Pantun Madura
Pantun Lailul Ilham
Mulong kalentheng olle sakesa
Ngala' serkaja nganggui andha
Bila dhateng bulan poasa
Ate gumbira tadha' padha
Ngokep nangka dhalem petthe
Bila towa camporen pathe
Mun apoasa padha ngestete
Sopaja olle kaotamaan dhari Guste
Moger kan kapo lakar nyangsara
Usa okor pa ce' pasthena
Pa po-lempo se ta' apoasa
Tanggal 29 sambelliyan sapena
Maos jugan
Pantun Sum @Bumercon
Tarebung bungkana ta'al
Kembanga manyang nyamana
Mon gi' baras akal-pokal
Mon mate kare kastana
Mano' besse nyamana kapal
La'as kerreng ejemor e terpal
Gita' daddi apal-pal
Bila daddi akal pokal
Ka moncar ka lao'na
Kacar colo'na
Pantun Mat Toyu
pantun madura sanja' kona
lebur daddi perak
abung-sambung daddi bunga
sala lopot ja' atellak
Kapal ngangko' besse
Bessena dharina ausi
Apalpal nyare pesse
Pessena ollena korupsi
Ka pasar are salasa
Pamolena lebat asoka
Sanonto bulan powasa
Nyare malem kaburu buka
teppong campor tellor
ekaladhu' lamban kaldhu
Ja' kantos loppa asaor
Seangnga malle ta' katondhu
Ka bandhing sake' gigi
Marena ngael leppet
Atarawi sandhing kopi
ta' loppa roko' oepet
Maos jugan