Majang
Lebarra tase’ se eyabas ta’
ngorange niat oreng majang
Toju’ e attas sampan,
masepa’ aroko’ bang-kambangan noro’ gulina aros
Nambara’ paneka ta’ manemor pangaterro
Sanajjan la sakala mole ta’ bi-nyambi panapa
Kaula netene e penggir,
ngoladi gulina aeng
Dhateng ro’om esto se
ampon kalabu, alokae dhadha se la kerreng
Oreng-oreng lebat, ta’ ngestowagi.
Anapa dika akalemba’ pole (?) ngarosak leburra omba’
Engetan alajar,
agabay tanges nompa
Pekker noro’ majang
aleng-lenge lebarra sagara, ngeba loka se
nyerrat
Ta’ bajra dika nyengla ta’ ale-tole
Maske dhadha eosap barempa kale
Tape serro ta’ bu-ambu nombuwi mardha e ate
Mayu’ mole, ngastete!
Pamekasan, 2022
Maos jugan
- My Idol Is The Prophet Muhammad
- Bilis-Bilis Ngangko’ Kakanan
- Petani Tembakau yang Jago Mendalang
- Cerpen: Kehidupan Kedua
- Odhi’ Juntrong ban Patteha
Bulan
pornama
Embu’ toju’ e amper, ngoladi sonara pornama
Enga’ gi’ bakto lamba’
damar ngacernang e per-amper
Agarabas aeng matana
aomba’ derras
“Lamba’ bila pornama ongga reng-oreng
toju’ e taneyan sambi ngenom kobi
masepa’ arembak
kalakoan se tadha’
engganna”
Sanonto, bila lampu tera’ e
sabban du-padduna lorong
Ta’ mabali rampa
Acaca saparlona
Sakeccap dhu-keccap enga’ oreng
ta’ kenal
Se semma’ elang ta’ atale pole sataretanan
Se jau pas acakarba asemma’an ban se satalean dhara
Apa reya se adaddiyagi rosakka ate ?
Seppe tor nyalengse
Pamekasan 2022
Kembang elop
Samangken bulan sabal e maghrib se seppe
Mera bara’ pon
gingser agante petteng
calemodan
Kaula toju’ e langgar ker-dhikkeran
Nyeppe dhari kaengeran
Sabban are sabban malem oreng ter-ater caca
Kabara’ katemor
Apergi baji’ e ate se
bucco’
Bula adina kopeng e amper bara’
Maddhain sompana oreng se lebat
Ca’-paroca’ ondhur
dhateng ta’ kapra
Aba’; kantha kembang elop
se odhi’ e tana bacca
Madin ban saliha; jung tenggian banta
Ma’ samangken se sossa
Bula ban dika pon biyasa daddi lan-bulanan petna
“sabelluna are ongga sapanombagan
tore jaga ka’”
Oca’en madin
sakeccap
“le’ pajjar gi’ ta’ alonggu bula pon ngeding, kalowar nyaropa loka”
Aruwa’ are pon ko’-nongko’
Ajam akongko’, ebbun gi’ bacca
Nape keng se daddi sala ?
Marga tola ta’ ale-tole
Larangan tokol 2022
Maos jugan
- puisi Zam’sta: MENGEJA MATA KEKASIHKU
- Epic Ending Preman Pensiun 8
- CERPEN MENIPU TUHAN
- Naskah Lakon: Equilibrium
- Rindu Terpasung Waktu
*Riqatul Fitriyah, babbar e ponca temor pulau madura e kottha Songennep 27 April 2001, alumni Bustanul Ulum, samangken menangka Mahasiswa IAIN Madura, se kasokan akanca lebhat akun media sosial Riqatulftryh.