Contoh Undangan Bahasa Madura
Lalampan.com. 1444. Jang-onjangan (aneka onjangan
ongguwan, bang sakadar jang-onjangan, polana bila settong oca’ aulang, neka
esangka nen-maenan, akadiya tor-motoran, jang-lajangan ban salaenna, manabi
jang-onjangan neka ongguwan) e madura neka bisa ekoca’ para’ sabban are, sobung
e kampong neka, badha e kampong se laen, molae onjangan molang are, tahlil,
syarwa, pa’ polo, nyatos (100 are) nyataon tor nyaebu, onjangan haul, onjangan
abuka.
Manabi dhimen, lamba’, ajang-onjang neka kalaban
toju’, ngatoragi songkem, pamator, badhi nyampeyagi salam epon sohibul hajat,
manabi samangken ampon cokop kalaban salembar dalubang. Beres. Enggi. Ngereng. Ka’dhinto
sala settong contona (teppana):
Assalamualaikum
Kaator
Monggu
Salerana
Se Molja Taretan
Maos jugan
- Satu Abad NU dan Haul Gus Dur
- Suhrawi Entara ka Resepsi Satu Abad
- Cuaca Dalam Rumah
- Rapat Pembentukan LPBHNU MWC NU
- Santri Dalam Dinamika Politik Kebangsaan
Salam ta’dzim, samoga ajunan se molja dhalem kabadha’an
samporna dhalem rahmat epon Allah SWt, tor dhalem kasehadan saengga bisa
ngalampa’agi sadaja aktivitas sabban arena. Asareng onjangan ka’dhinto, kami
anyo’on rabu epon taretan se molja dhalem acara:
(TAHLIL, MOLANG ARE, NYATOS, NYAEBU BAN LAENNA)
se Insyallah badhi
kalampa:
are tor tanggal: Kemmes (Malem Jum’at Manes), 20
Takepe’ 1444
bakto: ba’da mangrib otaba ba’da isya tor laenna
(bisa eoba)
Kalongguwan: Compo’ abdina, Kampong Gung Podhi, Disa
Koddhu’ Alas, Morlek
Aropa’agi kabunga’an tompang kajembaran se raja manabi
taretan se molja soddi rabu dhalem lalampan kasebbut. Atas karabuwan tor
sambungan du’ana, kami ngatoragi saebu sakalangkong tor panyoon sapora se
sobung bates epon.
Kami sekeluarga.
NB: Ta’ mabi bine’an (ta’ mabi acara).
Ka’dhinto gampang kan. Enggi manabi badha se korang
sae, enggi korange, tambai. Aneka pera’ conto (teppa).
Maos jugan
- Jaran Goyang Ma’na Medun
- Sanja' Taresna, Helmy Khan
- Garangan Compet Are
- Tanggalkan Kehidupan Duniawi
- Ma Ma’na Sanat
beeehhhh samporna min
BalasHapus