Assalamu'alaikum wa rohmatullahi wa barokatuh ....
Para rabu .... badan kaula ngatore salam takdzim moga
padha kaganjar baras tor salamet ....
~ Kaatora se molja bapak kapala sakola SMPN ..... se
parjuga
~ se molja para bapak tor ebu guru jugan para panata
pangrabat sakola'an se padha parjuga
~ tor sadaja kanca sarontong saparjalanan se padha
kajunjun
Poja tor poji sokkor dha' ajunan guste ALLAH se Morba
Jagat, Pamerte se Maha Mokte, atas Rahmat tor KasokanNA, badan kaula sareng
para ajunan sadaja kantos bisa angrabuwi tor ngalampane gin-panggin se agandhu'
ma'na paneka, nalekana lampa pesa dha' para moret kellas IX.
Tello taon badan kaula sakanca sarontong saparjalanan,
anglebadi nyandha' elmo e sakola'an SMPN .... banne gun sakadar lampa akadamik
tape jugan alampa'agi abangon batek
tareka monggu parjalanan odhi'.
Badan kaula sakanca ta' namong ajar dari dalubang,
buku sareng papan, tape juga nyonto dari bab pola lampa tareka para salerana
bapak tor ebu Guru se kalaban sabbar dhalem morok molang alampen ehlas.
Bapak tor ebu Guru se padha parjuga. Mator
sakalangkong atas sadaja babulangan elmo se nojju dha' tendak lampa parjalanan
odhi' kantos aher jaman se ampon etamen e dhalem ate tor pekkeran badan kaula
sadaja.
Badan kaula sakanca anyo'ona sapora monggu sadaja
kakorang samporna'an sola tengka se korang parjuga se ampon kalampan. Pandhu'a
sareng babulang bapak tor ebu Guru se andaddiyagi obur kaodhi'an dha' sadaja
langka tendak parjalanan badan kaula kantos bakto se bakal dhateng.
Para kanca saparjalanan, tareka pesa paneka banne
aropa'agi aher dhari tojjuwan tape aropa'agi tengka' kabidan nojju dha'
kasamporna'an. Badan kaula sakanca bakal atengka'a ka ondhak se langkong
tenggi, se bakal alampane pongpangan (tangtangan) se araja'an. Ngereng sadaja
kodu abukteyagi ja' lampa moret SMPN ..... Songennep aropa'agi panerros se
sanat asaeng dhalem ngalampane adat pratengka se kappra, tor nyoppre amegunane
dha' para magarsare sakobengnga.
Pongkasan pamator badan kaula sakanca nyo'ona
sambungan pandhu'a nyoppre nerrosagiya pangajaran tengka kaodhīan saterrosa
moga kaparengan lancar lodhang, kantos daddi
magarsare se samporna, alampane adat pratengka se kappra kantos ngadek
sodek parjuga, kalaban abuko' akalambi jimat SMPN ...... Songennep.
Sattanangnga
esassa'a
Esebbida
toro' lorong
Ma'
emanna se tapesa'a
Kare
abit se ekapolong
Wassalamu'alaikum wa rohmatullahi wa barokatuh.
*Pidato ini dikirim oleh Bapak Tadjul Arifien R