AGANTONG
pajat
settong agantong e ponca paleng dhalemma ate
baremma
ta’ abaringsanga bila dhateng matennang bindeng
sanajjan
ta’ kalaban bandeng, garingging ate ta’ beddeng
Songennep
Madura 1430
KAKAPPER
kakapper
room ka du-padduna dhapor
nyaba’
parebasan e ban-sabban parabudan
e
tong-lantong akerbayan
ngabber
nyono’ langnge’
nyambi
kabar perro’
se
meltas dhari un-dhawun panengga’an
tanongker
celleng, salemot dhuri
ata’-letta’
egalicek
gaggar
ka ramo’ pandan
ecap-cabi
cabbi
ngalotor
aeng kastana
diyem kalabang tanges se meddem
alekker
daddi tanongker
se
room ka du-padduna dhapor
Longos,
1430
CALEMOT SONAR
bila
jajjalang eolok tera’
berka’.
Loppae tabarangka’
alangngoy
perak sampe’ aberruy
kalembang-kalembang
ngalotor
tabentor
sakanca’an
arebbudan
terro dhapa’ ka anga’
anga’na
tera’ maenga’
anga’
maenga’ bala’
Madura, 1429
RANG-GARANGAN
keban
paleng gate mesem
kalamon
badha ajam
mangga’an.
Mangga pajat kakanna
paleng
gate jaga malem
agalajar
matabar mesem
ajam-ajam
akerrek. Tako’
tako’
ta’ daddi lopot sambelian
Gappora-Songennep,
1429
TO'-KOTO' SABELLUN PAJJAR
bila
bumi taleyer
dhalem
sakejja’
akoto’.
kettok’aki
sakowat
sowara akowak
sampe’
nanges ban peddhis mata
Gappora
1429
GANGGU'
gu’-ganggu’
eteggu’
akael
epalembu’
ekalonyut
ka dhalem tabu’
epakaloar
sambi ajarunggu’
ganggu’
alorju’ dhari eattasanna tabu’
aerrem
ka babana obu’,
apeddel
nyare paneggu’
tape
kadhang aolok ka embu’
Labbuwan Jembar, Sora 1442
Maos jugan
- PERSIP Palalangan Ora’na Eyabi’
- Lalake’ Pajat Ta’ Kowat
- Bulan Gerring Pesse Panas
- Carpan: Lomok
- Carpan: Ngare' Padhi
PASTHE
bila
dika ngorba essena ate
lalak
soap sampe’ ka pesse-pesse
obu’-obu’
tombu pote
ekaeding
ro’om labun pote
sajja
pangarep padha terro pasthe
sabellun
nyaba abarunjut pate
dika
andhi’ ate
bula
ngarep pasthe
seyang
ban malem abakte ka Guste
sabab
ngantos te-gette
otaba
ngantos gettana bukte
ta’
kera metto, mon ta’ olle
jembarra
alam ban Guste
sabban
kaodhi’an ta’ pasthe
esare
ka dhalem ate
se
posang e babana are
ngalengsang
ta’ esopre
Labbuwan Jembar, Sora 1442