lalampan.com 1445. Lembaga Seni Budaya Muslimin Indonesia (Lesbumi) Pimpinan Cabang Nahdlatul Ulama (PCNU) Sumenep mabadha lalampa’an se
esambut kalaban Festival Sapparan Budaya #2. Lerres ka’dhinto ampon se kapeng
dhuwa’ e taon mangken elampa’agi tanggal 02 Rabiul Aher 1445 (17 Oktober 2023),
manabi se kapeng settong enggi paneka tanggal 20-22 Sappar 1444 (17-19September 2022). Lalampan paneka menangka pajat ekalampa sabban malem salekor.
Se kapeng pertama, lerres ekabidi (ekanthang) teppa’
e malem salekor sappar, namong se kapeng dhuwa’ nyorot kantos bulan Rabiul Aher,
namong lalampan paneka paggun anyaman Festival Sapparan Budaya, sabab pajat
pangaterro badhi elaksana’agi sabban bulan Sappar.
Maos jugan
Dhalem Festival Sapparan kapeng dhuwa’ (#2) ka’dhinto
menangka Tribute monggu alm K. Homaidi CH se ampon kapondhut beberapa bulan se tapongkor.
Saenggana dhalem sapparan #2 paneka mangombar buku se agambar Alm K. Homaidi CH.
Lalampan Festival Sapparan Budaya #2 paneka elaksana’agi
e Disa Kasengan Kacamadan Mandhing (Manding), lerres epon nyamana tempadda
enggi paneka “Berkah Bumi”, lalampan paneka ekabidi dhari gi’ laggu. Seyang
arena badha lalampa’an se abul-ombul “Kampung Berdaya” se eseppoe sareng
Mahendra, Khairul Umam tor se laen. Bakto ganeka, ret-moret, santre tor
masyarakat same akompol kaangguy meyarsa’agi kadinapa maksot kampung berdaya
paneka.
E Malem rebbuna, se aropa’agi panotop, elampa’agi tatenggun,
molae dhari topeng, Samman Ar-Rabbani se dhari Rubaru, badha pertunjukan dhari
Teater Taresna dhari kampus INKADHA, badha jugan pertunjukan dhari Teater
Gendewa INSTIKA Guluk-Guluk, jugan pagar NUSA Gappora, Walet Hitam, Tari Rumi,
Naluria Musik, tor pamaosan puisi dhari Cak Mulki, Umar Faruq Sumandar, Rifan
Khoridi, tor jugan K Turmidzi Jaka, se aropa’agi ketua Dewan Kesenian Sumenep.
Maos jugan
- Suhrawi Entara ka Resepsi Satu Abad NU
- Rapat Pembentukan LPBHNU MWC NU Pragaan
- Geliat Gerakan Pemuda Ansor Sumenep
- Peringatan Isro’ Mi’roj: Tanggalkan Kehidupan Duniawi
Malem ganeka, oreng rabu sadaja dhari man-kadhimman
disa, tamaso’ jugan Leggung, Gappora kantos Paragaan, badha jugan oreng adagang
(paleng malle bisa adaging), es campor, rojak, pentol, balon, bung-embungan,
akadiya badhana tatenggun lodruk, tandha’ otaba saronen.
Lalampan Festival Sapparan Budaya #2 Lesbumi PCNU
Sumenep paneka sukses kalampa samporna asabab balangngaja dhari katowa panitia
tor sakanca’an epon, akadiya Khairul Umam, Lathif Atmaja, Sangat Mahendra, Ka’
Saeri se nyadhiyagi tempat tor en-laen epon. Alfateha monggu alm K.Homaidi CH.
Samoga Festival Sapparan Budaya #3 bisa elaksana’agi e bulan sappar, lerres
teppa’ malem salekor taon 1446. Amin.