Seluruh konten di Lalampan.com terbuka untuk dibaca,
dipelajari, dan dimanfaatkan sebagaimana mestinya.
Jika tulisan-tulisan di ruang ini dirasa bermanfaat,
panjennengan dapat ikut Arokat Lalampan melalui sedekah seikhlasnya—secangkir
kopi, 3K, atau doa terbaik. Dukungan kecil panjennengan membantu kami terus
merawat bahasa, sastra, dan jejak budaya Madura. (Dana: 0819-0807-1122 & BRI:
3838-01-008754-53-2)
Arti Parebasan Madura Yang Jarang diketahui
Akal madin, Artena : Dujan co-ngoco / penter kal-ngakale.
Ajam atellor emmas, Artena : Oreng se ta’ kakorangan
pa-apa.
Atobba dhibi’, Artena : Macalaka’ badhanna dhibi’.
Atasmak batok, Artena : Nemabanne ka kancana se ta’
andi’.
Ana’ ontang-anteng, Artena : Ana’ neng settong tada’
taretanna.
Ana’ malang sara’, Artena : Ana’ se ta’ atoro’ oca’na
oreng towana.
Ana’ emmas, Artena : Ana’ / ponggaba se ekasennengnge.
Ana’ mandi sarana, Artena : Ana’ neng settong ema-dama.
Ana’ komala, Artena : Etorot sakabbianna pamentana.
Ana’ masteka, Artena : Ana’ se talebat ekaneserre moso
oreng towana.
Ana’ dhadha’an banne rondha’an, Artena : Ana’ epeyara
kalaban samporna.
Ajaring angen, Artena
: Ngalakone lalakon se tada’ gunana.
Akantha anggu’ ta’ epece’, Artena : Kasambu’ /
mengnga’.
Angga’ calorong bako apek, Artena : Abasanna kantha oreng
sogi, tape sanyatana mesken.
Aparem samarena mencol, Artena : Kasep.
Akantha apoy dhalem sekkem, Artena : Peggella eampet,
ngello’ dhalem
Aorak etengnga arongan, Artena : Oreng menta tolong tape
tada’ se nolong.
Apoy eserame mennya’, Artena : Peggella sajan atamba
amarga bada se nas-manase.
Ate malan, Artena : Lekkas nanges tape lekkas ambu.
Maos jugan
- Parebasan Madura || Puisi Lama
- Parebasan MADURA re-sa'are
- Parebasan Madura ban Contona
- Parebasan Madura, Sanja' Kona
Asel ta’ adhina asal, Artena : Sanajjan sogi tape paggun
andhap asor.
Apolong ban oreng ngobbar tae melo bacengnga, Artena :
Apolong kalaban oreng juba’ melo kajuba’ anna.
Apolong ban oreng ngobbar dhupa melo ro’omma, Artena :
Apolong kalaban oreng becce’ melo kabecce’ anna.
Arebbu’ babathang, Artena : Arebbu’ barang se ta’ aregga.
Ajuwal buja ka Girpapas, Artena : Malae oreng se lebbi
penter dari aba’na.
Akotak ta’ atellor, Artena : Coma olle rammena caca bai,
tape tadha’ ollena.
Adhat kettang, Artena : Korang ajar.
Ajuwal jamo, Artena : Der-ngedderragi kapenteranna dibi’.
Agulai maddu, Artena : Lalakonna oreng se tadha’ gunana.
Andhi’ jukong tadha’ dhajungnga, Artena : Andhi’ kapenterran
tape tadha’ bandhana.
Adang-dang ngellak, Artena : Oreng bine’ se mateyan
ana’na.
Aobu’ duwa’, Artena : Ella towa, molae oban.
Ango’an sogi elmo tembang sogi dunnya, Artena : Lebbi bagus
materros sakola etembang nompo’ dhunnya.
Anggalajung eparra, Artena : Oreng se aleburan kalaban eparra.
Adina galanggang, Artena : Ponggaba se ambu dari kalakowanna
amarga pansium.
Anggagambang, Artena : Pacacana oreng se ce’ alossa.