|| TEKS PIDATO BAHASA MADURA || PARAMASASTRA
Teks Pidato berbahasa Madura ini kami susun untuk menjadi referensi dalam berbagai acara, seperti Latihan berbicara dan lain-lain dengan harapan Bahasa Madura tetap hidup di tengah masyarakat. Sebagai bahasa daerah yang kaya ragam dan nuansa, Bahasa Madura patut tampil di panggung-panggung acara sebagai bentuk kebanggaan bersama. Semoga naskah ini bermanfaat dan terus menginspirasi generasi Madura untuk menggunakan bahasanya dengan percaya diri. Teks Pidato ini bersumber dari hasil lomba Festival Tunas Bahasa Ibu, Kabupaten Sumenep 2024
|| Redaksi lalampan.com ||
ARABAT TOR MALANGGENG BASA MADURA
Assalamu’alaikum warahmatullahi wabarakatuh,
Kaatora songkem pangabakte, malar moga ta’ cokba’a tetep kaatora dha’ para ulama tor umaro’ se kaonang penter socce menangka kaca kebbang monggu magarsare.
Kong–langkong saleraepon se molja, Dewan juri ta’ kalep jugan salerana peserta lomba, malar moga para rabu sadaja se seppo tor anom, hadirin-hadirot se padha alonggu jimet parjuga, kengenga syafaat-epon Kanjeng Nabi Mohammad SAW.
Para bapa’, para ebu, tor para rabu sadaja se badan kaula amolja’agi. Ator kabidan ngereng badan kaula sareng panjennengan sadaja areng–sareng ngongjugagi pojji sokkor dha’ se Agung Allah SWT se ampon apareng rahmat tor hidayah epon dha’ kaula sareng panjennengan sadaja kantos bisa angrabuwi papanggiyan e are mangken dhalem kabadha’an sehat wal’afiat. Sholawat tor salam tetep eatorraghiya dha’ ajunan Nabi Muhammad SAW, se ampon abakta kaula sadaja dhari jaman se petteng calemodan nojju dha’ alam se terrang akadi samangken se enaonge kalaban dinul Islam.
Para rabu se badan kaula amolja’agi. Maksot tor tojjuwan papanggiyan e are samangken enggi ka’dhinto kadiponapa carana meyara salpa’ tatakrama sangkolan kona, tor kadiponapa sopaja’a para ngangodhadan sopaja lebura ajar, kabbru atena kaangguy marabak basa Madura se aropa’agi basa sangkolan, basana bangaseppo, se ampon atamba are tamba ajauwi sareng kana’ ngodha, amarga bannya’na kabudhajan lowar se acem–macem noro’e kamajuwanna teknologi.
Para rabu sadaja, kalaban badhana teknologi se eguna’agi ngangodadhan dalem kaodhi’an re-saarena ka’dhinto bisa malobar basa Madura sareng kabudajanna, saereng agantena jaman.
Ngereng dha’ ngangodadhan sadaja sopaja’a arabat tor malanggeng basa Madura kaangguy ajungjung basana dibi’.
Basa agandhu’ tatakrama. Daddi na’-kana’ molae e po’-compo’ kantos sakola’an. Sakola’an eburuk pangaonengan bab basa Madura se lerres, barenteng dha’ baburugan agamana, tor jekjek dha’ atoran laenna, InsyaAllah se epaneka badhi andaddiyagiya generasi se koko, sodek tengka gulina, kantos ekasennengnge reng seppo dhuwa’na tor ekasennengnge bannya’ oreng e seddi’na.
Pramela dhari gapaneka, ngereng kaula sadaja noro’a ajaga kajegjeganna basa Madura ka’dhinto, moga ta’ todhusa ngonjuk basa dibi’, merte lumra budhaja se ampon kappra, tor terros ngaonengana baburugan–baburugannepon bangaseppo. Ekabiddi dhari conto se kene’ dhimen, pabiyaasa amet dha’ reng seppona, etempona mangkada dha’ ka’emma’a bisaos.
Ngolok salam nokthok labang sabelluna, manabi namoy dha’ oreng laen. Ta’ kengeng dur-nyalodur ka compo’ laen, pabannya’ ngaji bagussa oreng menangka petodu dha’ aba’ dibi’.
Para rabu se same parjuga. Saka’dhinto tor-ator dhari badan kaula. Sakone’, namong moga ebakta’a barokah tor kasaeyan dha’ kaula sadaja, manabi badha pamator se korang sae, jugan korang sonduk dha’ panggaliyan sadaja, badan kaula nyo’ona sapora se tadha’ batessa.
|| PANTUN||
Serena sere koneng,
roko’ opet atoles mera,
serrena kaula ta’ oneng,
sala lopot nyo’ona sapora.
Wabillahi taufiq walhidayah wassalamu’alaikum warahmatullahi wabarakatuh.
“Bagikan artikel ini agar Bahasa Madura tetap hidup di generasi mendatang.”
“Komentar di bawah: apa kata Madura favorit Anda?”