lalampan.com. 1444. saestona pangarana eberri’a
judul “kakanan” tradisional madura, namong acora’ cangkolang, kasar tor mapas
monggu para ajunan sadaja. badhana serradan ka’dhinto banne kaangguy ngajari
napa pole sampe agurui para rabu sadaja, namong coma apareng kabar ja’ badha
dha’aran-dha’aran se pendha jugan bisa masampe (kenyang) ka padha’aran salaen
nase’ se ebadhi dhari berras padhi (la’as) otaba jagung se ampon egilis.
Se ka’dhimma jugan dha’aran paneka rang-rang ngombar
e gambar, badan kaula ta’ oneng dha’aran paneka napa maso’ kategori empat sehat
lima sempurna, namong dha’aran paneka ampon ta’ pate ebikes, ta’ pate esarmo
sareng masyarakat Madura dibi’, bali’ ngakana nase’ pote otaba nase’ jagung.
anapa samangken dha’aran paneka ma’ pon ta’ pate ebikes, tor ta’ pate edha’ar?
dha’aran se emaksod enggi paneka sassarap sabrang.
oreng nyarap biyasana lakar gi’ laggu, laen pole manabi abadhang. nyarap napa
pole kalaban sassarap, se ka’dhimma pajat dhari palotan, asella asrta’, tanto
asirut samporna. sassarap paneka akadiya tiwul manabi e Gunung Kidul
Yogyakarta, ma’ oneng. lamba’ tao ngenep eka’dhissa’, asabab KKN. melana adha’ar
tiwul. tiwul neka ekagabay dhari sabrang, ekagabay sassarap, kalaban kanca parodda
nyeor, enggi asirut jugan. Tantona sampe (aleas kenyang). kaula enggi tamaso’
se dujan. anapa dha’aran paneka ma’ ampon ta’ pate edha’ar? aiii atanya pole
enggi manabi agabay sassarap sabrang neka jugan
repot akadiya amassa’ nase’ ka polo’ otaba sobluk, napa ta’ bisa emassa’
kalaban ricecoker, enggi bisa. ja’ gun kare mangalkal aeng pon antos sampe’
massa’. parot nyeorra. gumer-gumer, daddi. ta’ repot mon badha (bungakana, mon
gun bungkana tadha’ bigina ja’ ajaga’,) sabrangnga. napa pon ta’ edha’ar.
edha’ar dhang-sakadhang, namong ampon ta’ daddi dha’aran sabban are, saenggana
berras sajan larang, sajan larang, se melleya sajan ta’ nemmo pesse, dollars
sajan tenggi. enggi ampon malarat tor sajan mesken.
manabi ka oreng madura neka, poko’ pon sampe (kenyang)
neka pon ta’ emo’. aromasa cokop. serrrena samangken ampon badha patabaran
pan-sanapan macem se kodu ebelli. enggi galiya’ se melleya. napa pole lakar
epatabar neng tv, neng hp, enggi empon, se ta’ andhi’ pesse sajan garu’nyeng se
melleya. acakarba se nyareya pesse. pessena dhaggi’ buru kaka’dhimma buru ka
oreng lowar se andhi’ bandha raja. akadiya oreng se ajuwal kadhelli, se andhi’
berras, Indonesia neka gi’ melle dhari lowar akadiya kadhelli tor berras, padha
se ta’ andhi’ tana sakale. bila bangsa loppa ka aba’na enggi empon, apongsa
dibi’.
manabi ngoladi tana “SABA” se paraddu monggu
papadhiyan e Madura, paneka korang nyokobi monggu masyarakat Madura. artena
manabi ngandhallagi saba malolo dhalem madhateng padhi sopaja daddi berras,
neka korang, ta’ kera cokop, saenggana kodu melle monggu daerah laen. Sa
Indonesia bai saba-saba neka ta’ cokop kaangguy nyokobi kabutoan berras
nasional, saenggana kodu melle ka loar negeri. kadinapa carana malle cokop.
Yo Ndak Tau Ko Tanya Saya! ngoca’ sakaleyan laggi’,
epaseblaga!!!
- Bola Kasti Putri Tersaji di Ultah Garuda Hitam
- Gol Nyake’e Ate: Final Indonesia V Thailand
- La Aoba, Lagu Bawean
- Maos Carpan: Agi’-gigi’ Sangngarra Jagung
se kodu lakar epakennal pole enggi paneka dha’aran
tradisiona dhari bang-sebang masyarakat Indonesia, tanto masyarakat madura asal
epon ta’ laju biyasa adha’ar berras. Dhimen kaula lakar adha’ar nase’ jagung se
pon esellip tor etana’ ka polo’. gangan maronggi. enggi juko’ pendhang. oreng
Madura ampon rangrang se adha’ar nase’ jagung, sassarap sabrang, manabi ka’dhinto
ampon dha’aran se edha’ar akadiya nase’ pote (padhi), nase’ jagung tanto kabutoan
kangguy melle dhari lowar negeri neka bakal ngorange.
salaen sassarap sabrang enggi paneka sadaja dha’aran
se dhari bi-obiyan; akadiya tales, sabrang, longga, kalentheng, sobek, lorkong,
porang, aneka pon edina ta’ edha’ar, enggi. senga gi’ laggu adha’ar obi tales,
seyang nase’ (pote), enggi se malem ngereng dhabuna ajunan (ca’epon ajunan adha’ara)
napa bai. tanto bakal aoba kondhisi Indonesia. napa bakal maju otaba bunten.
tanto bakal laen ollena. napa tales bakal larang. napa sabrang bakal larang.
manabi sabrang tales obi ban samacemma neka larang, enggi abali pole, berras se
modha.