Lalampan.com. 1446. Sabban tanggal Lema’ Syabal ebiyasa’agi
badha lalampan enggi ka’dhinto papanggiyan Alumni UIN Sunan Kalijaga sae se
lulus otaba jugan ta’ lulus, se penting pon lebat neng UIN Sunan Kalijaga
apol-kompol anga-bunga, nyambung pangesto sataretanan.
Dhari Angkatan se paleng seppo, sekitar taon 90an
kantos 2024 same-same rabu (entar), kateppadan acara Syawalan X IKA SUKA
(Syabalan kapeng sapolo) paneka e kalongguwan epon Dr K.H Moh. Hasbi, Prenduan
se rassaepon manabi ta’ kalero gadhuwan M2M, Tuan Muda, Ikhtiar Sakina, Ikhtiar
Qoneeta.
Lalampan paneka coma badha sataon sakaleyan, sopaja
bisa agi-panggi, agi-lenggi, metorot Pak Ketua Ika Suka, Dr. K. Fathol Holik
apareng oneng dha’ sadaja ca-kanca (anggota) IKA SUKA “Ingat dalil kita bersama:
apa yang ada (snack atau lainnya) di rumah dibawa (untuk dinikmati bersama di Lokasi).
Patadha’ mon tadha’ (otaba ta’ melo) ja’ atanya pole.” Hal paneka esampeyagi
dhalem group WA, hal paneka eanjurragi sopaja ta’ maberra’ Shohibul hajat (tuan
rumah). Tor kadi ka’dhinto ampon biyasa neng Ikasuka, badha se abakta karopok, oto’
otaba jagung, tor en-laenna.
Alhamdulillah se rabu pendhanan bannya’, akadiya Dr.
KH Ghozi Mubarok Idris (PP Al-Amien Prenduan), KH Abdul Wasid (Kemenag Sumenep),
Dr KH Mohammad Husnan (Rektor Universitas Annuqayah/UA), Dr Didik Mulyadi
(Dekan Fakultas Syariah IAIN Madura, Direktur Pascasarjana UA, KH Daman Huri,
Cak Ajimuddin El-Kayani, Cak Sayuri, jugan rabu Nom Abrori El-Zael, se kabbuwan
ngastane tugas menangka DPRD Jatim dhari Madura, tor jugan Mas Nur Faizin
Dzarain, ta’ cokba jugan K.H Shovi, menangka MUI Sumenep
Sadaja se rabu, seppo tor anom apangkat otaba bunten,
badhi kasokan sadaja, se akadiya bakto K Ghozi apareng sambutan bakto para’ notoban
acara, saenggana sadaja kasokan epon nompa sanaleka bakto. Bila pon para’
lastareya acara, Bu Bendahara umum, Bu Nyai Rini ampon asadhiya kardhus sopaja
epajalan, egilir, epakon esse’e pesse saikhlassa, kateppadan ba’ari’ se nenggu’/majalan
kardhus se seppo, K. Shovi sareng Cak Sayuri, tor alhamdulillah pendhanan.
Dhalem reunian satto, 05 Maret 2025 paneka, bannya’ se
rabu olle doorprize, kalaban cem-macemma pertanya’an, akadiya pertanyaan, sapaan
se ta’ lulus dhari UIN Suka, hadiyana kanibo, kerudung, kaos tor samacemma,
saenggana kasokan epon sajan nompa tor nolay, sanajjan ojan, sadaja se rabu
paggun dhalem kabadha’an perak. Manabi ta’ kalero Pak Hasbi apareng sekitar
80an kanebo, makalowar lebbi dhari dhuwa’ palastik raja.
Tokoh-tokoh se ngodha se rabu akadiya Zen, Kang Mas
Jhodi, Selendang Sulaiman, Sulaiman satu lagi, Fathollah, Muzanni, Rahem, Alban, Moh. Rosyid, Muhammad
Aminullah, Kiai Muda Zainur Ridha. Enggi tanto ta’ bisa badan kaula sebbut
sadaja, samoga taon dhateng, kaemot dhari mangken tanggal Lema’ Sabal 1447
(baari’ esaba’ tanggal 6 polana are jum’at, manabi esaba’ are jum’at, gaja’na
sakejja’ korang abit), Kalongguwan e dalem epon KH Muhammad Husnan,
Guluk-Guluk. Syawalan IKASUKA XI.
Tor kadhang bupati Sumenep priode 2010-2015, KH Busyro Karim jugan rabu, namong paleng teppa’ badha halangan saenggana ta’ bisa rabu. Tor ta’ kantos loppa ponapa dhabuna K. Fadhilah Sonar “Mon todhus tona, mon ta’ todhus epadaddi mantona.”