Teks pidato berbahasa Madura ini disusun untuk mendukung upaya pelestarian Bahasa Madura di kalangan generasi muda, khususnya di lingkungan Lembaga Pendidikan. Dengan tema “Arabat tor Malanggeng Basa Madura”, pidato ini dapat dijadikan contoh sambutan atau materi latihan berbicara di depan umum menggunakan Bahasa Madura.
Semoga teks pidato ini bermanfaat bagi guru, siswa, maupun masyarakat umum yang ingin mempraktikkan pidato Bahasa Madura untuk acara sekolah, lomba pidato, atau kegiatan kebudayaan lainnya.
Tema Pidato Bahasa Madura: Arabat tor Malanggeng Basa Madura
Assalamualaikum wr. wb.
Alhamdulillahirabbil alamin wabihi nasta'inu ala umuriddunya waddin wassholatu wassalamu ala asyrofil anbiya'i wal mursalin sayyidina Muhammadin wa ala alihi wa shohbihi ajma'in. Amma ba'du.
Saleraepon se molja dewan juri...
Kaonjuga saleraepon para guru...
Para Rabu se same-same emolja'agi Allah.
Kabidan pamator ngereng areng-sareng ngatoragi pojji syokkor Alhamdulillahirabbil alamin dha' ajunannepon Allah se amorba jagat.
Sholawat sareng salam samoga'a tettep eatoragi dha' ajunan se molja Nabi Muhammad SAW, se kaonang ate tennang, kaponjuk sadaja ummat tor se ampon andaddiyagi obur sareng kaca kebbang dha' kaula sadaja e dunyya kantos akherat.
Para hadirin se emoljaagi Allah...
Sakone' kaula maemot dha' ajunan sadaja ja' basa Madura ka'dhinto ampon on-laon elang dhari oca' re-sa’are, husussepon neng Kottha Songennep. Aponapa ma' ekoca'agi elang on-laon? Amarga ampon bannya' na'-kana' ngongodhadan se arassa todhus aguna'agi basa Madura. Bannya' oreng seppo se ampon ngajari pottrana basa Inggris, basa Jerman ban laennepon, ta' sakone' potra-potre madura se epatoman abasa Indonesia, la-mala ampon ekabidi dhari na'-kana' TK.
Maos jugan
- Pidato Bahasa Madura
- Puisi Madura: Ngaji e Lencak Socce
- Dhara Campor Mardha, Puisi Madura: Arach Djamali
- Puisi Madura: Janji e Paseser
- Sajan Abit Oreng Atane Sajan Tadha'
Para Rabu se same molja,
Ponapa se bisa e kalampa badan kaula sadaja menangka ngangodhadan pottra-pottre Madura, kong-langkong e Bume Sumenep? Enggi ka'dhinto... wajib ka angguy arabat basa ebu tor bangaseppo se ampon para' tadha’a, katopowan sareng basa se dhari lowar, basa se kasambat gaul tor samacem mepon. Kadinapa carana arabat basa sopaja Songennep tettep kalonta kottha paleng temor se gadhuwan basa karaton? Ngereng kabidi baja samangken, areng-sareng gadhuwan neyat ikhlas kaangguy merte tor gumate dhalem malanggeng tor masekken basa Madura.
Menorot pamanggi badan kaula enggi ka'dhinto badha tello' tareka se kodu epeyara tor epatombu nojju bagussa kabadha'an magarsare se bakal dhateng se akor sareng ngajum bangsa matombu basa;
- Se sapesan: nyara pabinareng, ngobbar gumate para moret sopaja ajar basa Madura se lerres. Same-same alampa'agi ondhagga basa se ampon akor sareng atoran. Se ebukteyagi kalaban abadhi kasaroju’an e sakola’an sopaja dhalem pangajaran kodu aguna’agi Basa Madura
- Se kapeng dhuwa’; Lampane tamba’an pangajaran husussepon ondhagga Basa. Kadinapa estona aguna’agi basa enja’ – iya, enggi – bunten se lerres.
- Se kapeng tello’ enggi ka’dhinto; Ngereng para rabu … molae dhari aba’ dibi’, guna’agi Basa Madura e compo’ bang-sebangnga, pabiyasa tor-mator kalaban Basa Madura, ka potra/potre, ka oreng seppo tor tatangga (magarsare). Kantos Basa Madura ka’dhinto kapereng terros e antarana basa-basa manca.
InsyaAllah manabi badan kaula sareng ajunan sadaja tor potra potre songennep gadhuwan neyat se juntrong kaangguy arabat tor malanggeng Basa Madura kalaban ngarobudi ajar Basa Madura se sae, e bingkeng are Basa Madura bakal tettep daddi basa Ebu se ta’ bakal elang sampe’ aher jaman. Paleng bunten song-osong lambung, areng-sareng nyo’on Lella, petodu, kakowadan tor kalodhangan dhari Allah se Maha Pangaraksa kantos basa Madura daddi basa internasional.
Para Rabu se same molja
Saka’dhinto pamator, manabi badha okara ator se korang sonduk monggu panggaliyan, pola tengka janggal kaoladan, kaula (abdina) ngatoragi nyo’ona sapora se tadha’ batessepon.
Ahirul kalam Wassalamualaikum wr wb.
NB: Anda boleh menggunakan teks pidato ini untuk berbagai keperluan, seperti lomba pidato, latihan pidato, atau praktik berbicara di depan umum. Silakan mengubah teks, menyesuaikan isi, atau menjadikannya contoh dasar untuk dikembangkan sesuai kebutuhan acara Anda.
*Teks ini adalah milik peserta dari SMPN 1 Lenteng - Sumenep pada saat Lomba Pidato dalam Festival Tunas Bahasa Ibu (FTBI) Bahasa Madura tingkat Kabupaten Sumenep khusus SMP