Lalampan.com.
1444. Pimpinan Anak Cabang Gerakan Pemuda (PAC GP) Ansor Kacamadan Paragaan
ngalaksana’agi musyawarah “Rapat Kerja” are mangken (Ahad paeng) 03 Jumadil
Awwal (27 November 2022) molae kol 12.00 seyang kantos asar maba (para’ compet
are), tempat epon enggi paneka esaba’ e Tabun educultural Art, Aengpanas (Jl
raya Sumenep-Pamekasan). Sadaja ngongodhadan se akompol dhalem GP Ansor Paragaan
padha rabu sadaja, tamaso’ lora Fatih, Loras Hasan, tor jugan banga seppo dhari
Banser enggi ka’dhinto K. Kurdi se kalongguwan epon dhari Aengpanas.
Musyawarah
ekabidi saamponna sadaja jama’ah ampon akompol, GP Ansor Paragaan ka’dhinto
aropa’agi sadaja ngongodhadan molae disa Karduluk kantos Kaddhuara Temor,
pengurus eban-sabban disa esebbut kalaban Pengurus Ranting. Saenggana pengurus
Ranting dhari sabban disa jugan rabu dhalem musyawarah ka’dhinto. Musyawarah ka’dhinto
ekabidi kalaban pamaosan Fattihah (patteha) se eseppowe sareng salerana se
molja Ustadz Hasan Basri tor jugan pamaosan shalawat nariya.
Maos jugan
- Geliat Gerakan Pemuda Ansor Sumenep
- Barentengnga PAC Ansor Pragaan
- Halal Bihalal di Malem Jum’at Wage
- Santri Dalam Dinamika Politik
- Kalebun Karduluk Sambut Hangat Safari Khotmil Qur’an
Lampa
saterros epon enggi paneka sambutan dhari Ketua Umum enggi paneka Ustadz Imam
Ghazali S.Pd. dhalem petotoran epon, Tadz imam se aropa’agi priode kapeng dhuwa’na
(polana daddi katowa pole), majijib sopaja agenda program kerja paneka lebbih
semma’ dha’ ka ranting (ranca’) se badha eban-sabban disa, saenggana banne coma
PAC (Pimpinan Anak Cabang), namong ranting jugan odhi’. Pangarep se raja, dhari
tawon 2023 (1444-1445/6) disa se gi’ sobung ranting epon bakal ebillai sopaja
enggala duli badha ranting. Saenggana ta’ amonye “La Mutu wala yahya, tidak
bermutu tor tak matadha’ biaya” enggi manabi sobung orengnga enggi tolos ta’
bermutu. Dhabuna Tadz Imam.
Kemandirian
(bisa jumenneng dibi’) organisasi
ranting aneka jugan daddi program unggulan, saenggana kalaban jumenneng dibi’,
organisasi bisa ajalan ta’ kalaban akodun. Se pongkasan enggi paneka mabagus
admistrasi dhari sadaja ranting, se ka’dhimma neka daddi program kerja epon
kaderisasi sopaja badha data anggota, KTA tor samacemma. Jumenneng dhalem
organisasi neka jugan banne namong ranting, PAC jugan bakal badha paleng adha’
sopaja bisa mandiri kalaban maodhi’ ekonomi kreatif, sopaja bisa gadhuwan pangaselan,
tor bisa apareng somber rajekke monggu anggota se ta’ gadhuwan kasap: badha
pan-sanapan opsi molae dhari pom mini, adagang buku, tor bisa jugan mokka’ café
se aropa’agi Badan Usaha Milik Ansor (BUMA) Paragaan. (Nyamana bai
pangaterro).
Agenda
rutin akadiya MDS RA tor maos ketab koneng aropa’agi kegiatan se ta’ kengeng
dina sopaja ngongodhadan padha ngarte ka sadaja hokom fiqih tor en-laen epon.
BAANAR neka Badan Ansor Anti Narkoba (banne Bandar Narkoba). Badhana BAANAR
sopaja masyarakat ajauwi sadaja se mamabuk, otamaepon ngongodhadan se ta’ agabung
ka Ansor, sopaja salamet e dunnya tor akherat, mabadha kerja sama sareng
polsek/polres tor jugan BNN.
Maos jugan
- DKS Siap Kerja Sama Dengan Lesbumi Sumenep
- Festival Sapparan Budaya Lesbumi
- Multikultur Bukan Masalah Bangsa Kita
- Pantun Madura
- MENGEJA MATA KEKASIHKU
E
priode samangken, bakal mabadha tim cyber se ka’dhimma sopaja sadaja kegiatan
ansor bisa ekaonenge sadhaja masyarakat. Ka’dhinto bagiyan dhari syi’ar
(dakwah). Banser (Barisan Ansor Serba Guna) bakal mabadha kerja sama sareng
koramel nyopre kaamanan sakacamadan, tor jugan bakal aberseyan lingkungan
sopaja sobung banjir. Penguatan ideologi Aswaja tor pancasila ka’dhinto aropa’agi
hal utama se wajib tor kodhu daddi ramo’na sadaja program kerja. Bakal mabadha
kajian sabban bulan sopaja bisa diskusi analisis sosial dan budaya. Jugan bakal
maodhi’ perpustakaan, pangarep samoga bukuna ta’ elangan. Tor jugan esepakati
sopaja mabadha kas sabban papanggiyan. Sa ikhlas epon. Saebu. Dhuibu. Lalampan ka’dhinto
epongkase sareng du’a.
Ban
ta’ loppa apoto abareng. Ngereng maso’ ansor, sopaja ngongodhadan ta’ ancor!