KANDHA KAPENG DHUWA
Dirk reng-errengngan sareng dhukonna.
CARPAN|| lalampan.com-1447|| Dirk Trom lakar ne-banneyan sareng na'-kana' bannya'. Kapprana
na'-kana' kencenng ngoce otaba nanges otaba wat-thowadan, anangeng Dirk sama
sakale ta' poron asowara, robana kadi arassa todhus mon aba'epon nger- engerra.
La-mala e settong bakto aba'epon sareng dhukonna kenneng coco’ panete kantos dhalem
amarga dhari korang te-ngatena, anangeng kana' gapaneko ta' aserro sakale', namong
mandeng bisaos dha' dhukon epon, oladda kadi ce' sangedda manglo kantos reng ganeko
arassa gippon atena.
Dirk lakar ta' poron ressep dha' dhukonna. Sanajjan pon sanget
eparatene terros ka embu'epon, anangeng kana' ganeka pejer ta' baksor bisaos.
Mon edulang sareng dhukonna sambi eman-oman otaba elem-alem; anangeng aba'epon
ta' poron anganga, kajabana pas eladine embu'na dibi'. Mon nojjune eemban otaba
epangko embu'epon, Dirk robana perak, sarta bu-tabbuwan ka tabu'na sambi
mandeng kalaban olat manes dha' embu'na, anangeng ta' poron agella'an ngalekkek
kadi na'-kana' laen.
Sareng pon omor sapolo are Dirk sareng dhukonna pon
reng-errengngan; dhineng margana sapaneka:
Nye Meijer, robiyana loraepon ke Trom, saamponna nyandha' nye
Griet se nganglo, akerem sop, sopaja kengenga badhi ges-tegges, sarta abekkasan,
ja' dhuliya nyandha' pole, nengalenna nye Griet sareng ana'epon. Sop ganeka
sareng dhukonna eanga' gun kompor e attas meja, dineng aba'epon toju' e
seddi'na, mangko Dirk, sambi esalene angguy. E bakto ka’iya embu'na Dirk tedhung,
karana badanna gi' geddur. Sop se eanga' gella' sareng dhukon ja'-sakejja' egaluy
laonan, sopaja ta' angosa, anangeng sambi ecepcep gan dhu sendhok possa'. Aba'epon
ta' ngarteka, ja' lalakonna gapaneka ta' daddi senengnga ate'epon Dirk.
Saamponna nyalene angguy Dirk, dhukon ajalamedana sop pole; nyello'
wa-kowana sasendhok moso daging cacca'an sabulungkor; anangeng seddheng reng ganeka
ngero', oneng-oneng Dirk ngacar kaja ka tanangnga dhukon, kowana sop dhumpa ka
errok-epon reng ganeka, kantos baratta abujjak kowa, sarta aba'na abato'an
kantos aberressan eng-tengal, amarga taserna' juko' daging cacca'an gella'. Dineng
Dirk olattepon bunga, nengngale dhukonna aderposan (ajerposan) amarga se
taserna'.
Ta' antara sapanapan are nye Griet pon arassa ce' gang-gangnga,
kengeng alalakon dibi', mela nye dhukon pas epapaleman. Naleka pamangkattepon reng
ganeka Dirk kabit asowara: a' lanjang,
semmuepon dulat, sabab dhukonna nyengga.
