Lalampan. 1444. Karja bal-balan sadunnya pon emolae
tanggal 20 November (25 Rabiul Aher, Ahad kalebun) e Qatar, nagara Arab. Dhalem
karja paneka sohibul bait (tuan rumah) se biyasa pajat daddi pertandingan
pamokka’ kala 0-2 ka Equador. Biyasana sohibul bait neka mennang malolo e
pertandingan pamokka’. Akadiya pertandingan pamokka’ e Karja Bal Sadunnya tawon
2018 enggi paneka Rusia vs Arab Saudi. Rusia menanng. Sapaneka jugan e taon
2014, Brazil mennang bakto pertandingan pamokka’. Sapaneka jugan Afrika Selatan
mennang e pertandingan pamokka’, taon 2010. Piala Dunia bal-balan neka pajat
ekalampa, sabban pa’ taon sakaleyan. Pertamana enggi paneka taon 1930.
Maos jugan
- Santrena Aebuwan
- Bakto Hakim Maso' Penjara
- Taresna dhalem Seher Kaodhi'an
- Ajalan Nojju Kaadilan
- Kepaksayap Kemunafikan
Jerman ampon juara empa’ kale (2014, 1990, 1974,
1954), Argentina namong dhukale (1986 & 1978). Dhuwa’ nagara kasebbut
pendha seggut maso’ final, namong kala. Tawon 2002, Jerman kodu ngakowe
kakowadan Brazil se pajat lakar lako mennang malolo. Tawon 1990 Jerman (Barat)
makala Argentina se aropa’agi tabaligga tawon 1986, Argentina makala Jerman
(Barat). E tawon 2014, Jerman apanggi pole sareng Argentina e final (bakto
ganeka sohibul bait enggi paneka Brazil. Jerman daddi juara. Saestona Jerman,
Argentina, Uruguay, Italia, Brazil & Prancis tor jugan inggris, aropa’agi
nagara se bal-balanna pajat maju. Italia jugan seggut juara, namong molae taon
2018 pon ta’ bisa lolos ka bal-balan sadunnya paneka (pildun).
Mela dhari paneka, e Pildun Qatar tawon mangken
Jerman sareng Argentina neka kala 1-2. Malem sabellunna, Argentina se pajat
aesse pamaen-pamaen se pajat kalonta, akadiya Leonel Messi (samangken amaen e
klub PSG Prancis), pamaen-pamaen Argentia bannya’ se amaen e eropa. Sadajana
oreng pon parcaja ja’ Argentina bakal mennang gampang ka Arab Saudi, namong
napa se kadaddiyan e lapangan. Argentina kala 1-2. Se la bariya kala ka Arab
Saudi. Se ca’na na’-kana’ neka bid’ah (oca’ melerra). Sapaneka jugan sareng
Jerman se kala ka Jepang. Kalana padha 1-2. Jerman 1-2 Jepang. Tanto takerjat.
Ngabas dhari parjalanan Jerman se pajat juara empa’
kale, Argentina se gasek jugan maso’ final neka tanto bannya’ oreng se
takerjat. Tawon 2018 Jerman pajat ta’ lolos dhari fase group. Pertandingan
pongkasan epakala Korea Selatan. Argentina gi’ bisa lolos. Pamaen Jerman se
samangken bannya’ amaen e Bundesliga (Liga Jerman), otamana e klub Bayer
Munchen. Manabi e Jerman, sobung se olle penghargaan pamaen akadiya Ballon
D’Or. Manabi Leonel Messi olle penghargaan Ballon d’Or sampe’ lema kale. L
Messi pajat kalonta. Sampe’ oreng coma tawo ja’ e sepakbola coma badha Leonel
Messi ban C. Ronaldo (pamaen Portugal). Kalaban kalan Jerman ka Jepang, tanto
Jerman sajan sara se lolosa ka dhari Group. Kateppadan laga kapeng dhuwa’,
tanggal 27 November, bakal atemmo kalaban Spanyol, se Juara taon 2010. Jepang
bakal amaen sareng Costa Rika.
Maos jugan
- Sarana Agar Kita Sejajar di Mata Dunia
- Bakso dan Problematika Kehidupan
- The Talon as Training Camp of PERSIP
- Susah Sinyal dan Pemain Bola
- Juara Kembar ban se ta’ Jembar
Argentina ban Jerman lakar kodu mennang e
pertandingan kapeng dhuwa’, mon terro lolosa ka fase nem belas besar. Mon kala
pole, Jepang sajan menang keya ka Costa Rika. Alamat Jerman bakal mole ka
adha’. Jerman pajat kalonta kalaban sebbudan spesialis Turnamen. Artena lakar
lako mennang bila badha Turnamen, tape pon tawon 2018 Jerman ta’ lolos, masa’
taon mangken palemana kaadha’ pole. enggi mon ta’ todhus enggi ta’ anapa.
Argentia enggap bakal juara, otaba esebbut sebagai tim se kowat, se bannya’
oreng menjagokan Juara. Pajat lakar buru
pertandingan pertama. Gi’ kare dhukale pertandingan. Ban kodu mennang kabbi.