Bluto – lalampan.com – 1447. E malem Sennen tanggal 17 Sora 1447 (13 Juli 2025) bakto Haflatul Imtihan & Tasyakuran Akhirussanah (HIMTA) Pondok Pesantren Nurul Jadid Kokkowan, KH Achmad Fauzan Badruddin apareng dhabu langkong dhalem sa jam.
Tanto bannya’ se rabu, otama epon wali santri otaba wali murid dhari Taman Kanak-kanak (TK), Madrasah Ibtidaiyah (MI), Sekolah Menengah Pertama Islam (SMP-I) kantos Madrasah Aliyah (MA) Nurul Jadid Kokkowan, se same-same alonggu e babana terop se ampon esadhiyagi sareng panitia HIMTA 2025.
Sabellun Keyae Fauzan nyampeyagi dhabuwan e pasemowan agung kasebbut, elampa’agi menangka bagian dhari parenteng lampa enggi ka’dhinto, se kabidan enggi paneka 1. Pengukuhan Khotmil Qur’an, 2. Prosesi Wisuda Kelas Akhir tor 3. Pengajian Umum.
Dhalem dhabuna, KH Fauzan apareng oneng ja’ manabi oreng lowar islam paneka, akaton sabban are sabban malem se mekkere kadinapa carana sopaja oreng islam neka tertarik dha’ agama laen.
“Artena para’ pa’ lekor jam, neka epekkere kadinapa carana sopaja kaula sareng sampeyan se islam neka, ongguwan otaba tha’-kantha’an dhalem beragama, neka pas rosak agamana, mon bisa sampe' ngalle agama. Neka lebat tello’ cara. Aneka oca’na orientalis, oneng ka orientalis?”
Maos jugan
- Kerata Basa Madura
- Tasdid dhalem Basa Madura
- Sobung Banne Tadha’
- Carpan: Durahem Abakalan
- Maongga Bako Madura
Napaan se tello’ ganeka, Settong enggi paneka parosak keluargana, kadinapa caranya marosak tatanan keluarga, paemok eppa’-embu’na, se kera ta’ sempada aburuk na’ potona. Se biyasana reng seppo bine’ paneka, embu’, bu’ bu’, mereng bu’, paneka arabat na’ poto, samangken ampon emo’ kalaban karir. Padha alako seyang – malem. Badha se alako lebat tiktok, ban samacemma. Manabi dhimen badha BUJU’, sabellun sobbu pon toju’ (paneka se ekoca’ kerata basa dhalem basa madura. Monye BU – JU’), manabi samangken Bu Tok, sabellun sobbu pon atiktok. Lerres. Pon ta’ abit ajaga sajada, ta’ (pate) adu’agi na’ potona se badha e ponduk, se badha neng Lembaga Pendidikan.
Se kapeng dhuwa’, paneka parosak Lembaga Pendidikan, otamana Lembaga Pendidikan Islam akadiya pondhuk paneka, Nurul Jadid, oreng ka’dhissa’ pas ngoca’, tidak rasional, tidak ilmiah, aneka cara-cara se ekalako sareng oreng lowar islam, sopaja elmo agama, neka pas ta’ ekasokane, ta’ ekaleburi, pas tadha’ se ajara, enggi bila tadha’ se ajara, enggi tadha’.
Se kapeng tello’ enggi paneka parosak tokoh-tokoh ulama se bendher tor loros. Manabi badha oreng songkem, asallim nyeom tanang, eca’-koca’e, ella ja’ cara jareya mon gun ka oreng, jareya feudal, jareya pera’ manossa keya, gun coma – gun coma manussa keya, ta’ usa hormat ja’. Ampon bannya’ enggi se kadi ka’dhinto?
Enggi… akaton ta’ usa orientalis se ngoca’.
Keyae neka, abakta bannya’ elmo, adu’a monggu masyarakat, manabi tadha’ keyae pasera se molanga santre, manabi tadha’ kaikhlasan para keyae neka, pasera se molanga masyarakat, ja’ sakola’an neka ta’ cokop kaangguy molang masyarakat. Abakta bannya’ elmo, se elmona paneka asambung dha’ kanjeng nabi Muhammad SAW.
***
Kepada Seluruh Hadirin dan Hadirat yang mau sekolah atau pun mondok bisa langsung mendaftar ke PP Nurul Jadid Kokkowan, Guluk Manjung Bluto Sumenep, Madura
***
*Sampeyan bisa membaca juga disini : (baik sebagai perbandingan atau pelajaran)
https://alkhidhir.com/aqidah/cara-dan-cara-menghancurkan-peradaban-umat-islam
www.masjid-darussalam.com/berita/cara-menghancurkan-sebuah-bangsa
https://www.instagram.com/p/ChRcxwUJNDo/
***
Sampeyan jugan bisa nenggu pentas-pentas seni epon neng yutub paneka
https://www.youtube.com/@arokatlalampan