Dhin-Andhin Iya areya oca’ se para’ padha’a kalaban
parebasan, namong dhin-andhing emolae kalaban oca’, akantha, parsasat, marabut,
otaba martabat ban mara.
Areya contona:
AKANTHA
Akantha anggu’ ta’ epece’: artena: Kasambu’ aleyas
mengnga’.
Akantha apoy sekkem, artena: ngello’ dhalem otaba
peggalla eampet.
Akantha belling kaojanan, artena: ta’ nyerrep baburugan.
Akantha bulan kaseyangan, artena: kole’na reng bine’
semmo ngakoneng ce’ raddinna.
Akantha bulan pornama, artena: mowana reng bine’ se
bunter tor nyennengngagi.
Akantha galagas katonon, artena: ekoca’agi dha’ ka
oreng se lekkas seddhi ban lekkas sabbar.
Akantha gendhang etabbu salaja, artena: ekoca’agi dha’
ka oreng se ngoros tokarra oreng atokar,
namong se eurus ban se ekaparcaja coma salaja (settong oreng/pehak).
Akantha gagang sakapor, artena: ekoca’agi ka oreng
lake bine se banne sana’, saabidda pasanganna kasebbut odhi’ rokon.
Akantha galte’ nemmo padhi, artena: tamoy se dujan ngakan ka’-angka’an.
Maos jugan
- Eja'an Dhalem Basa Madura
- Kerata Basa Madura
- Rora Basa Madura
- Ngaronge Sagara Madura
- AH Hasmidi Lebur ka JokPin
OCA’ MARA
Mara koceng ngedhing monyenna panebba, artena: ekoca’agi
dha’ ka oreng se ce’ tako’na.
Mara jajjalang kalowar Dhari lobangnga, artena: oreng
se kalowar acol-colan.
Mara dhingdhing pellem, artena: ekoca’agi dha’ na’-kana’
se birnye.
Mara olar nemmo kaba’, artena: ekoca’agi dha’ ka oreng
se nemmo ontong raja.
Mara lang-balanganna to’ot, artena; oreng se ta’ tetep
janjina.
Mara gadebbung elanyo’ ba’a, artena: oreng se ta’
andhi’ pangarebban pan-napan.
Mara bilis mardha, artena: oreng se sele nyare keterangan.
Mara ra’-derra’ bine’, artena: ekoca’agi dha’ oreng se
todhusan.
Mara ajam ngerremme, artena: oreng bine’ se ce’
bengngessa.
Mara nyaba’ tellor e batton, artena: alalakon se
babajan
Mara beddhi esemburragi ka perreng, artena: aberri’
baburugan ka oreng pengko.
Mara din-dadin anyar, artena: polisi se ce’ sele’na ta’
ngomesse badanna dibi’.
OCA’ PARSASAT
Parsasat Komantan, artena: ekoca’agi dha’ ka oreng se
toju anteng, nengneng anteng.
Parsasat kaleppon nongko’, artena: ekoca’agi dha’ ka
oreng bine’ se elongnga loncong tor bagus.
Parsasat bulan pornama, artena: ekoca’agi dha’ oreng
bine’ se mowana bunter, radding ngajunjune.
Parsasat sagunong, artena: kabunga’anna atena oreng, Amarga
olle pangaterro se ekakarep.
Maos jugan
OCA’
MARABUT
Marabut kembang toroy, artena: pajalanna oreng se anyongnyong,
ta’ le-toleyan.
Marabut jaran penggungan, artena: katebaan kalakowan
se ce’ bannya’na.
Marabut perreng tale, artena: oreng se bisa ngalakone
panggabayan alos/berra’.
Marabut atena Tongngo, artena: oreng se tako’an.
Marabut bulan kaseyangan, artena: robana oreng se
pocet Amarga gi’ buru mare sake’
Marabut enteran e tebbana, artena: oreng se menta
tolong tape tadha’ se ngejabi.
Marabut geddhang embuk, artena: ekoca’agi dha’ kole’na
bine’ se koneng alos.
OCA’ MARTABAT
Martabat na’-ana’an cellot, artena: oreng se gumantong
dha’ karebba oreng laen sapamentana etorodi.
Martabat oreng elanyo’ ba’a, artena: nyare orep/kasap
bang-sebang.
Martabat elmona oreng ngare’, artena: ollena long-mapolong gan sakone’, dhi-budhina bannya’ keya.