Jajan
Genna’
e
dhalem bundhu’an dhaun geddhang, ebiteng
jajan
genna’; palotan, bajik, cocor, kopeng bali, kanca, taretan tor pangarep
biteng:
sadu’ur parembagan epanyettong dhalem pangara
jajan
genna’
bannya’
paretongan, bannya’ barna, bannya’ macemmma bangsa, bannya’ macemma rassa
epanyettong
dhalem sabiteng dhaunna geddhang se gi’ biru
ro’om
kasalameddan ngolok lamban
kajembaran
aban-dalumban
arasop
kakancan
Labbuwan
Jembar, Reyaja, 1441
Ngombar
e Jawa Pos Radar Madura, 30 Agustus 2020
Karopo’
nase’
pajat maperna tabu’ se mosse’,
gangan
esembu kaangguy malegga gerrungan
juko’
epanyojju nase’ se tako’
karopo’
epangancae malle sajan salpo’
karopo’
ta’ epakelmet
esempen
kalaban rapet
dhalem
tolpes apet-carempet, apet-tampet
karopo’
ngancae tatemmona nase’, gangan ban juko’
ngancae
tatemmona mei, aeng, ban peddhissa cabbi dhalem mangko’
ngancae
bula ban dika malle daddi satompo’
Labbuwan
Jembar, Reyaja 1441
Ngombar
e Jawa Pos Radar Madura, 30 Agustus 2020
Cokka
ban gula
cokka
ban gula
atemmo
dhalem cobik lebat jalan se bida
sanajjan
dhari manyang se padha
nyapca
ka dhalem ember otaba temba
la’ang
atemmo kalaban laro monyet otaba mataba
tape
cokka ta’ atemmo se kadhuwa
padha
la’ang sacapcap dhari manyang
apesa
dhalem jalan. Atemmo dhalem eber
pangaterro
se ngornyang
agubek
dhalem kobater
manyang
ta’ perna ngalengsang.
aba’na
paggun tenang
se
kadhuwa andhi’ pangaterro
se
kadhuwa paggun badha ngaterro
manyang
apelko’ banne malekko’
markoko’
banne polana tako’
sakeng
polana pon alpo’
sadaja
rembak pon arempo’
Labbuwan
Jembar, Reyaja 1441
Ngombar e Jawa Pos Radar Madura, 30 Agustus 2020
Maos jugan
Akemo’
akemo’
pajat maguli colo’
jila
ato’-letto’
mon
abanta ja’ ngoso’
ales
dhaina kerso’
basana
to’-ngalto’
parembaganna
burto’
colo’na
komo’
copana
bau kento’
cacana
ta’ abunto’
konco’
bungkella salpo’
pelak
onggu acolo’
agules
se lembu’ sampe’ se baratho’
Labbuwan Aeng Panas, Sora 1442
Ganggu’
gu’-ganggu’
eteggu’
akael
epalembu’
ekalonyut
ka dhalem tabu’
epakaloar
sambi ajarunggu’
ganggu’
alorju’ dhari eattasanna tabu’
aerrem
ka babana obu’,
apeddel
nyare paneggu’
tape
kadhang aolok ka embu’
Labbuwan Jembar, Sora 1442
Pasthe
bila
dika ngorba essena ate
lalak
soap sampe’ ka pesse-pesse
obu’-obu’
tombu pote
ekaeding
ro’om labun pote
sajja
pangarep padha terro pasthe
sabellun
nyaba abarunjut pate
dika
andhi’ ate
bula
ngarep pasthe
seyang
ban malem abakte ka Guste
sabab
ngantos te-gette
otaba
ngantos gettana bukte
ta’
kera metto, mon ta’ olle
jembarra
alam ban Guste
sabban
kaodhi’an ta’ pasthe
esare
ka dhalem ate
se
posang e babana are
ngalengsang
ta’ esopre
Labbuwan
Jembar, Sora 1442