PAREBASAN
Nyambel bijjan, Artena: Obu’ celleng camporan oban
sakone’
Nyampat buwana dibi’, Artena: Ngakan le-ollena dibi’
Nyambada embu’ ka sapa, Artena: Na’-kana’ se edina
reng towa bine’na
Nyare jarum e pettengnga , Artena: Lakona
le’-nyelle’ salana oreng
Nyander ka apoy, Artena: Calaka’na ekagabay dibi’
Nyaman andhabanna, Artena: Nyaman pangala’na ta’
agabay seddhina oreng
Nyengket Batton, Artena: Ngaterragi pamentana
Ngakan ate, Artena: Saguli ennengnga nyake’e ate
Ngakan asella are, Artena: Sa’are ngakan, sa’arena
tadha’ se ekakana
Nga’-anga’ daba’, Artena: Ta’ pate anga’ onggu
Ngala’ elmona dara, Artena: Oreng se ta’ andhi’
ealle ka kennengngan laen
Ngarjai dhapor, Artena: Ngarjai kakanan malolo
Ngaddu konco’na jarum, Artena: Matajem tokarra oreng
se kadhuwa tape aba’na dibi’ se emo’
Ngojanagi bajana dibi’, Artena: Atotoran kabecce’an
dibi’
Ngotep dhaja ngenneng lao’, Artena: Nyemmone
ta' kalaban rang-terangan
Ngelane dhadha, Artena: Agabay todhus e bannya’na
oreng
Oreng Sabbar nompa’ jikar, Artena: Oreng se narema
papasten dhari Guste Allah
Olle elmo pagaran, Artena: Olle kapenterran ta’
etengnget
Oreng buta buru mella’, Artena: Sakabbiyanna karebba
etekka’agi
Oreng katondhu ejuluwi bantal, Artena: E bakto buto
epatabari barang se ekaparlo
Oreng jujur mate ngonjur, Artena: Oreng jujur
odhi’na paleng pojur
Maos jugan
- Langgem Baja e Saladi
- Majang, Riqatul Fitriyah
- Sanja' Taresna, Helmy Khan
- Ajam Guring Pongkasan, Lukman Hakim Ag
- Kembang Asoka, Moh Ghalib Bafadlal