Kamus Bahasa Madura

 

Kamus Bahasa Madura

Lalampan.com. 1444. Samangken banne namong basa Indonesia se gadhuwan kamus, Basa Madura  jugan ampon badha kamussa, saestona bisa jugan esare e playstore, namong tolesanna bannya’ se korang sae, korang teppa’. Samangken se badan kaula daddi panduman enggi paneka badha dhuwa’ Kamus, tanto para maos se ampon makompol pan-sanapan kamus ka’dhinto langkong sae. Ka’dhinto kamus se daddi pandumanna badan kaula

Se Kabidan Enggi Paneka KAMUS LENGKAP BAHASA MADURA INDONESIA Adrian Pawitra “Dengan Ejaan Bahasa Madura Tepat Ucap.” kamus paneka tebbel akadiya kamus Inggris Indonesia (John M. Echols dan M Hassan Shadilly, M Hassan Shadilly neka oreng pamekasan). Jumlah halaman xxx+743. tanto essena ta’ ga-oga.

Kamus Paneka ekarang (se makompol oca’) enggi Paneka Bapak Adrian Pawitra se babbar e Bangkalan taon 1969, se pajat pemerhati kabudhajaan Madura. Kamus neka terbit lebat DIAN Rakyat, Jakarta e taon 2009. Dhalem kamus paneka eserrat kalaban ejaan 2008 se samangken lebbi kalonta kalaban ejaan 2011 (èjhâân) se ka’dhimma badha tandha baca epon akadiya se badan kaula toles dhalem korong (èjhâân).

• Manchester City Juara Champions 2023
• Abantal Cellot Asapo' Ba'a
• Mamare Tolesan
• Nyandâ' Carètana Sattar

Dhalem basa Madura neka se pendha sara lakar antara e tor è, a ban â, manabi dhalem empa’ horop neka sampeyan pon ngagali se laen ro’-noro’ bunte’. sannajjan oreng noles bai paggun etoles pei, enggi badha pas ecampor antara ejaan 1973 sareng 2008/2011. Anapa ma’ oreng bannya’ se ngoca’ malarat dhalem nonoles basa madura, enggi polana ta’ biyasa, pon ta’ daddi essena pekkeran. Manabi akadiya basa Indonesia, salaen cekka’ dhalem pekkeran, dhalem sakola’an neka daddi basa pangaterra pangajaran.

Se Kapeng Dhuwa’ Enggi Paneka Kamos Basa Madura Madura – Madura – Indonesia Tim Penyusun Kamus Damar Kambang Kaangguy moret SD/MI – SLTP – SLTA & OMOM. penerbit epon enggi paneka ‘MASA’ Songennep. Kamus paneka esoson areng-sareng dhalem Pakompolan Damar Kambang. Kamus paneka aesse xvi+313 halaman, enggi asakone’an. Asabab ta’ bannya’ tandha baca, e enggi e, a enggi a, dhalem noles baja enggi neka padha.

Ka’dhinto se emaksod kalaban 1973, panyoson epon enggi paneka oreng-oreng songennep se pajat lebur ka basa Madura, wabil khusus ejaan 1973 se maso’ dhalem kompolan Damar Kambang. Anapa ma’ enyamae Damar Kambang, kaula ta’ oneng jugan, dinggal daggi’ bila apanggi ban enga’ se atanya’a enggi atanya’a kaula, mon tolos loppa enggi dinggal pasabbar.

• MENIPU TUHAN
• Ro'om Babur
• Etika Politik Kaum Santri
• Sepak Bola Adalah Sarana Agar Kita Sejajar di Mata Dunia
• Mertè Bhâsa Lèbât Karya Sastra

Dhalem ejaan 1973 paneka sobung tandha bacana, akadiya paneka pon, badan kaula neka noles kalaban ejaan 1973, sadaja karangan badan kaula etoles kalaban 1973. Molae dhari Embi’ Celleng Ji Monentar, Kerrong ka Omba’, Sokana kantos Ngejung, enggi sadajan ejaan 1973, akadiya jugan se Lukman Hakim Ag, Sagara Aeng Mata Ojan, Cengkal Burung, Oreng Oreng Palang tor jugan Tang Bine Majembar Ate ka’dhinto etoles kalaban ejaan 1973.

Sanajjan badha bidana, namong ta’ parlo daddi jung-jjungan. Mesalla, badha se ngoca’, 1973 tello’ lebbi paneka, 2011 lebbi paneka, padha badha lebbina padha badha korangnga. Enggi badha se aromasa nyaman noles tor maca dhalem ejaan 1973, sapaneka jugan se 2011, badha nyaman tor gampang. Se penting ta’ noles kalaban karebba dibi’.

Akadiya noles pei, pereng, pele, phele, ocen, kekker, sangker. Kateppadan oreng se noles paneka, enggi paneka calon-calon DPRD. Madiga’ noles padhe taretan, settong dhere, siya. Manyaman sakale. Bila pon Basana ta’ teppa’ napana se earebba. Minimal abasa gallu pateppa’, tanto se laen bakal noro’ daddi tengkana.