Setiap Pelatihan Selalu Ada Seru-Serunya (KKB)
Polo Obi – lalampan.com – 1447. Dalam tulisan ini kalian tidak akan menemukan keseruan itu, jadi see U next time.
Saya baru selesai mengikuti Pelatihan KKA yaitu Koding dan Kecerdasan Artifisial, sedang saya menyebutnya dengan KKB yaitu Koding dan Kecerdasan Buatan. Tulisan ini ditunda sebentar karena ada panggilan dari kamar mandi. Nanti saya lanjut lagi, kalau perut sudah kondusif. Nah kan. Terasa lebih tenang.
Tolesan paneka bakal kaula lanjut, pajat terrona etolesa kalaban Basa Madura, keng ekanthang kalaban Basa Indonesia sakonne’, aleyas sakeccerran. Sacapcap okara, secuil kalimat pembuka, ekowa.
Ekancae musik thong-thong se ngereng jaran sopaja akenca’, ollena arekkam bakto imtihanan, sopaja tolesan paneka pendha badha see-U – serUna. Tape se nyamana musik thong – thong jaran serek sakone’ variasi, saenggana gun akaton gun-paggun, bali’ merengngagi musik alami.
Enggi, kaula pan-barempan are se tapongkor pajat epanoro’ Pelatihan Koding – Kecerdasan Buatan (PKKB), metorot dalubang Onjangan (pdf) se badan kaula kaolle dhari Lora Sakola’an (Kepala Sekolah), paneka aropa’agi kerja sama Kementerina Pendidikan Menengah sareng Yale Communication. Artena kegiatan paneka ekalampa Yale menangka pelaksana (se ngalampa’agi lalampan Pelatihan kasebbut).
Maos jugan
- Sapardi DD & Fiersa Basari Idolana
- carpan: Mekar
- Sajan Abit Oreng Atane Sajan Tadha'
- Contoh Undangan Bahasa Madura
Tanto noro’ lalampan paneka pajat kodu majar, antara ebajari kalaban obangnga nagara otaba majar dibi’, namong asabab paneka langsung parenta dhari attas, enggi ebajari nagara. Oreng se noro’ lalampan (menurut kamus lengkap Bahasa Madura – Indonesia, Adrian Pawitra – lampan artena kerja otaba kegiatan melakukan sesuatu, lalampan artinya pekerjaan, saenggana lalampan paneka bisa aropa acara, kegiatan enggi pelatihan tor samacemma aneka ekoca’ lalampan) akadiya paneka; Pelatihan, enggi kare mangkat dhari kalongguwan epon bang-sebang.
Se noro’, epakon rabu (entar) ka lalampan paneka kare entar, toju’, merengngagi dhabuna instruktur, oreng se malae tor ngajari ponapa’an essena pangajaran Koding & Kecerdasan Buatan (KKB) paneka. Lalampan paneka elaksana’agi dhalem lema are, molae are sennen kantos are jum’at, dhari tanggal 11 – 15 Sora 1447 (07 – 11 Juli 2025) tempat epon e SMA Satu Muhammadiyah Sumenep. Peserta epon enggi paneka SD, SMP tor jugan SMA.
(Kadinapa sampeyan ampon maos sampe’ ka’dhinto. Enggi bagus, sampeyan pendha maos Basa Madura. Sampeyan tanto rangrang parana apanggi sareng serradan/tolesan Basa Madura (eja’an 1973) dhalem ren-aren (sabban are). Manabi badhana enggi badhana, keng kadhang se samasthena etoles Barung, neka etoles berung, Bawung, etoles beung, Bako, etoles pheko. Sampeyan kalaban maos paneka. Pendha same-same ajaga tor arabat Basa Madura.
Napa Seru-SeeUna dhalem noro’ KKB (Koding & Kecerdasan Buatan). Dhalem panggaliyan badan kaula, neka se paleng seru, enggi paneka kaula kodu ali-baliyan sabban are, kateppadan roma/compo’ (asabab manabi ka aba’ dibi’ neka masthena ta’ abasa) neka badha e perbatasan antara kacamadan Bluto – Pragaan. Bila pokol petto' korang neka pon ngeggas ka temor, napa pole bakto ganeka lep-cellebba. Laju apora onggu. Gumigil. Sampeyan tanto oneng sanapa kelo dhari bates Bluto – Pragaan kantos Pangligur Songennep: enggi paneka sekitar 27 KM, sekitar 35 menit.
Manabi mangkat kol petto’ pas, neka bakal dhapa’ kol ballu’ korang, bisa pas-pasan, anapa polana bisa apanggi trak-trak raja, bisa asaeng ban na’-kana’ mangkat asakola, kadhang pasar. Kadhang kaula apekker, manabi lalampan kadipaneka tempadda epatello (epabadha neng tello tempat) anapa keng, mesal cokop are pertama se ka Sumenep, asabab pembukaan (hari pertama karena ada pembukaan terkait pejabat setempat), saterrossa bisa en-laen tempat, saenggana dhari konco'na sumenep, bara', lao', dhaja, temor neka pas semma'.
Aneka tanto banne coma serrona badan kaula, ca-kanca jugan aserro jau, manabi dhari polo-polo se badha e sekitar epon enggi nyaman, ngenep e (kacamadan) kottha, badha se ngekkos (pola badha se ngenep neng hotel). Pas jalanna dhari bang-sebang kacamadan – disa neka en – laen. Aorjek. Laju ta’ oneng se matora.
Enggi kalaban badhana papanggiyan paneka, kaula bisa apanggi ca-kanca guru dhari man-ka’dhimman, sadaja kacamadan se badha neng Songennep, dhari polo jugan bannya’. Saestona katon, aneka katonna pera’, dhalem panggaliyan badan kaula, se sae ngereng lampa paneka, enggi paneka guru TIK (Teknik Informatika & Komputer), namong kateppadan e kelompokna badan kaula, badha guru Basa Madura, Guru Fikih+B. Inggris, Guru Olahraga, Guru Bahasa Indonesia, katon badha settong, aleyas sabigi se molang TIK (ganeka e kelompokna badan kaula), manabi sakellas bak badha’an se molang/ngajar/neggu’ TIK (soal background epon dinggal ta’ usa nya’-tanya’an). See-U poko’na.
Badha settong pangajaran enggi paneka Desiminasi (Desi – mi – nasi) Konten Digital. Kaula apangrasa saamponna paleman tor lastare, kaula penasaran, kaula otek lakar lemmot, gaptek (gagap tekhnologi) lakar, poko’ akaton ta’ upto date sakale. Bakto eterrangngagi e Kellas kaula gun nga-manga (assyya, ja’ mon badha oreng nerrangngagi, nyator dibi’).
Saamponna bak nyantai, dhapa’ ka roma, kaula tang-gentangan sambi meset-meset hp se cerdas, hpna se cerdas, se neggu’ (kaula) enggi tolos. Kaula mokka’ ChatGPt. Atanya kalaban basa Indonesia, apa itu kah yang disebut dengan Desiminasi Konten Digital (DKG), kaula takerjat. Ca’na AI ganeka, DKG merupakan cara untuk menyebarkan Konten Digital. Modul epon lakar badha, KENG TA’ EBACA. Ja’ katon aleburan adownload e LMS, katon gaya wa. Adownload. Ekarebba ka AI, soro rangkum. Ossai ka Word. Berri’ nyama. Upload (sebagai tugas LK) mare. Mole. Tao tolos paggun ta’ TAO.
Kaula sampe’ memastikan ulang, bahwa DKG neka merupakan Upaya FYP? Benar sekali ekowa mon AI. Saamponna etenggu neng modul epon. Enggi lerres, Desiminasi Konten Digital merupakan cara untuk menyebarkan konten digital. Ya ma’ kose kodu mabadha Pelatihan Koding & Kecerdasan Artifisial mon gun ajara share konten. Ja’ sabban are la ekalako. APORA.
*Catatan ini dibuat untuk seru-seruan belaka, terutama alangkah konyolnya tingkah laku saya yang begitu adanya. Tidak lain & tidak lebih (saya lebih suka membully diri sendiri).