Lalampan.com. 1444. Ampon dhukale Taretan Ansor
Pragaan mabadha kajian, enggi ka’dhinto pangajian khusus untuk pengaonengan
umum, akadiya politik tor hukum nagara. Se kabidan enggi paneka bakto marabou Taretan
M Fathullah, se aropa’agi pengurus Pimpinan Cabang Ansor Sumenep (Songennep),
bakto ganeka ngaji bab “Politik Budaya & Lokalitas.” M Fathollah pajat
kalonta ngongodhadan se bajeng ajar, napa pole pajat lulus asakola (akulya) e
UIN Sunan Kalijaga Yogyakarta, jurusan Sosiologi, tor ampon abit nalektegi
kabadha’an politik nasional.
Badhana tema paneka, nambai barentengnga taretan
ansor kaangguy alonggu dha’ tempat se ampon esadhiyagi, bakto ganeka, esaba’ e
Sekretariat Ansor, enggi ka’dhinto e gedung Majelis Wakil Cabang Nahdlatul
Ulama Pragaan, Pakamban Lao’. Bakto ganeka tant-taretan bannya’ se dhateng
asabab terro tapanggiya sareng salerana se molja M Fathollah. Bakto ganeka
tasarengan kalaban pamangkadda Hajjiyan, saenggana M Fathollah rabu para’
compet are. Sanajjan kadipaneka, ta’ korange kasamporna kajian Kemmes Sore
kasebbut.
Sabellun kajian ekanthang, taretan ansor maos
rawatib Rijalul Ansor se eseppowe sareng Ustadh Hasan se rabu epon dhari
Karduluk, lastare ka’dhinto epaterros kalaban adha-kandha maemot kabadha’an
organisasi, molae dhari akreditas kantos tim pencari fakta. Saamponna M Fathollah
rabu. Kajian Politik Budaya & Lokalitas ekantang.
- Peringatan Isro’ Mi’roj: Tanggalkan Kehidupan Duniawi
- Dari Dusun: Kami Menyusun Harapan
- Rapat Pembentukan LPBHNU MWC NU Pragaan
- Kalebun Karduluk Sambut Hangat Safari Khotmil Qur’an Ansor
Se Kapeng dhuwa’ enggi paneka epalonggu e Paragaan Lao’,
e dilemma Ustadz Irsyad, saestona Sahabat Ustadz Irsyad ka’dhinto songkan,
namong badha taretanna se manggi’i para rabu sadaja. tema kajian epon tanggal
ballu’ Juni paneka Kajian Hukum secara normatif, filosofis dan empiris, se ka’dhimma
marabu Taretan Andi Subahri, S.H dhari Aengpanas, namong seggut badha e
Pamekasan, bakto ganeka taretan Andi jugan songkan, saenggana ta’ bisa rabu,
tor tantona ta’ bisa apareng jajarba’an maemot hukum se neng Indonesia paneka
lakar morat-marit otaba ta’ genna.
Are sabellunna, taretan Andi saestona gi’ nyoba’a
entar, sopaja tan-taretan ansor bunga, napa pola sopaja daddi tandha pangesto,
namong kabadha’an se ta’ bisa, taretan Andi asapora onggu, tor sadaja taretan
ansor ngarte’e dha’ kabadha’an epon. Bakto ganeka egante’e kalaban kajian tanah
se eseppowe sareng Ustadz Firdaus tor jugan Kajian Sastra Madura sareng Mat
Toyu. manabi terro onenga ponapa’an essena Sastra Madura, cokop maos kalaban
samporna badha lalampan.com ka’dhinto.
- Raker Ansor: Ngongodhadan Ta' Ancor
- Halal Bihalal di Malem Jum’at Wage
- Geliat Gerakan Pemuda Ansor Sumenep
- Satu Abad NU dan Haul Gus Dur