Lalampan. Salaen saleng cale (ecale) ecalot, manossa
jugan lebur saleng ngalem, asabab polana parlo tor jugan polana lebur. Oca’
pangalem paneka eguna’agi kaangguy ngalem otaba moji pola tengkana manossa, tor
sabagiyan dhari badan epon se lebur eabas monggu pangabasan (mata). Akadiya;
bibirra jerruk salone. Tor en-laen epon. Ka’dhinto lalampan.com Dhari Yayasan
Arokat Lalampan, badhi ngatoragi ca’-oca’ pangalem monggu badan, se aropa;
Ales paneka biyasa ekoca’ otaba ealem kalaban andhaun
memba (neka polana bentukna, wujudda se lebur banne polana dhaun memba se pae’).
Bisa jugan ealem kalaban alessa tanggal sakaleyan. Cara napa ales tanggal
sakaleyan, enggi antos bila bulan tanggal sakaleyan paneka kadinapa, cara napa.
Atena bunga, perak, saenggana bisa kasokan kalaban
samporna.
Dhalem moji bangkong, oreng madura nyebbut kalaban
naker lemas, bukor nongngep, kantos manjang elang.
Moji bettes kalaban pangocap ngembang podhak tor jugan
podhak nyongsang. Samangken ampon rangrang enggi kembang podhak otaba se aropa
podhak neka kadi napa.
Bibir, salaen jerruk salone, jugan manggis ngarengngat,
kantos Dalima (asabab same-same mera), tor jugan marekka.
Bauna (aroma) enggi paneka ro’om. Enggi nyamana bai
pangalem.
Bula keja’na esebbut kalaban nyekkar tanjung, akadiya
kembang sekkar tanjung, enggi lebur.
Maos jugan
Bauna (bahu) bidhang, kalaban ekoca’ bau tembangan. Dhukalaja
padha (serasi).
Cacana akantha pae’ maddu. Pekker keng nyaman ekarassa
cellep ka panggaliyan.
Dhania ealem kalaban oca’ angapetheng, dhai kapetheng.
Kan oneng ka kapetheng. Masa’ ta’ oneng kana.
Dhadhana ealem kalaban lapang ngadheppak, jeppak.
Elongnga ealem kalaban oca’ marseng, abangnger bajang,
ngaleppon nongko’.
Garigi’na aropa angrajung dhuri. Gigina ealem kalaban
mangkar ranca’, abigi temon, ambaliling, molu kombang.
Gellungnga: ambukor nonggep
Kole’na: anyeor gaddhing, ageddhang lomot, ngoneng
langsep.
Kakarebbanna: abantheng tato.
Kaparekasanna: nyaop seka’.
Komessa: alala’ nengga’.
Kole’na se koneng: Emmas esangleng, koneng mondhu.
Kole’na se celleng: Celleng manggis
Le’erra: ngalong tontonan, anggulu manjangan
Matana: mella’ ta’ mare, Bintang karteka, morka’.
Mowana: abulan pornama
Kaodhi’anna: bajra, Pojur, ontong.
Obu’ Balentek: Male’ katopa’.
Obu’ Lanjang : Nyasar Bangkong, nyasar tombet, andhan-andhan.
Obanna: nyambel bijjan.
Odhi’na: molja tor tentram
Palembayya: Meltas manjalin
Pajalanna: neter kolenangan
Paleregga : Bantheng akerek
Pangabassa : Damar kaangenan
Pagella’na : mesem balibis
Partengkana : Andhap asor
Pangalamanna: jembar
Pepena: andhurin saleneng, ngalompang
Pokangnga : abaru loros, mokang jerring.
Ropana : raddin, ganteng
Kokona : katha me-eme ban mentona
Sosona : nyengker gadding.
Sowarana : lemma’-manes, agur
Sokana : ngokot manjangan
Sepadda : bellasan, sabbaran, lamba’.
Tengngana : anggagatteng.
Tombedda : Nellor mano’.
Ka’dhinto aropa’agi oca’ pangalem monggu badan, tor sadaja kaodhi’an manossa.