Lalampan.
1444. Drama Korea (selatan) se biyasa esambat drakor se ajudul Blind, se artena
enggi paneka buta, aleyas ta’ nengale. Aropa’agi drama korea (selatan) se
naskana ekarang sareng salerana se molja Kwon Ki-kyung, kalaban sutradara se
pon cokop kalonta enggi paneka Shin Yong-hwi. Dhalem drama paneka. emolae dhari
Hakim Ryu aberri’ izin kaangguy mabadha sidang pengadilan. Badha pan-sanapan
juri se epadhateng kaangguy nyakse’e jalanna Pengadilan, saamponna merengngagi
dhari sakse se aropa’agi ale’na Hakim, juri mastheyagi ja’ terdakwa sala. Hakim apareng potosan. Ja’ terdakwa pajat sala. Mate’e oreng. Sanajjan terdakwa ta’ narema ban ngoca’, sadaja oreng se badha dhalem
pangadilan kasebbut bakal mate. Terdakwa eanggap sala polana mate’e reng bine’
se buru aomor 20 tawon. Tor epate’e bakto katerbi’anna (ulang tahunna).
Metorot
Terdakwa kan epate’e polana eppa’na ta’ majar pesse pettong ebu (mata uang
korsel). Terdakwa esaba’ ka penjara. Juri-juri se epele lebat lotre ganeka,
lastarena dhari pangadilan gi’ lan-jalanan. Ngakan abareng. Kennalan. Badha produser
pemberitaan, mantan sopir, sopir taksi, pekerja sosial, dhukon (tukang tebbak),
ngakan e barung (rumah makan jepang). Ale’na Hakim Ryu, se aropa’agi polisi, e
bagiyan criminal, daddi detektif. Kalakowanna nyare fakta-fakta anapa terdakwa
ma’ mate’e oreng. Tor dhalem korban (oreng se epate’e) ma’ egaris pepena. Dhukalaja.
Loros dhari bibirra.
Ana’
babine’ settong kabbiyanna epate’e, tanto dharana mama’, eppa’ ongga. Oreng se
mate’e ana’na kodu mate keya, sanajjan terdakwa
pon eokom saomor odhi’. Nape pole
epate’e bakto katerbi’anna se aomor dhu polo tawon. Se pon dibasa tor bakal
maso’ kuliyah, ganja tor bakal ngadhebbi kaodhi’an dibasa, molae dhari kerrong,
taresna ban nyapcabba aeng mata, namong e malem katerbi’aan, se dhimma reng
seppo bine’ pon nyadhiyai jajan, kue katerbi’an (ulang tahun) asabab na’ poto
bine’na pon adinggal, epate’e oreng daddina gilana. Sabban are reng seppo bine’na
lako makalowar kue se badha lilinna. Ngajak lakena sopaja nyander ban anyanye
ulang tahun.
Sala
settong juri, pekerja sosial daddi
sandrana terdakwa, asabab terdakwa bisa buru dhari bis se bakal
ngaterragi ka penjara, tape pekerja sosial kasebbut ta’ epate’e, polisis
dhateng gi’ laggu kaangguy masalamet pekerja sosial. Detektif alonca’ ka attas
ata’ sopaja bisa nolong pekerja sosial se babine’ kasebbut. Ban ternyata e
malem kasebbut badha oreng se epate’e pole. tape oreng se daddi terdakwa badha
e kosanna pekerja sosial baremma caretana. Detektif ecapo’ coco bagiyan roso’na.
kabadha’an sajan rengsa. Asabab badha pole oreng mate. Se epate’e babine’ pole.
ana’na kepala polisi kota. Ana’na polisi. Ana’na kepala sambi. Banne’ gun oreng
biyasa. Detektif se aropa’agi ale’na Hakim Ryu pon daddi tersangka. Aba’na kodu
ngetek.
Detektif
kasebbut esare. Banne gun esare polisi, namong jugan esare eppa’na oreng bine’
se epate’e se omorra dhupolo tawon. Kepala polisi (lalake’) atemmo ban Baek MK,
eppa’na reng bine’ se epate’e teppa’na malem katerbi’anna. Babine’ se epate’e
pertama. Se mate’e aropa’agi oreng nomer 13. Sengko’ tawo. Oca’na kepala
polisi. Mela dhari paneka. Baek MK nyare Detektif pas etangkep ekeba ka Pusat
Kesejahteraan Harapan.
Drama
mate’e oreng se agilir (pembunuhan berantai) ce’ bannya’na dhalem drama korea,
kalaban teknik careta se pajat mirip parana. Tadha’ bidana. Emolae dhari teror
mental. Dhalem “Blind” paneka pajat badha lema’ na’-kana’ se buru se esare
oreng se raja. Na’-kana’ kasebbut nyebbut Pate’ Gila. E malem kasebbut se
kalema buru. Namong tapalosok ka jebbak. Badha se loka sokona. Badha se ecapo’
tamper ban laen samacemma. Bakto gadhiya na’-kana’ se odhi’ e Pusat
Kesejahteraan Harapan lakar ngadhebbi kaodhi’an se rengsa. Eseksa. Esoro aberse’e
WC ban alako sabban are. Se mate. Mayyidda ekarebba ka kampus, sopaja daddi
bahan bedah. Esettong malem, se kalema epega’ polana buru. Bakto ekenneng. Badha
reng bine’ (dhukon) se nengale. Na’-kana’ se kalema pon wak-kowagan menta
tolong. Soro salameddagi. Namong ta’ eeddhebbi.
Mela
dhari paneka, Hakim Ryu tamaso’ ana’ dhari se kalema se ekabareng oreng bine’,
eadopsi PNS, sopaja odhi’ ale’na se daddi polisi. Hakim Ryu Sukses daddi hakim
panutan, penuh prinsip atas hukum ban dhang-ondhang. Ban kabudhi-kabudhi
(episode) oreng towana Hakim Ryu aropa’agi oreng se magi dha’aran, tokang
pessenna dha’aran, lakena aropa’agi hakim. Baek MK aropa’agi pimpinan e Pusat
Kesejahteraan Harapan, sapanaeka jugan sareng kepala polisi se ana’na epate’e.
Pekerja Sosial pajat ta’ terlibat langsung. Namong reng seppo bine’na aropa’agi
perawat se eperkosa sareng Baek MK, saenggana lahir babine’ se daddi pekerja
sosial kasebbut.
Hakim
Ryu sabendherra coma terro matao ka oreng ja’ badha Pusat Kesejahteraan
Harapan, sanajjan pon etotop, se ka’dhimma, na’-kana’ se badha dhalem tempat
kasebbut odhi’ nyangsara, odhi’ gun kalaban nase’, tadha’ juko’na, mellassagi
ban nyangsara. Hakim Ryu se arencana mate’e oreng-oreng se pajat tanoro’ e Pusat
Kesejahteraan Harapan, tamaso’ produses berita, se jugan epate’e. pak kepala
polisi etangkep. Ibu Hakim Ryu ban Detektif se daddi Menteri Kesehatan ban
Kesejahteraan etangkep, sapaneka jugan ban lakena.
Pekerja
sosial ban para korban dhari Pusat
Kesejahteraan Harapan (PKH) mabadha pameran, sopaja oreng-oreng se perna odhi’
e PKH bisa asowara ja’ sabban badha kejahatan se pajat nyake’e na’-kana’. Pekerja
sosial entar ka Hakim Ryu se badha e penjara. Masthena ta’ kodu mate’e oreng. Oca’na.
baremma bai. Mate’e oreng-oreng se ta’ sala. Paggun ta’ teppa’. Oca’na. tadha’
cara pole. kaangguy abala ja’ kaodhi’an sengko’ ban ca-kanca nyangsara ban odhi’
dhalem seksa. Oca’na Hakim Ryu.
