Rang-garangan
keban paleng gate mesem
kalamon badha ajam
mangga’an. Mangga pajat kakanna
paleng gate jaga malem
agalajar matabar mesem
ajam-ajam akerrek. Tako’
tako’ ta’ daddi lopot sambelian
Gappora-Songennep, 1429
Pasthe
bila
dika ngorba essena ate
lalak
soap sampe’ ka pesse-pesse
obu’-obu’
tombu pote
ekaeding
ro’om labun pote
sajja
pangarep padha terro pasthe
sabellun
nyaba abarunjut pate
dika
andhi’ ate
bula
ngarep pasthe
seyang
ban malem abakte ka Guste
sabab
ngantos te-gette
otaba
ngantos gettana bukte
ta’
kera metto, mon ta’ olle
jembarra
alam ban Guste
sabban
kaodhi’an ta’ pasthe
esare
ka dhalem ate
se
posang e babana are
ngalengsang
ta’ esopre
Labbuwan
Jembar, Sora 1442
- Oca’ Bakal dhalem Basa Madura
- Kesejahteraan Dalam Islam
- Feminisme dalam Pekerjaan Sosial
- Tak Dapat Kedudukan: Menuju AICIS 2023 Surabaya
Jaran
jaran
akenca’, ngacar kangan, ngacar kacer
jaran
akenca’, ngacar kangan-kacer
kalaban
sokona pa’-empa’
ngeding
monyena saronen akenca’
alonca’,
ngangka’ soko adha’
nyemba
bakte ka se nenggu ban ka se nangga’
jaran
aca’jing, ajunjung pangantan
ngacar
tan-kotan se padhana setan
tan-palotan
nompa
tan-taretan
padha bunga
jaran
atandang
ebunto’e
se nyo’on geddhang ban gaddhang
gendhang
ngantang, apa’-pa’ salpa’ e taneyan lanjang
saronen
ngaranang, gung ngadenggung
jaran
akenca’ sampe’ aba’na leca’
ngacar
kangan-ngacar kacer
sadajana
nompa
bunga
Labbuwan
Jembar, Sora 1442
Maos jugan
- Elangnga Pangajiyan
- Epic Ending Preman Pensiun
- Akhir Sebatang Pohon Gayam
Arassae
sabban
laggu ngenom aeng kella, kadhang la’ang
kalaban
kellana sabrang, tales, asandhing peccegga buja cabbi
bila
seyang kalaban orabba sabrang karet, acammpor kellana rebbung
parodda
sekkol tono
kadhang
kalaban rojak topa’, otaba rojak cello’
bila
malem, kalaban soto otaba kaldu
peddhis
caca ekalenyem sakaleyan
kadhang
nyarap kalaban tajin nase’, tajin bubbur
agu’-ganggu’
korkit, cocor ban tangguli
kopengbali,
sumpil otaba teoti ban tauisi
arassae
ban mapolong kajembaran
se
ngombar abareng okos-okos dhalem dha’aran
nyalengkep
ta’ aokep, asongkap dhalem sandhakep
Labbuwan
Jembar, Sora, 1442
Mellok
damar
kambang ngambang e sagara
mellok
nyonare lengkep ona’ ate
mellok
tengnga sagara
angen
se ngalesser
nojju
ka daradan, epayothok se moleya
nojju
arongan, epanaja’ kajembaran
mellek
kadibi’an
e
babana bintang ngamennyar
nanggala,
karteka ban mesemma dika
nyonar
dhalem kabunga’an
damar
kambang ngambang e sagara
dhalem
pagan-pagan se pon karepos perrengnga
mellok-mellek
kadibi’an
ta’
mate sanajjan angen agules
amba’
pate
Labbuwan
Jembar, Sora, 1442