 |
| SMAS NU Sumenep |
SMAS NU Sumenep Maddek Tareka Maemot Babbar Kottha
Songennep kapeng 757
TAMBULL||SMAS Nahdatul Ulama Sumenep ngaemodi are
babarrepon jenneng kottha Songennep kapeng 757 kalaban bannya' tareka karja.
Lerres e are Satto, tanggal 31 Oktober 2026. Tareka
"apel pagi" elampa’agi kaangguy ngajum jajarba'an Kottha Songennep
Jaja Rajja.
Lampa ka'dhinto erabuwi ebu kapala sakola'an sarta
sadaja guru, staf TU tor ret-moret.
E dhalem lalampa’an ka'dhinto, ebu lora SMAS NU, Sri
Farida Hartatik, S.Pd., tor sadaja ru-guru sarta moret padha sanat ngereng
lampa kalaban bunga tor gumbira.
Pembina Apel, Lora Fendi se kapareng ngemban pakon
ngatorragi dhadhabun.
Salerana e dhalem ator kabidan, ngatorragi
pan-saponapan babulangan, kaangguy maemot are kadaddiyan kottha Songennep tor
pangarep parlona ajaga budhaja Madura sarta dadinggalan kona, se kodu epeyara
tor erabat kaangguy ngennalagi kottha Songennep tor Madura.
Dhadhabun Alumni Universitas Trunojoyo Madura
(Unijoyo) paneka, aropa pamanggi parlona ajaga budhaja andhap asor sarta ajaga
tengka guli se patot tor Parjuga e dhalem kaodhi'an re-sa'are.
“Jaga tengka guli se bagus, se daddiya settong
tandha, menangka oreng Songennep se ajaga budhaja andhap asor e dhalem ajalane
kaodhi'an re-sa'are," caepon Fendi, majarna' pamanggi.
Salerana ngoncarragi maksot, sopaja budhaja andhap
asor ta' serna, ta' elop egiba jaman. Kodu eangguy ngangodhadan, langkong parjuga ret-moret e dhalem kaodhi'an re-sa'arena, se
bakal mekol pakonna bangsa e bingkeng are.
"Kalaban ngangguy andhap asor, kalaban tengka
guli tor totor basa se parjuga. Kabajjraan e dhalem odhi' bakal ngaolle petodu
kaangguy Jaja, Rajja tor Sodek parjuga," Fendi, ngatorragi pamanggi.
Salaen tareka "pel pagi", SMA NU Sumenep apareng
pan-saponapan tandha pangesto kaangguy ret-moret se ngenneng adduwan. Akadi
adduwan maca sanja' Basa Madura, dhungngeng basa Madura, Kacong Cebbing SMANU
sarta Bazar Jajanan Madura.
Sadaja tareka epongkase kalaban pandu'a sarta
tahlil, etterrosagi adha'ar areng-sareng sadaja guru ban moret kalaban rassa
gumbira.
Pangarep are babbar kottha Songennep se kapeng 757
daddiya jalan kaangguy kennal budhaja tor sajarana kottha Songennep kalaban
arabat sadaja dadinggalan se langkong sae erabat e dhalem kaodhi'an masarakat.(PpN)