Lalampan.com. 1443. Songennep. Are rebbu mangken ampon elaksana’agi lalampa’an se aropa papanggiyan monggu guru-guru Sekolah Menengah Pertama sae se negeri tor jugan se swasta (SMPN tor SMPI). Papanggiyan ka’dhinto abul-ombul “PENGUATAN MATERI FESTIVAL TUNAS BAHASA IBU JENJANG SMP TAHUN 2023” se ka’dhimma lalampan paneka elaksana’agi e Kedai HK, Kolor Songennep.
lalampan ka’dhinto ekabidi kalaban du’a tor jugan “menyanyikan
lagu Indonesia Raya”. Ngaolle sambudan dhari Dinas Pendidikan Sumenep, se ka’dhimma
dhalem hal ka’dhinto esampeyagi sareng Bu Sri Agustina.
Maos Jugan:
- KONYĔ’GHUNONG Monggu Kerrong Ka Omba'
- Potensi Carok Reaktifasi Seppur Madura
- Referensi Judul Skripsi
- Alembay Pole, Sanja'na A Farhan
- Ngosap Dhadha, Nyangkole Kerrong
E are paneka, coma tello’ materi se kalampa, enggi paneka ekabidi sareng “Penguatan Materi Careta Pandha’” kalaban nara sumber epon enggi paneka, Mat Toyu, pangarang buku carpan Kerrong ka Omba, se ngaolle tandha pangesto dhari Yayasan Kebudayaan Rancage, sateros epon materi Carakan madura se esampeyagi sareng Bapak Sunarjo (emaos bapak Sunaryo), bapak Sunarjo ka’dhinto aropa’agi tong-settongnga sarjana basa madura, se badha e Sumenep. Materi terakhir are mangken enggi paneka pidato se esampeyagi sareng Bapak Abd Aziz, se ka’dhinto ahlina dhalem rarenggan basa.
sadaja guru aromasa bunga kalaban badhana lalampan “Penguatan
Materi Festival” asabab daggi’ bakal badha festival basa madura, enggi paneka
lomba e jaba temor (sa madura), se ka’dhimma ret-moret badhi noro’ lomba
ngarang carpan, ngarang sanja’, pidato, dongeng, stand up comedy (paleggiran),
carakan tor jugan tembang otaba macapat.
Maos jugan
- Peribahasa Madura, Sanja' Kona
- Tatakrama Madura Se Pon Elang
- Mosem Arta’, Gatel keng Manes
- carpan: Labang
- Cangka Asela
materi-materi se gi’ ta’ lastare are mangken badhi, akadiya ngarang sanja’ se badhi esampeyagi sareng Lukman Hakim AG (Pimpinan Redaktur Jawa Pos Radar Madura), Paleggiran badhi esampeyagi sareng Bapak Hasanuddi, dongeng badhi esampeyagi sareng Bapak Avan Fathurrahman, tanto kalaban tempat se gi’ same, kedai HK Kolor Songennep.