Lalampan.com. 1444. Drakor neka katon pon nyomber
sabban are. Manabi sampeyan oneng ka aplikasi panengguna film, Drakor neka
badha se paleng attas, nomer settong, makala guruna Hollywood se pon samangken
ta’ pate etenggu (minimal mon kaula, mon sampeyan paggun nenggu, enggi eyatore.
Anapa’a sampeyan). Drama Korea neka pon daddi besse barane, oreng se oneng ka
Drakor bannya’ se terro nengguwa pole. tema se ekacareta neka bannya’ ban katon
sarombanan. Se penting pon egarap kalaban serius maskeyana pola dhalem acareta
neka para’ padha’a sadaja. Carana dhalem acareta neka padha. Kaula nyangkana
sutradarana oreng settong, otaba pangarang caretana oreng settong, saenggana
padha sadaja. Akadiya dhalem drakor se pon kaula tenggu.
Maos jugan
- Pengaro dhari Arach Jamali
- Okara Kakanten Basa Madura
- Aeng se Abakta Jembar
- Sajan Abit Oreng Atane Sajan Tadha'
- Parebasan Madura ban Contona
Enggi ngan ganeka. Bila mare episode settong, bila
maso’a ka episode dhuwa’, neka acareta kadinapa jaman lamba’na, mesalla dhupolo
tawon se tapongkor, bakto asakola, bakto gi’ kana’, ban laen samacemma. enggi
lakar nyaman. Ja’ ganeka lakar ‘hal’ se bisa daddi palappana careta anapa ma’
kadaddiyan bakto samangken dhalem drama kasebbut. Akadiya Alchemis of Soul.
Careta dhalem drama paneka adungngeng oreng se rebbu’an bato es (batu es).
Pasera se andhi’ bato es neka bakal andhi’ kasakteyan se ta’ bakal kala. Dhalem
drama paneka, enggi nga’ ganeka. Napa se asababbagi oreng ganeka daddi cara
neka e are samangken. Badha settong na’-kana’ se aliran kakowadanna ekanceng
sareng eppa’na se ondur, ta’ arabat sakale.
Na’-kana’ ganeka aropa’agi ana’na rato se ngenjam badanna
oreng se sakte ganeka. Badha oreng sakte se odhi’ e karaton ganeka. Oreng
ganeka bisa mangalle rohna ka oreng laen. Otaba ngala’ rohna oreng laen sopaja
daddi kakowadan aba’na. melana daddi perang. Kacong ganeka pon ajar ka dhu
bellas guru, namong asabab badha jalanna ora’ se ekanceng sareng eppa’na se
gila (polana sakte gallu’), neka ta’ bisa aguna’agi kakowadan, enggi baremma se
daddi pendekar mandra guna mon ta’ bisa makalowar sadaja kakowadanna?
Esettong kasempatan, Kacong ganeka atemmo oreng se
ejuwal ka Rumah Bordil, babine’ ganeka buta. Keng matana barna buabu, banne
pote celleng. Ganeka etangale sareng Kacong ganeka, melana pas epadaddi guru.
Babine’ ganeka eanggep ‘pelayan’ se kodu amassa’ ban nyassa dhi’na kacong
ganeka, asabab kacong ganeka aropa’agi oreng penteng, tamaso’ adhara rato.
Melana kodu andhi’ panjak dibi’. Bila eseppena. Se kadhuwa aropa’agi moret ban
guru. Bila eadha’na oreng bannya’. se bine’ aropa’agi panjak monggu kacong se
ta’ duli daddi neggu’ peddhang ganeka. Napa pole jat kateppadan, babine’ se
epadaddi panjak ganeka aropa’agi oreng se sokmana oreng sakte, namong maso’ ka
oreng kene’, se ta’ andhi’ ora’, saenggana ta’ andhi’ ora’ sakale.
Maos jugan
- Leya'na Literasi
- Festival Tunas Bahasa Ibu
- Huruf-Huruf Telanjang
- Ojan ban Gilina Palastik
- Konye’ Gunong Monggu Kerrong ka Omba’
Oreng ganeka aslina esebbut naksu. Asabab perna kala
ban nyosop ka oreng laen, ganeka loppa ka aba’na. potrana rato aguru ka Naksu,
naksu neka oreng se eanngep paleng babaja, asabab bisa nyeddot sokmana oreng.
Elmo neka aropa’agi cara kadinapa sopaja aba’na bisa terros odhi’ salanjangnga.
Ta’ mate-mate. Ta’ bisa mate. Bila pon towa. Ngalle otaba kalowar dhari badanna
se pon towa, ngalle ka badan se ngodha. Melana neka daddi perrang. Napa pola
jat badha oreng se dendam sopaja bisa makala oreng se perna makala.
Drama neka akadiya drakor se laen, sekitar 16
episode. Enggi abit nenggu neka. Saare samalem. Tor neka badha season kapeng
dhuwa’. Polana e bakto terakhir, Kacong gella’ eobbar namong odhi’ pole. jaga
dhari tompo’anna kaju se ngobbar aba’na. Season kapeng dhuwa’ neka bakal
ngombar bulan Desember. Samoga lebur akadiya season pertama.