif NU
Sumenep jugan parlo maddek kemitraan sareng pan-saponapan lembaga NU kaangguy
nolonge program-program pendhidhikan se badha e naonganna lembaga Ma’arif.
“Mandar-mandar LP Ma’arif NU Sumenep
ka’dhinto kellar mekol pakon tor kellar maddek kolaborasi sareng sinergi
areng-sareng masanat kareb visi misi madaddiyagi lembaga-lembaga pendhidhikan
ka’dhinto se langkong ngadha' tor paleng sae. Pendhidhikan NU kodhu maju e
kottha Sumenep,” dhabuna notop jajarba'an.
Penulis: Fendi Chovi