Serrona
Ate
Ta’
tao se aserroa pole
Polana
banne gun sakaleyan dhukale
Lakona
dika gun aberri’ peyape
Le’,
se ecokoco dika neka ate
Ma’
cora’ sarombanan dika lako nyake’e
Mon
gun e lowar ramme bula ta’ repot
Sossana
polana e dhalem padhana se egursong ka parot
Pas
atengka’a baramma pole se kera’a ta’ daddi lopot
Maskeya
kowat padha tao keya carana nyorot
Daddi
ja’ ka ko-lako mon eyabassagi la ta’ patot
Pola
ta’ enga’ ka lamba’ e baktona ngemmes
Dika
nges-tatanges anyo’on ka bula sopaja ta’ ngalemes
Ajanji
ja’ taresnana dika ta’ kera epabau ames
Tape
ropana bula gun e cokoco caca se nes-mamanes
Cora’na
bula ta’ andhi’ sala se raja
Sanajjan
badha anapa mon ta’ usa akaneyaja
Poko’
dika abala dher-bendher bula pagghun parcaja
Kalerona
dika ondur ban nyake’e cora’ esangaja
Cokop
gan dinna’ bai
Bula
ta’ kera maksa’agi
Sokana
dika tekka odhi’a ban sapa bai
Bula
pon narema ban rida’ ngekhlasagi
Tambaksari, 18 Februari 2022
Maos jugan:
Patteha
Ka’ator
dha’ sadaja bangaseppo
Kong-langkong
ajunan para guru
Ajunan
sadaja muassis nahdlatul ulama
Ajunan
se ampon ababat tor arabat ba’-aba’
Duwa
kamolja’an angereng ajunan
Tanges
kerrong se leppet lebat ban-sabban pangabakte
Cangkolan
rassana naleka aba’ ta’ perna aromasa
Taneyan
se lanjang, pangarangan se lebar, tor pangabasan se jembar
Saestona
marga balangngajana ajunan
Tera’
e temor, sonar e tengnga petteng
Tadha’
pangarep se ekatanges
Kajaba
na’-poto bangsa padha saleng odhi’ akor
Molja
onggu balangngajana ajunan
Ampon
malebba’ wa’-buwa’an se tadha’
Patteha
khosos ka’ator dha’ ajunan para muassis
Tambaksari,
Februari 2022
Maos jugan
Odhi’
Juntrong
Cong,
mon mangkatta tengate
Embu’
tadha’ se ekasangoagiya
Dina
mandar bajra’a pa-apa se ekaterro
Ngastete
badha edisana oreng
Atengka
ja’ ban-saromban
Ja’
loppa sareng ban-sabban se maso’
Embu’
tako’ ba’na tapellang
Apa
pole sampe’ mabu’ aserro ke’ tabu’
Sanajjan
e kalempo sakale
Tape
dhari kakanan se ta’ etemmo konco’ bungkella
Embu’
ta’ kera bunga, Cong
Ta’
arapa agu’-ganggu’ buter
Sakeng
ollena pello accen
Jareya
sare, odhi’na Insyaallah juntrong
Pabian,
05 Oktober 2021
*Ach Jazuli lahir e songenep. Perna mondhuk e Prongpong dalem temor. Samangkeng
daddi mahasiswa pascasarjana Unisma Malang. Se kasokan akanca’a bisa epanggi’i
lebat akun medsos @ajaz_elmazry. Bukuna Ach Jazuli se abul-ombul Odhi’ ban ta-caretana ampon ngombar, para maos
kare messen lebat media facebook otaba whatsapp. Lanceng se babbar e Rubaru
Songennep paneka ngorenge tor ngodhi’i Kompolan Gai’ Bintang, dhalem Kompolan
Gai’ Bintang neka, ngongodhadan bisa ajar noles, bisa maos buku tor en-laen,
Gai’ Bintang aropa’agi Kompolan Literasi. Badhana Gai’ Bintang neka pangarep
sopaja ngongodhadan e Songennep minimal e Rubaru neka lebur maos buku, oneng
dha’ sadaja wacana se ampon berkembang e dunnya paneka.