sabellunna: Tekos Juwang
Lalampan.com.
1444. Gi’ dhari drama korea selatan (drakor)
Big Mouse. Kalaban pola acareta se padha; enggi paneka ngulang careta eawal
episode se anyar babak saterrossa, teknik adungngeng, maebir fakta-fakta ban
data se anyar, kadhang jugan matao careta se lamba’, rata-rata kaula tetene
sekitar dhupolo (20) tawon se tapongkor,
rang-rang se sapolo tawon, lema bellas tawon, saeket tawon, ban laen samacemma,
napa pole akadiya drama Blind ka’dhissa’, se lakar dhu polo tawon. E dhalem
drama Big Mouse neka jugan same, epaebir, oreng-oreng neka ecaretae ja’ pan-sanapan
tawon se tapongkor cara neka kaodhi’an Lawyer (pangacara se pon maso’ okoman
polana narkoba).
Kadinapa
carana atemmo kalaban binena (se pon kare reng seppo lake’na). e dhalem okoman.
Lawyer ganeka se pon daddi kabar dhari tv ja’ ganeka aropa’agi Big Mouse,
oreng-oreng dhalem okoman sajan takerjat, namong sabellun ganeka. Lawyer ekeba
ka oreng se katello. Oreng sorowanna wali kota se pon esaba’ ka okoman. Oreng
se katello, se asababbagi Prof Seo adinggal omor. Egadhiya Big Mouse eseksa,
sampe’ para’ mateya. Pon ngek-ngegan. Para’ mateya onggu. Nyamana bai pilem.
Biyasa mon bintangnga lakar eseksa. Mon bintangnga ta’ eseksa. Rogi Bandar.
Pagades-gades gallu. bila para’ mateya olok ambulans.
Maos jugan
- Bakto Hakim Maso' Penjara
- Taresna dhalem Seher Kaodhi'an
- Ajalan Nojju Kaadilan
- Kepaksayap Kemunafikan
- Elangnga Pangajiyan
Kopala
sipir, se pon akacamata’an etelpon oreng se gella’ epatabari video sareng
Lawyer se pon maso’ okoman aleas esebbut Big Mouse. Ja’ oreng ganeka ta’ olle
mate. Mon oreng ganeka sampe’ mate. Kopala Sipir dhalem ancaman se raja.
Ngaedhing oca’ nga’ ganeka. Kepala sipir se pajat andhi’ jaringan (link) dha’
man-kadhimman neka duli entar ka kennenganna Big Mouse ecekkel. Se pon para’
mateya. Poko’na Big Mouse ganeka kodu salamet. Baremma bai carana. Marena
ngaolle seksaan cara ganeka. Big mouse buru bisa maso’ ka dhalem penjarana
(kamarra). Totor lekkassa.
Lawyer
se esangka Big Mouse se coma epitna neka nyare, sapa se saongguna Big Mouse.
Egadhiya aba’na pon nyangka pasera bai, molae dhari kanca kamarra dibi’ se
paleng awal nolonge, se paleng pera’ bila Big Mouse (lawyer) ganeka mennang
tarowan sanajjan dhalem penjara. Napa pole jat Kopala Sipir neka narema pesse.
Pasera se majar kalaban arga tenggi. Oreng ganeka bakal akalambi pote. Ta’ usa
bannya’ alako e penjara. Mon se ta’ majar. Genna’. Banne gun eokom. Namong
epalako sabarang. Se akantha seksaan.
Wali
kota, binena, Oreng se epatabari Video, jugan binena Lawyer, ganeka padha nyare
sapa se saongguna Big Mouse, settong bakto. Big Mouse janjian bakal nemmowe
oreng se anyama Big Mouse se saongguna sopaja aba’na salamet. Se dhateng
ternyata Kopala Sipir. Big Mouse (lawyer) ganeka nyambi alat perekam, hasel
rekamanna esambi ka kantor polisi bakto aba’na kodu esidang. Dhari rekaman
ganeka, Jaksa ban Hakim se akanca ban Wali Kota (kanca kenthel, saleng jaga ban
masalamet sopaja tadha’ okoman) ganeka pon perak. Dhalem rekaman ganeka, Kopala
Sipir acareta ja’ aba’na lakar Big Mouse. Bisa eabas tanda se aropa “tato” se
badha e lengngenna.
Kopala
Sipir eangko’ ka pangadilan. Banne namong eanggep Big Mouse. Namong jugan
eanggep narema sogu’an. Tanto aba’na takerjat. Sanajjan pon nelpon ka oreng se
epatabari video, ta’ kowat, asabab polisi samangken aropa’agi sorowanna wali
kota. Wali Kota lakar andhi’ peran sentral dhalem amaennagi sopaja careta
paneka sajan lebur. Ban parlo ekaonenge. Wali Kota aropa’agi na’-kana’ se kaena
mate (antara epate’e ban mate dibi’ dhalem mobil se eobbar sareng oreng seppona
binena).
Saestona
Wali Kota aromasa kota mate’e oreng se pon mate’e kaena, se pajat andhi’ forum
(kompolan) NR, se asababbagi kota ganeka maju akadiya samangken. Dhalem kamajuwan
kottha ganeka, ampon asababbagi bannya’na oreng se epate’e. Napa pole pajat
badha makalah (tolesan ilmiah) se
pajat lakar babaja. Asabab essena tolesan ganeka acareta masala roma sake’ se
terlibat dhalem praktek-praktek dhalem ngala’ sampel dhara. Kaangguy
penelitian. Saenggana prof Seo neka kodu epanyengla, namong dhalem manyengla
neka, sampe’ asababbagi kaelangan nyaba (mate). Careta-careta se e lowar
akkalla manossa. E lowar rencana kakabbi. Keng pajat lakar gariming mon nenggu
Drakor. Teknik dhalem acaretana magettonan. Sanajjan coma drama.
Maos jugan
- Siap Kerja Sama Dengan Lesbumi
- Karjana DK Sumenep
- Sobung Kritikus Sastra e Madura
- Festival Sapparan Budaya Lesbumi
- ALBUM TANPA JUDUL
Settong
malem pole. egadhiya Big Mouse ngako onggu sapa aba’na. se kemma’an se daddi
Big Mouse. Big Mouse se saongguna neka oreng se pon abit odhi’ dhalem okoman.
Oreng ganeka eokom polana abillai ana’na se mate bakto aliput (aliput neka
memberitakan), dhalem aliput ganeka nemmo makalah Prof Seo. Mela dhari paneka
epate’e. sabab babaja. Se la ana’na mate, aba’na gi’ eokom. Aneka palang
dhukale. Tanto dhari paneka. aba’na kodu males. Sopaja adil. Adil sanajjan ta’
lebat pangadilan nagara. Ban coma parcaja ka Big Mouse (lawyer) ganeka se bisa
apareng kaadilan monggu kaodhi’anna ganeka.
Totor
lekkassa pole, Big Mouse se saongguna olle keringanan okoman dhari wali kota.
Namong bakto dhapa’ ka romana se aropa’agi barung makan. Aba’na maso’ ka dhalem
roma se badha bom ma. Leddu’. Ganeka sajan daddi masala. Katon ngolang dhari
adha’ pole. Big Mouse (lawyer) pon caremmet asabab aba’na kodu maso’ dhalem
jebbakan nga’ neka. Aba’na apangrasa kodu males, sapa se asababbagi sadajana
daddi nga’neka; Wali Kota.