lalampan.com. 1445. Songennep. Dinas Pendidikan Kabupatep
Sumenep ngalampa’agi “PENGUATAN MATERI FESTIVAL TUNAS BAHASA IBU JENJANG SMP
TAHUN 2023” se kalongguwan epon enggi paneka e Kedai HK, Kolor, Songennep, e
are rebbu sareng kemmes (20-21 Sappar). Dhalem lalampan paneka, ngonjang sadaja
guru bahasa ibu otaba bahasa daerah, enggi ka’dhinto para guru basa madura se
molang (ngajar) e tingkat SMPN otaba SMPI, sa kabupaten Sumenep, sala settong
onjangan se rabu enggi paneka Sekolah Menengah Pertama Islam Nurul Jadid (SMPI
NUJA) Kokkowan Guluk Manjung, Bluto Sumenep.
Penguatan Materi Festival Tunas Bahasa Ibu paneka
ekalampa melana bakal badha adduawan (lomba) se badhi elaksana’agi sareng Balai
Bahasa Jaba Temor pan-sanapan bulan se bakal dhateng, kabar epon bulan
November, mela dhari paneka sadaja guru Bahasa Madura se badha neng jengjang
SMPN otaba SMPI paneka ngaolle tamba’an materi sopaja dhalem molang carpan,
sanja’, dungngeng, paleggiran, pidato, tembang kantos carakan bakal lebbi sae,
ret-moret se bakal noro’ adduwan (lomba) bakal lebbi barengteng tor bisa
mennang.
Maos Jugan
- Se Paleng Paraten
- Lukisan Musim Lalu
- Akhir Sebatang Pohon Gayam
- Mosem Arta’, Gatel keng Manes
- Cangka Asela
Ustadz Moh Hasan Basri se rabu, menangka bakkel epon
dhari SMPI Nurul Jadid Kokkowan, aromasa bunga, asabab bisa ajar bab basa
madura kalaban lebbi samporna tor sae.
“Badan kaula ce’ peragga, eonjang ka acara kadipaneka, asabab kaula dibi’ neka pajat kodu namba elmo dhalem ajar basa Madura. Napa pole sakola’an kaula neka gi’ buru lu-dulluna mabadha pangajaran Madura. enggi tanto gi’ abit se manggiya bibit-bibit se bisa epanoro’a ka adduwan ka’dhissa’.” Totor epon tadz Hasan e bakto laot.
“Manabi adungngeng ejaan enggi, sajan sobung sakale.”
tembuna tadz Hasan se bakto paneka ngello’e roko’na.
Se nyeppowe SMPI NUJA jugan perak, sanajjan buru
samangken daddi sekola’an SMPI Penggerak tor jugan buru taon mangken daddi se
nyeppowe (kepala), eonjang ka acara kadipaneka tantona abakta kajembaran.
Maos jugan
- Carpan; Aengngap
- Ngaji e Lencak Socce
- Langgem Baja e Saladi
- Jarak yang Kukejar
- Madhurâ ḍâlem Kaca Sajhârâ
“Badhana Pangajaran Basa Madura, neka pajat
ekaterrowe, napa pole samangken basa madura neka pon, ekaloppa’ana sareng na’-kana’
ngodha. pas badha penguatan materi, neka rantep temmo pangara se raja. pola
samangken gi’ sobung bibit se sae, namong pola laggu’ (sa)dhu malem bakal badha
se lebur jugan nyerrat (noles) basa Madura.” Dhabuna K. Achmad Wardan saamponna
ekonfirmasi salastarena molang e kellas.