Bulâ
Pèra’
Ènga’ bulâ ta’ kasambhet,
Abâ’
maddhek pon sapadhindhâghân è potpot,
Èkambhuli
bilis marḍâ.
Kèng
nèko terro ghâḍḍhung,
Alas
rajâ pagghun nerrak,
Salèmpet
ta’ manako’è,
Salèngkep
ta’ maoḍâr rassa atè,
Dhâno
tanto nyobhâ,
Sango
bulâ kayâkinan,
Ca’na
sembâ bhâkal noro’,
Agâḍung
macan lorèk,
Derhemman
ta’ magârimisen,
Jhâ’
bulâ pèra’,
Pasal
taḍâ’ dhâddhi bâḍâ,
Ngokot
ghân ḍimma angkara,
Dhâdhârman
marobbhu ka sè nyèpta pèra’,
Kèng
pèra’ tapaka èsempo dhâddhi embhânan.
Maos jugan
- carpan: Mamat Terro Nompa’a Jaran
- carpan: Labang
- Sajan Abit Oreng Atane Sajan Tadha'
- Madhurâ ḍâlem Kaca Sajhârâ
- Obur Pornama Kaaddhangan Ondhem
Sèla
Asèla
Jhebbhing
ajârâkkang,
Lala’
bhinèng aḍâtengngan,
Ngèbâ
panyakèt moros ta’ panangghungan,
Asèla
bhing asèla bhing,
Leppèt
ma’ ta’ leppet ma’ katopa’,
Rèya
ella rata tapè bânnè jhâman rata,
Angèn
ngèbâ manca bârna,
Bâriyâ
sanontona èkaḍi’-anḍi’,
Ta’
ngarbun polè ghettonna,
Ajhi
larang bhuḍhâk bi’ ghetta,
Ponarra
tennar ngaḍâ’i,
Tampè
pateppa’ jitana,
Pessot
bi’ sattrika’anna,
Sembhur
jhâpa panabâr,
Somekkar
ma’ ngacernang,
Bhungaran
mapan,
Merras
ngagârinap ènten,
Lèlla
trèsna sè otama.
Cangka
Bhungka
ka cangka ranca’ ka roncè’,
Kecca’
mano’ bukong,
Kalamon
ta’ èkorong emmas,
Tapa’
ḍângḍâng maghimeng,
Tajhin
mera potè konèng bhiru kala,
Cammay
cèya,
Pangètekka
ngabbru,
ta’
ènga’ obu’ è tanang bân è soko,
Ghulâ
kelmo’ cèleng tagher,
Sauwwâ
romasa satengghes,
Amis
jhuko’ lakar cekka’,
Ta’
tapak rassa bhennol,
Èghâlicek
kabhuru akalèya’,
Bin-sabin
pèra’ èpamanjheng,
Jhâ’
paḍi pagghun rèpa,
Perrèng
malang è songay,
Maongghâ
ka langngè’ ḍâri tang abâ’
Parantè
Ḍâjâ, Asembagus
Rebbhu
Bâghi, 25 Oktober 2023
Maos jugan
- Okara Kakanten Basa Madura
- Teks MC Bahasa Madura
- Se Paleng Paraten
- Rèng Binè’ Ḍâlem Kepkeppan Jhâman
- Lanceng Talpos Ban Salbut
*Bhâb
bulâ:
*Nyamana bulâ Fendi Febri Purnama. Bulâ orèng Asembagus, Situbândâ, lahèr è Asembagus, Situbândâ 21 Februari 1989...mon ca’na rèng Madhurâ bulâ nèko Madhurâ Swasta...bulâ nèko ghuru Bhâsa Madhurâ non ASN è SMAN 1 Asembagus polè arangkep menangka tokang ḍi’-ngoḍi’i lalampan bhâsa Madhurâ è Situbândâ, sanonto ngocèl makompol ca’-oca’ bhâsa Madhurâ è sakabbhinna engghun otabâ bhâbâ sè notorraghi bhâsa Madhurâ kabbhinna dialek bân isolek kaangghuy ngasèllaghi sèttong buku referensi otama bhâsa Madhurâ.
*Sanja' eserrat kalaban eja'an 2011.