Lalampan.com.
1444. Pangarang buku Damar Kambang se buru ngombar e taon 2022 paneka gadhuwan
asma AH Hasmidi. Lalake’ paneka ampon gadhuwan potra, tanto polana ampon abine.
Lalake’ paneka babbar e kabupaten Sumenep, teppa’na e disa Moncek Tengah
kacamadan Lenteng, tanggal 27 Juli 1986. Sabellun gadhuwan settong buku “Damar
Kambang” serraddanna maso’ dhalem buku Satengkes Carpan Madura “TORA” se
eterbittagi sareng Jawa Pos Radar Madura (kerja sama sareng CV abida Mahran) e
taon 2017. Badha dhu bellas carpanna AH Hasmidi dhalem buku TORA kasebbut. Aropa’agi carpan
paleng bannya’ etembang pangarang laen. Dhalem buku paneka badha salekor pangarang
sastra basa Madura se karanganna aropa carpan epapolong dhalem buku settong.
AH
Hasmidi tamaso’ santre Pondhuk (pesantren) Al-Ishlah Moncek Tengah tor jugan
asakola e Madrasah Aliyah e pondhuk kasebbut. Lastarena dhari Lenteng, aba’na
se pon tapengsor ka sanja’ basa Indonesia (puisi). Ajar puisi kasebbut dhari
Guru Bahasa Indonesiana bakto gi’ Aliyah enggi paneka ajar dha’ ka Ustadz
Holidi, dhari guruna paneka, aba’na bannya’ ajar carana noles sastra. Mele
lebur ka sastra tadha’ laen polana basana dhalem sastra se lebur.
“Kalaban
sastra kaula bisa madhapa’ ponapa se badha neng pekker, ponapa se pon kalampan
ba’ dibi’ otaba oreng laen dhalem bangin se laen kalaban basa se laen jugan.
Basa se ta’ langsung nojju ka tojjuwanna.” Jawabba dhalem wawancara online
Mela
dhari paneka, aba’na apangrasa kodu nyare kampus se badha jurusan bahasa (&
sastra) Indonesia na. Hasmidi mele maso’ STKIP PGRI Sumenep. Sekolah Tinggi
paneka Hasmidi apanggi sareng bannya’ seniman sumenep, akadiya Mahendra,
Alfaizin, Lukman Hakim Ag, tor jugan Amin Bashiri lebat LKSB (Lembaga Kesenian
Seni Budaya) Pangesto Net_Think Community Sumenep. Apanggi sareng oreng gaga’
tor parjuga, asababbagi tolesan Hasmidi sajan amonye tor lebbi tajem. Napa pole
aba’na lakar dujan maos buku-buku sastra nasional. Penyair nasional se paleng
ekaleburi enggi paneka Jokpin otaba Joko Pinurbo.
Maos jugan
- Alembay Pole, Sanja'na A Farhan
- Konye’ Gunong Monggu Kerrong ka Omba’
- Perjalanan dan Perjuangan Dakwah Abu Hasan al-Shadhili
- Narto Lebur ka Oreng Bine'
- SUNDAY KILLER
Jokpin
daddi idola otaba sastrawan se paleng ekasennengnge asabab dhalem ngajari noles
sastra (sanja’/puisi) ta’ usa kalaban basa se ruwet. Manabi sampeyan terro
onenga ka Joko Pinurbo, bisa ngobange bukuna. Manabi maos bukuna Joko Pinurbo,
enggi pajat aguna’agi basa-basa se eguna’agi sabban are.
Molae
akullia paneka, AH Hasmidi lebbi bannya’ noles cerpen (cerita pendek) tor jugan
sanggup ngarang careta pandha’ (carpan), lalake’ se samangken ampon daddi guru
basa Madura e Sekolah Menengah Atas Negeri (SMAN 1) Bluto paneka ampon bannya’
ngarang, banne namong dhalem basa Madura, namong jugan basa Indonesia, akadiya Tidar Media, Forum Aktif Menulis, Penerbit
Genom, dan Taaruf Penyair Muda
Indonesia, Cinta Yang Terus Mengalir (ekaolle dhari buku Tora). Manabi dhimen, carpanna para’ ngombar
sabban are ahad. Mela dhari paneka, samangken ampon ngombar buku “Damar
Kambang” se aesse sapolo careta pandha’.
Sala
Settong careta pandha’ se abul-ombul kamar petteng paneka ce’ mabaringbing ka
kole’. Settong oreng bine’ se badha dhalem kamar petteng, asabab kodu esaba’
dhalem kamar, ban kodu erantai. Mellassagi. Tanto bannya’ masala se asabbagi
anapa oreng kasebbut kodu epakerrem dhalem kamar petteng. Akadiya bul-ombul se
laen “Banne Tarompet Taon Anyar” otaba “Kaju Potong Tello Kale” ka’dhinto
aropa’agi teror se noccek ka dhalem ate se paleng dhalem. Tolesan dhari lalake’
se ngabdi e MA Al-Ishlah paneka lakar patot daddi pamanggi tor panggaliyan
dhalem kaodhi’an mangken.
Daddi
guru basa Madura tanto ta’ gampang e jaman kadiya samangken, napa pole jat
lakar sobung kapastheyan, ekaparlo ponapa basa Madura, bida kalaban basa
inggris, basa arab tor en-laen epon. Tanto berra’, namong kodu paggun jalane.
Maos jugan
- Dudul, Sanja’ Ummah El-Kamil
- Rindu Terpasung Waktu
- Puisi Madura: Rassa Pasthe
- puisi Zam’sta: MENGEJA MATA KEKASIHKU
- Soeharto di Mata Pendukungnya