Sapardi DD & Fiersa Basari Idolana

Lalampan.com. 1444. AJAZ Elmazry aropa’agi nyama khusus dhari Ach Jazuli. Lanceng paneka babbar e Disa Tambaksari, Rubaru, Songennep. Nganthang asakola dhri SDN Tambaksari tello’ tor lastare tawon 2010, nerrossagi mondhuk sambi asakola Tsanawiyah (2013) tor jugan Aliyah (2016) e Darul Ulum Prongpong. Lanceng se pelka’ elmo paneka nyare sakola’an se lebbi tenggi, mela dhari paneka, aba’na acangrep ka Program Study Tadris Bahasa Indonesia,

Fakultas Tarbiyah, IAIN Madura, tanto kodu maso’ dhari S1-na, lastare tawon 2020. Aromasa ta’ cokop tor gi’ aromasa kakorangan elmo. Aneka lakar lanceng se korang ajar. Korang malolo. Saenggana dha’ ka’dhimma bai etabang. Akadiya ka se kodu mangkat ka Malang, ajar e Magister Pendidikan Bahasa Indonesia, UNISMA Malang, Jaba Temor. Tanto ta’ ga-oga.  Samangken gi’ ngalakone tugas aherra se anyama Thesis.

Molae gi’ asakola sampe’ akulliya, pajat bur-leburanna apol-kompol ban komunitas otaba organisasi. Dhimen aropa’agi kader PMII Pamekasan, UKM PI & Riset, Katowa HMPS TBIN, Pimpinan Redaksi Majalah BINAR, anggota PRAHARA, Bengkel Sastra, IMABSII, tor en-laenna. Dineng samangken, aropa’aghi pegiat Komunitas Ghai’ Bintang, Komunitas Langgar Qur’an Sumenep, kader ANSOR, tor jugan gasek deddi pemantik ban guru e pan-saponapan kasempadan.

Tolesanna ampon langkong badha’an se ngombar e pan-saponapan media, sae media koran otaba media online. Badh jughan seampon terbi’ abujut buku antologi areng-bareng, kadhiya Kaki Api (2018), Kisah Kasih, Bagian II (2020), E & Joy (2021), Kasih Menata Luka (2021), Senja dan Pelabuhan Kecil, Jilid I (2021), Bersyukur dalam Rasa (2022). Buku antologi sanja’ se eparenge bul-ombul “Odhi’ ban Ta-caretana” aropa’agi buku sareyangnga se eyanggit aguna’agi basa Madhura.

Aba’na lebur noles sastra asabab badha ca-kancana se acareta menangka kasossa'an atena margana taresna. Badha jugan se acareta margana kabunga'an atena se ngolpa. Aba'na mekker, “cora' lebur ban eman naleka careta-careta se ekaolle gun ambu e aba'na. Arapa mon coba' aba' toles lebat sanja otaba carpan.” Kalaban eserrat, daddi maosan, oreng bannya’ se bisa maos tor jugan arassa’agi nespana tor kabunga’an se ekarassa. tor e laen kasempadan, aba’na pajat lebur apol-kompol, lebur ka ca’-oca’ se eanggi’ kalaban bagus, akadiya si’iran, lebur maca sanja’ tor sastra laenna. Tor kateppadan asakola e Prodi Tadris Bahasa. Ajaz se samangken pon lastare Ujian Proposal Thesis neka saestona pon lebur noles molae gi’ mondhuk, namong asabab rangrang noles tor gi’ sobung kasempadan, saenggana samangken gi’ ga’-tapalga’.

Mele Basa Madura se daddi alat tolesanna menangka asabab apangrasa ja’ basa Madura pon rangrang ekaleburi, sanajjan badha lagu-lagu basa Madura, acora’ korang ser, mela dhari paneka aba’na aromasa eolok sopaja arabat basa Madura kalaban daddi tolesan se lebur saenggana oreng se maos ta’ busen.

 “Dhari bannya' careta ngangodhadan, anapa ma' pon rangrang ngangguy basa ebu, amarga basa ebu (Madura) acora' kadiya kona, ta' gaul. Pramela dhari paneka sastra Madura, otamaepon se badha kaitanna sareng kaodhi'an ngangodhadan kodu hadir lebat sastra Madura. Saengga ngangodhadan gella' bisa lebur ban arabat areng-bareng basa ebu, otamana e bidang sastra.” Oca’na Ajaz

Lanceng se saestona gi’ nyempen taresna paneka jugan gadhuwan “idola” enggi paneka oreng se etero dhalem car anoles. Idolana enggi paneka bidang noles fiksi neka Fiersa Besari (FB) tor Sapardi Djoko Damono. Fiersa Besari mampu menyentuh kehidupan pemuda. Melalui tulisannya pemuda yang tidak suka sastra sekalipun, dengan tidak sadar menyukainya. Kacong se babbar e Tambaksari paneka sajan lebur ka karyana FB  molae bukuna ngombar se bul-ombul “Garis Waktu.” Buku paneka pajat “Keren. Menceritakan tentang tokoh aku tentang curahan hati tentang perjumpaan, kasmaran, patah hati, serta keikhlasan dalam melepaskan, kemudian berakhir dengan kenangan.” Nyapcap aeng mata ta’ ekarassa.

Metorot lalake’ se andhi’ Twitter anyama ajaz_elmazry neka badha se paleng lebur dhari Fiersa Basa enggi paneka “bahasanya yang membumi, tidak sulit ditafsiri, tapi menyentuh bagi pembaca. E Madura, kodu lahir fiersa-fiersa versi (dhalem basa) Madura.” Oca’na Mongkase wawancara Online ban on-laon. Sampeyan manabi terro ngobangana bukuna Ajaz bisa langsung lebat ebaba paneka.

Alamat: Jl. Raya Rubaru Desa Tambaksari, Kec. Rubaru, Kab. Sumenep, Jawa Timur

Surel: jhazelmazry106@gmail.com

Media Sosial: – Facebook: Ach Jazuli

 – Instagram: ajaz_elmazry

 – Tiktok: ajazelmazry

 – Yuotube: Seribu Jejak

 – Twitter: ajaz_elmazry