Lalampan.com. sala settong Komunitas Sastra se badha
e Sumenep, khusus epon bagiyan ka mordhajana enggi paneka Damar Korong se saterros
epon esebbut kalaban DK, akadiya se esampeyagi bangaseppo tor se nyeppowe karja
molang are, A Warits Rovi bakto apareng sambutan. Ja’ DK (Damar Korong) paneka
ampon ganep aomor sataon, na’-kana’ ngongodhadan bagiyan Sumenep mordhajana
(Gappora, Tang-Batang, Dungke’) paneka mabadha kompolan (komunitas) Damar
Korong. Lalampan (kegiatan/acara) Damar Korong dhari gi’ sabban, gi’ molae
dhari buru majaga paneka ta’ nyettong neng settong kennengngan, tor kadhang e
penggir sereng, akadiya Bintaro otaba Barung Kobi se langkong sae kaangguy
mabadha musyawara tor parembagan (jajarba’an) sastra.
Dhalem sataon paneka, ampon seggut marabu reng-oreng
raja, se ampon cokop kalonta kantos tana manca, akadiya Fendi Kacong, tor en-laen
epon. E bulan Februari taon mangken (2024), omor Damar Korong (DK) ampon ganep
sataon. Dhalem karja molang are se kabidan ka’dhinto, Damar Korong banne namong
mabadha salameddan, kalaban akompol, adha’ar tor jugan maemot (refleksi) dhalem
parjalanan sataon kalaban marabu Salerana se Molja Sofyan RH Zaid, Salerana
ampon kalonta dhalem bidang Sastra Nasional.
Maos jugan
Salaen paneka, karja se kapeng dhuwa’ enggi paneka
kalaban makalowar majalla Damar se kapeng settong, tor dhalem mangombar majalla
Damar paneka marabu sastrawan Nasional jugan, enggi ka’dhinto Salerana se Molja
Royyan Julian, se kalongguwan epon dhari Pamekasan. Bakto karja paneka ngaolle
tandha kajembaran asabab erabui Dewan Kesenian (DK) Sumenep, akadiya K.Turmidzi
Jaka (Se nyeppowe DKS) asareng Mas Syah A.Lathif, Sangat Mahendra tor en-laen
epon.
menangka se nyeppowe tor daddi bangaseppo monggu kesenian e Sumenep, K. Midzi apareng sambutan se langkong parjuga, se ka’dhimma Majalla Damar ka’dhinto samogga daddi akadiya “Gung Damar,” se nera’e Sumenep. Dewan Kesenian (DK) Sumenep jugan apareng pan-sanapan buku monggu kompolan Damar Korong (DK) Sumenep.
Dhalem karja molang are se asareng kalaban ngombarra Majalla Damar ka’dhinto, Salerana Royyan Julian ajajarbaba’agi tantangan epon sastra Madura, se sala settongnga enggi paneka korangnga Kritikus Sastra e Madura.
Maos jugan