Parebasan
Panyamparra ajam towa, artena: cacana oreng se
bannya’ pangalamanna
Padha ekara’ e attas lencak, artena: Sasombarra
oreng se bangalan
Paburuna padhana celeng, artena: berka’ kalaban ta’
le-toleyan
Palang gabilan: palang dhukale
Pa’-lopa’ kalaban kodhungnga, artena: cocok acato
Akanta pap-pa’an morak, artena: ekoca’agi dha’ pa-apa
se ta’ aguna
Pangoca’na mara landhu’ merre ka cemmer, artena:
ekoca’agi dha’ maleng se ngeco’ e kampongnga dibi’
Maos jugan
- Puisi Ibu Karya D. Zawawi Imron
- Kamus Bahasa Madura
- Karnaval Never Ending Soud System
- Kenapa Jika Saya Muhammadiyah?
- Makanan Tradisional Madura
Penter adhalang, artena: ekoca’agi dha’ ka oreng
penter ngator kabadraja ha’an
Potong eberra, artena: Nampek ka kakanan se nyaman
rassana
Peape tanggiling mate, artena: ekoca’agi dha’ ka
oreng mon badha e adha’na neng-neng, tape mon badha ebudhina tabaligga.
Raja pakebanna, raja pacarrenna, artena: raja
pangaselanna, raja keya kabutowanna
Ra’-para’ elong, tape ta’ ekenneng kekke’, artena: abasanna
semma’, sanyatana jau.
Ra’-para’ elong, artena: para’ dhapa’a ka sajjana
Raja ebbun, artena: raja tape korang kakowadanna
Raja badhugga, artena: ekoca’agi dha’ ka oreng se
lekkas peggel (peggelan)
Raja akanta gunja, artena: ekoca’agi dha’ tabu’ se
ce’ rajana
Rakrak badha, daddina tadha’, artena: ekoca’agi dha’
ka oreng se andhi’ karep, tape tadha’ daddina.
Rampa’ naong baringen korong, artena: ekoca’agi dha’
oreng sogi tor soka’ atatolong dha’ se malarat.
Randha leles, artena: ekoca’agi dha’ randha se
mesken andhi’ ana’ bine’.
Maos jugan
- Nyamana Budhu’na Keban
- Nyamana Pesse e Bahasa Madura
- Oca’ Bakal dhalem Basa Madura
- carpan: Labang
- Majang, Riqatul Fitriyah
Randha mojeng, artena: ekoca’agi dha’ randha sogi,
se andhi’ ana’ bine’.
Randha calo’, artena: ekoca’agi dha’ randha andhi’
ana’ lake’ ta’ alako.
Ros-korossa gaja, artena: sa dhi’-andhi’na oreng
sogi gi sogi keya.
Robbu bata, artena: mangkat areng-bareng.
Re’-kere’ sampe’ daddi pate’, artena: dhari ngodha
ngantos towa.
Rebbang ta’ eserrop, artena: oreng peggel tadha’
lantaranna.
Ren-giren mara pate’ koros, artena: ekoca’agi dha’
ka oreng se arendhian ta’ bannya’ caca.
Ras-berrasan, tan-palotanan, artena: oca’na oreng
menta tolong terro ekabellassana.
Ro’-koro’ embu’, artena: aba-tamba panyake’/kamalaradan.
Randhana oreng gerring, artena: ekoca’agi dha’ pa-apa
se ella tanto.
epetthek dhari buku Kosa Kata Bahasa Madura lengkap,
Karya Simpati Mandiri. Bastari – Yoesi Ika Fiandarti.