Cara Penulisan Bahasa Madura yang Kece: Satu Huruf Bisa Halus atau Berat
Beda cara ucap ➜ beda arti ➜ inilah keunikan paramasastra Madura yang jarang diajarkan. Kalau salah ucap, bisa bikin arti keliru — kadang bikin lucu, kadang bikin runyam!
Paramasastra – lalampan.com. – 1447. Hal yang cukup sulit untuk ditulis dalam Bahasa Madura/Basa Madura, berkaitan dengan lima huruf ini, namun (kayanya) hanya ketika berdampingan dengan huruf vokal A. Vokal A tersebut sering diganti menjadi E, padahal mestinya cukup A saja, ini jika berdasarkan pada ejaan 1973.
Se paleng seggut sala noles neka neng pan-sanapan oca’, kalemat okara dhalem noles basa madura, enggi paneka bila lema horof paneka apanggi kalaban horop monye A. Se ka’dhimma horop A paneka, seggud egante’e kalaban E. Akadiya noles Bako (lerres), paneka etoles kalaban pheko, paneka metorot eja’an 1973. Horop-horop kasebbut enggi paneka badha e baba paneka jangkep sareng teppa epon:
| No | Horop | Contoh | Arti | Contoh | Arti |
|---|---|---|---|---|---|
| 1 | B | Bara | bengkak | Bara | paru-paru |
| 2 | Dh | Dhadha | dada | Dhadha | lengah |
| 3 | D | Dadar | Kue dadar | Daddi | Jadi |
| 4 | G | Gaga’ | Gagah | Gagap | Raba |
| 5 | J | Jaga | Menjaga | Jaga | Bangun |
Kabannya’an bila apanggi sareng horop A, neka sala noles, manabi apanggi sareng horop se laen, pendhanan (katon) bannya’ se teppa’.
Saestona gampang, ta’ usa adel-peddel kalaban paneka-paneka. Cokop apanduman kadi paneka pon pendhanan cokop. Sampeyan badhi arassa kadinapa monyena manabi ampon epajellas kadipaneka. Akadiya gagap, neka ebaca ga-gap. Badhana berra’na sakone’, ta’ kera dhapa’ sakelo. Akadiya “JAGA TEDHUNG” (Bangun Tidur) banne mare jaga pas tedhung pole, hehe. Se seggut sala noles enggi paneka e bagiyan ‘jaga’ aseggudan etoles -jege-. Manabi noles tedhung, neka aropa’agi dhuwa’ horop se asandhing kalaban ‘H’. dinggal laen bakto.
Samangken cokop ajar noles se amonye bak berra’ tor amonye E ganeka. Ganeka kabannya’an etoles kalaban genika. Bannya’ contona, bannya’ teppana, nolesa bannya’, neka gi’ seggut etoles kalaban bennya’, mon polana ta’ kera dusa, sakeng malle pas padha.
Beko, pheko, aneka bako (tembakau), manabi noles pako, neka gampang kan, karana asabab tadha’ se amonye berra’, tadha’ monyena A. se ka’dhimma menorot bannya’ oreng neka ekoca’ aguna’agi horop E. sandhal – kabannya’an etoles sandel. Manabi roko’, enggi paggun, sakeng bagiyan budhina ta’ aguna’agi K, tape bisat (’). Saestona gampang (bannya’ se noles kalaban gempang). Keng polana ta’ biyasa, tor ta’ daddi kabiyasa’an, tor tadha’ baca’an otaba tolesan se kenneng baca sabban are.
Ja’ senga badha tolesan, akadiya spanduk, poster, artena neng hp, online, poster live (nyata) gir-penggir Lorong atoles teppa’ sadaja, tantona neka sampeyan neka nerowe tor noro’e. tanto bakal todhus jugan manabi pas noles sala malolo.
Sampeyan manabi noles Bahasa Inggris lopot, langsung ecacca kan, ekritik dhari sadaja ara (bara’, temor, dhaja, lao’, bara’ dhaja, bara’ lao’, mor lao’ mor dhaja, genna’ poko’na), sampe’ ta’ neng anyaba, akelbu’ bai pon sala pole. Mon noles Basa Inggris, padahal Basa Inggris neka Basana Oreng Jau, artena sampeyan lakar ta’ abasa Inggris sabban are, enggi serrena ta’ pate cekka’ dhalem pekkeran, wajar manabi badha salana. Namong manabi akadiya Basa Madura, enggi gi’-gigi’ (sambi kael) dibi’, rassa’agi dibi’, ponapa gi’ akor manabi noles Basa Madura neka gi’ lako sala.
Kadhang, polana pera’ Basa Madura, banne basa inggris, ekowa, langsung ena-dina, enggi tolos ta’ eajari sareng jau, kaula ban sampeyan pal-tapelpal ajar Basana Oreng Lowar malle gahoel ekowa. Segala Upaya dan tenaga dihabiskan untuk belajar Bahasa Asing. Bahasana dibi’ epaloppae. Bila pon ta’ andhi’ Bahasa, neka ta’ andhi’ Bangsa.
*hal paneka metthek dhari buku Paanaban Assre 3. Tim Nabara. TS (tigaserangkai). 2010.