Adad Madura Se Pon Elang
Tatakrama Atamoy
1. Sabellunna mangkat atamuy koduna oneng dha' bakto
kaangguy Atamoy, ompamana ta' kengeng tamoy naleka baktona oreng laot otaba
istirahat, akadi baja ban-aban, tengnga malem tor se Laen epon.
2. Ngolok salam akadi pangapora otaba
"Assalamualaikum". Manabi ampon 3X ngolok salam, nangeng sobung se
nyambut koduna paleman dhimen tor abali e bakto laen.
3. Ta' alonggu manabi gi' ta' eatore alonggu sareng
towan ruma. Manabi ampon eyatore alonggu, alonggu kalaban noro' adad parnata se
badha e kennengngan kasebbhut, sabelunna tanto asalaman dhimen, amarga caepon
benga seppo sapa se asalaman bakal salamet.
4. Manabi alonggu e korse ta' kengeng nyandar,
nyangle' to'ot ponapa pole sambi terketterran.
5. Manabi eangka'e kopi, biddang, tambul, otaba
dha'aran ta' kengeng laju e dha'ar manabi gi' ta' eatore sareng towan ruma.
Manabi ampon eyatore, biasaepon mator kalaban ator "Papareng / nyabis
pareng."
6. Saamponna adha'ar otaba eparenge dha'aran sareng
towan ruma ta' kengeng enggal bubar /
paleman, parjugana neng-enneng dhimen Olle ta' ekoca' nyangle.
7. Adha-kandha otaba tor mator ta' kengeng
nyeng-ranyeng anangeng saparlona bisaos.
8. Manabi aroko'a nyo'on edi dhimen dha' towan ruma,
ka'dhinto tako' aganggu dha' towan ruma.
9. Nyo'on edi manabi ampon palemana akadhiya ator
"nyo'on edhi ka'dinto abdina palemana". Tor etoro'e kalaban salam.
Maos jugan
- Gelar Peringatan Maulid Nabi dan Santunan
- Oca' Bakal dhalem Basa Madura
- Ngare' Padhi
- Cangka Asela
- Puisi Jufri Zaituna
Tatakrama manggi'i tamo
1. Ajawab salam
2. Ngatore tamoy kangguy alonggu, kadhi ator,
"nyara longghu " ! Saporana compo' na rombu bida sareng e kabara'na,
pas tamoy nyambit addhhhoo mon e kabara' na asara'an pole .
3. Manabi tamoy e palonggu e korse, tamoy ka'dhinto
palonggu e korse s abagusan manabi korsena macam dhuwa'
4. Ngagem rasogan se sae ta' kengeng Namong akaossinglet .
5. Ngangka'e biddang, tambul tor dha'aran manabi
badha
6. Manabi ngangka'e kopi / biddang ngangguy cangker,
dalangke'anna cangkerra saba' e kananna tamoy.
7. Manabi tamoy alonggu e baba, naleka ngangka'e
kopi tor samacemma mabi asela.
8. Ngatore tamoy kaangguy adha'ar ponapa s
eangka'agi, ompama kalaban ator . "Nyara e yatore konye' gunong samo-temmona
e so'ona Saena". Kadang jugan e tambai kalaban paparegan. Ompama mator
"nyara e yatore bangalan ka'dhinto". Nandha'agi sobung tambul coma
kopi
9. Manabi ka' angka'anna nase' kalaban conto okara
"nyara e yatore pasaeyagi e so'ona Saena konye' gunong samo-temmona.
10. Manabi alajjai tamoy adha'ar , towan ruma ta'
kengeng Ambu langkong dhimen , koduna ngantos tamoy se ambu. Nangeng manabi ta'
alajjai tamoy se adha'ar towan ruma ta' kengeng neng e seddhi' na tamoy se adha'ar
, lastare ngatore parjugana nyengla otaba ka dhalem dhimen
11. Manabi tamoy paleman parjugana ngater tamoy dha'
tameyan otaba pagar otaba paleng sakone'na ta' toju' ka dhalem sabelunna tamoy
kalowar dhari taneyan / pagar.
*Rowi El-Hamzi paneka babbar e kampong Gindhaga,
Buabu, Disa Longos, kacamadan Gappora, tantona kabupaten Songennep (Sumenep
Sumekar). Mon ganeka enggi jellas lakar oreng Madura. Asli. Ta’ usa kobater.
Bangaseppona jugan asli oreng Gindhaga.
Lalake’ paneka ampon araji (abine) tor ampon gadhuwan potra. Ngabidi sakola’an
molae dhari Ibtida’iyah Taufiqurrahman Telenteyan, disa Longos sekitar taon
2000an. Enggi jellas lakar babbar sabellun taon 90an. Salulus dhari
Taufiqurrahman, se bakto paneka gi’ sobung sakola’an Madrasah Tsanawiyah, Rowi
paneka ngalle ka Kalaba’an Luk-guluk, ka pondhuk salaf. Ajar ngaji, maca ketab
koneng, ajar nahwu-sharrof. Sopaja oneng ka mubtada’ ban khobar, nyopre oneng
ka se gedda’ ban se jembar.