Baliker
Pote
ngaleke
edi’-seddi’na bato celleng
alos
ta’ aca’-ranca’ cocco’
ngalarkar
e jalan
se
bakal ngater dha’ gabay
kalaban
ponar ban oter
baliker
pote
ta’
ekebbat angen
ta’
katebbas ngen-ngangen dhalem karettek to-bato
sepa’
toju’
kalaban
songkem dha’ sonar are
se
ta’ kasajja panassa
aeng
ngaremmes
baliker
pote kajana lejjara
Yogyakarta
1432
Maos jugan
- Carpan: Koceng Celleng
- PERIBAHASA MADURA
- Soal Bahasa Madura Kellas 2 SMP MTs
- Panggung Komedi di Indonesia
- resensi: Mertè Bhâsa Lèbât Karya Sastra
Selbadda
Tolang
tolang
e pinggir dhadha salaja elang
gaggar
dhalem parjalanan
“jareya
daddi pameggan tampar taresna”
oca’na
settong oreng se obanna meltas-meltas
esareya
dha’emma kerana
malle
jalan reya ta’ ginjat
karana
tongket banni gun nyangga
tape
se nuduwana cangkana jalan
sampe’
dha’ alas-alas raja ajaja
ajajarbaba’agi
pangesto dha’ tolang selbad
esareya
kantos patedungan
padaddiya
pakona ca’-ranca’ dhalem sampan
Songennep
10 takepe’ 1432
Epetthek
dhari Jawa Pos Radar Madura eccaban Ahad, 23 April 2016
Canggana
Dhadha
gujur
dhadha, tadha’ kellar daddi cangga
sanajjan
cangganan bala; taleyan bacca
bila
dhadha ta’ kellar ajaga pelar
sanajjan
satellor pasthe ancor
akar-tambikar,
abauwan; pegga’ taleyan
gujur
nagara emolae dhari gujur dhadha
ta’
kellar ajaga pelar-pelar ala-bala
ta’
katator, cator-cator roga dhalem balekaddha
Madura,
19 Sabal 1432
Epetthek
dhari Jawa Pos Radar Madura eccaban Ahad, 23 April 2016
Buja
Cabbi
ba’
badha’a se lebbi lendhu
dhari
orjegga cobik
narema
cek-kocek maalos buja cabbi
kalaban
pettes lenthat tor eseram cokka
e
saparapat malem samolena ngarakat
dhari
sagara apandhi aeng accen
nyarepsep
daddi buja accem
sabban
ngakana, ajilat buja
pekkeran
serbek daddi lorga
atamba
cabbi, asirut nagi
Labbuwan,
Sappar 1442
Maos jugan
- Carpan: Durahem Ajuwala Tokona
- Lebur, Sanja' Mat Toyu
- Soal Pilihan Ganda Dan Essay Sosiologi Kelas XI Semester I
- Sumber Energi
- resensi: Martabhât Orèng Madhurâ ḍâlem Bhughellân Traḍisi
Kelap
kelap
ngoncelat sakeddhebban
malendem
ngaredhap e ondhem
ondhem
ngagarendem
ojan-ojan
tandhes
angen
barat
langnge’
ta’ keddhi’
gi’
badha Se Maodhi’
kelap
ngoncelat sakeddhebban
daddi
pekkeran ka se odhi’
kelap
ngoncelat, guntor ngatappor
angen
sale’bung, barat, kajuwan nunggilang
lendhu;
bume orjek, ba’a ban banjir lebat
nyapowe
bu-rombu; plastik, dhaun, omplong
tol-butol,
agurbak dhalem gumbeggan aeng raja
tana-tana
akesek nyare lobang
ekoro’
napso batharakala
bato-bato
pon lejjar
kelap
ngoncelat daddi tatengnger
kaodhi’an
balengnger
barat,
lendu, ba’a banjir
pangolok
bume adikker
Labbuwan, Sappar, 1442