Lalampan.
1444. Are samangken ojan e Sumenep (bisa e kottha ban kacamadan laen). Sumenep pajat
aropa’agi kabupaten se paleng raja e Madura (paleng temor), tantona bannya’
jugan orengnga, e darat bai bannya’, tanto neka buto pangabasan khusus sopaja
bisa ngagali napa bai se kadaddiyan. Dhalem ojan se kadhang coma sakejja’, ta’
pate abit, aneka ampon adina aeng e sabban lobang. Namong se paleng magettonan
enggi paneka, aeng se badha e songayanna, e dhi’erenganna lorong biyasana badha
songayan se pajat ekagabay, namon aeng lowa dhari songayan kasebbut. Saestona badha
ponapa dhari paneka.
Ojan
bila pon dhapa’ ka baktona toron, enggi paggun toron. Ta’ neng pellang. Bila kare
ekakarep, kadhang ojan neka ta’ toron, badha jugan se ngarep ta’ ojan bila
badha lalampan, bila badha kegiatan, sopaja ta’ battal. Ojan bisa daddi kabar
bunga monggu oreng tane Madura, se ka’dhimma lakar tana Madura neka buto ojan,
bannya’ oreng adhabu ja’ tana Madura neka kerreng polana panemoran (gersang),
namong taon mangken, akaton sobung panemoran. Sokkore! Ngereng asokkor sopaja
kalaban badhana ojan paneka daddi tombuna kajembaran, banne kamadlaradan
(madlarat). Manabi e Sumenep neka gi’ sobung banjir, coma aeng se ta’ bisa
agili e soksok, e songayanna penggir lorong, saenggana aengnga lowa ka lorong.
Maos jugan
- Suhrawi Entara ka Resepsi Satu Abad
- Nyapa Oreng Aroko'
- Tase’ Tadha’ Omba’
- Ma Ma’na Sanat
- Sobung Kritikus Sastra
Lowana
aeng kasebbut banne coma sakone’, kadhang enggi badha se keccem papatthek,
eattasanna tombet, antara lemas senti meter, artena mon ajalan, soko pon
nyellem. Polana coma nyellem soko, katon ta’ parlo ekagali. Enggi mon samangken
coma keccem soko, manabi lagguna keccem to’ot? Sadhumalem ongga gan pokang,
ongga pole gan tabu’, sampe’ nyellem oreng dibasa (165 CM), buru kaso se
mateppa’a. Ja’ bila aeng lowa dhari songayanna lorong (drynase), bannya’
pasarpa, bu-rombu akadiya palastik, kardus-kardus kene’ se eanyo’ sanajjan ne’-sakone’
tor cekka’. Aneka tandha bannya’ palastik se daddi sompet e dhalem lobang
jalanna aeng. Pasera se mowang palastik kasebbut, enggi tantona oreng se semma’
ka gadhiya.
Manabi
sampeyan ta’ parcaja, enggi ngereng eyatore atole ka budhiyanna romana dibi’,
se semma’ otaba jau ka songay, napa sampeyan ta’ mowang palastik ka songay,
popok, kardus, sedotan, karet, dalubang ban laen samacemma. Napa pole pas
nagara ta’ bisa ngator sopaja masyarakat bisa lebbi ngastete dhalem mowang
sampa kasebbut. Saestona manabi sarpa neka dhawun-dhawun se pon kerreng tor
gaggar dibi’ dhari bungkana otaba gaggar polana eondhu. Manabi barang-barang se
pon mare eangguy, akadiya palastik, dalubang, omplong, neka enggi kodu sebbut
sampa sanajjan dhalem basa Madura. Banne polana basa, namong kadinapa carana
sopaja ta’ mowang sampa kadikasebbut ka dhalem drynase.
Are
samangken neka oreng paggun ta’ kera locot, ta’ kera majau dhari palastik, tape
kan kadinapa carana sopaja ta’ ebuwang ka lan-jalan, ebuwang ka jalanna aeng,
se pas bila nem bara’ neka daddi asompedda jalanna aeng. Padahal songay enggi
bannya’ se raja, namong manabi drynase neka asompet. Enggi parajai songayya. Parajai
jalanna aengnga. Enggi paggun nengneng. Ngantosa pamarenta se lakar ta’ pate
paraten ka ganeka? Ehm’ antos! Ma’ tolos possa’ aeng lorongnga. Eka’dhimma’an
kerana aengnga se low aka lorong? Hems… coba tenggu dibi’ bila ojan. Nyoba’
mangkat kalaban sapedha motor bila ojan. Enggi pajat ta’ sakabbiyanna kacamadan
e sumenep neka pas aengnga lowa sadaja bila ojan. Keng lakar bak badha’an.
Maos jugan
- Carpan: Santrena Aebuwan
- Bulan Gerring Pesse Panas
- Sajan Abit Oreng Atane Sajan Tadha'
- Lukisan Musim Lalu
- Jarak yang Kukejar