Giligenteng. Lalampan.com. 1447. Masyarakat magarsare Kampong Julung Lao’ ban Julung Dhaja, Desa Galis, Kecamatan Giligenteng, Kabupaten Sumenep, se aropa’agi sala settong polo se badha e Kabupaten Sumenep, agutong rojung dhalem ngaspal jalan se ekalampa kalaban swadaya, e bakto Sennen (14/07/2025 18 Sora 1447).
Ngalakone aspal buton se lanjangnga ballung ngatos meter paneka etargettagi lastare are Salasa (15/07/2025 otaba 19 Sora 1447).
Pangaterro paneka emolae dhari rembagga masyarakat otamana pan-sanapan jaragan tor tokoh masyarakat magarsare kasebbut dhalem sabulan se tapongkor.
“Tombuna pekkeran paneka dhari H Hendra, Ust Mudahri,
KH. Qusyairi Qoha tor jugan Fathorrahman.” Ca’epon Imam Hasyim, se aropa’agi
Panitia Pangaspalan paneka, Salasa (15/07).
Pangaterro paneka banne namong etarema sareng Masyarakat,
tape jugan esambut kalaban perak tor bunga, bannya’ Masyarakat magarsare Julung
Lao’ sareng Julung Dhaja se nyombnag, badha se apareng dana/pesse kantor bahan
material.
Sabab, metorot Imam, Masyarakat magarsare neng ka’dhinto
padha terro, padha ngarep akses jalan se bagus, se layak, maemot jalan se
easpal aropa’agi jalan otama se elebadi Masyarakat sabban arena,
“Badha se nyombang bato cor, badha jugan se apareng
obang, molae dhari 100ebu, saenggana akompol obang enggi paneka 170 juta
kaangguy ngaspal jalan paneka.” Totor Salerana Imam.
Ta’ coma Masyarakat, Kalebunna jugan apareng ‘pendanaan’
dhalem Pembangunan paneka.
“Tojjuwan swadaya paneka sederhana, enggi paneka
abanto disa, sabab jalan paneka pola gi’ ta’ sanggup, ta’ cokop manabi dhari
anggaran dana desa tahun ini.” Petotor epon.
Aba’na ngarep, samoga/mandaran hal kadipaneka bisa
nyojju addreng Masyarakat dhalem agutong rojung se lebbi raja dhalem Masyarakat.
“Samoga ka adha’na, sajan bannya’ Masyarakat se lebur
ka angguy mabagus disa areng-sareng.” Petotor pongkasan epon
Aksi Kolaboratif otaba agutong rojung paneka daddi bukte
nyata ja’ manabi ekalako areng-sareng, tor edanai areng-sareng antara tokoh, Masyarakat
tor Pamarenta Disa paneka mampu/sanggup abakta perubahan se langkong sae monggu
Masyarakat Magarsare.
Aher-aher mangken pajat bannya’ Masyarakat se nopowe
lobang jalan, badha se easpal kadipaneka, badha se eccor dibi’, acem-macem,
badha se elakone para’ tellasan, sampeyan kare nyare beritana neng google ampon
bannya’, neng sadaja media sosial jugan Masyarakat jugan apareng bukte, akadiya
video tor en-laen epon.
Samoga ka adha’na, sajan bannya’ jalan se epabagus!!!
Somber tolesan
*kabarbaru.co
*netranews.co.id