Lalampan.com. 1444. Sekolah Tinggi Ilmu Dakwah Raudlatul Iman Ganding Sumenep bakal
ngalaksana’agi Study Kerja Lapangan (SKL)
se ekanthang dhari tanggal settong Desember, are mangken (Kemmes manes, 07
Jumadil Awal) kantos aher bulan (30 Desember). Badha tello’ kelompok (posko)
SKL, settong e kantor kacamadan Ganding se aropa’agi Mahasiswa Program Studi
Pengembangan Masyarakat Islam (PMI), se kapeng dhuwa’ Prodi Bimbingan &
Konseling Islam (BKI) e Kantor Urusan Agama (KUA) kacamadan Ganding, tor khusus
mahasiswa Non Reguler se SKL e disa Baringen kacamadan Dhaso’. Are mangken
sadaja ampon ka posko bi’-dibi’ ebang. Se kantor Camat Ganding epasra’agi
sareng Mat Toyu se aropa’agi Dosen Pemdamping Lapangan, se kantor KUA Ganding
asareng Bapak Jamalul Muttaqin, MA tor se Disa Baringen areng Keyae Ainul Yaqin
M.Pd.
Maos jugan
- carpan: Mahbi Abine Pole
- Parebasan Madura, Sanja' Kona
- Coma Bisa Esto
- Puisi Nailus Sururi Barisan Masa depan
- Nyanyian Rindu Untuk Pemimpin
Sabellun mangkat ka posko bi’-dibi’ ebang, mahasiswa se ajumlah lema bellas sadaja eleppas sareng Keyae Sahli Hamid. Dhalem dhabu pelepasan, K. Sahli Adhabu mahasiswa kodu apangrasa raja ate. Mahasiswa STIDAR kodu apangrasa dhari kampus se raja, ta’ olle kene’ ate. Kodu semangat. Pabinar atena. Se PMI kodu abanto masyarakat, kodu ajar baremma carana kanjeng Nabi Muhammad abanto oreng. Nolonge oreng ban samacemma. Bariya se BKI keya. masyarakat tanto dhalem kabingungan se raja. Sabab kabadha’an se ta’ nanto sateya. BKI ban PMI kodu ngedhingngagi serrona oreng. Ma apangrasa. Dhari jareya bakal atemmo ka sango.
E kantor Kacamadan Ganding, eamba’ sareng pak Camat, se ampon abit akrab sareng K.Sahli Hamid tor pangarep sopaja ‘kerja sama’ paneka paggun bisa ajalan samporna. Pak Camat kasebbut jugan ce’ onengnga ka K. Sahli Hamid sampe’ ka serradan epon (karya-karya) pajat bannya’. Saamponna epasra’agi sareng DPL ka Pak Camat, Pak Camat narema kalaban bunga. Tor pak Camat menta tolong sopaja abanto bannya’.
“Badha se bisa komputer? Bisa IT.” Pak Camat mareksane. Camat Ganding terro mangombara website kaangguy pelayanan, informasi sadaja disa e kacamadan Ganding bisa etenggu lebat hp, asabab samangken ampon jamanna hp. Ngaolle petanya kadipaneka, Mahasiswa semester lema’ paneka aonggu’ sadaja tor bakal abanto saceppedda, saengga website kasebbut bisa duli ngombar tor erassa’agi sareng masyarakat Ganding. Suhal ban Ramadhani esaba’ ebagiyan ‘Pelayanan Umum’ tor ajar kadinapa cara ‘melayani masyarakat’ manabi badha kaparlowan. Nurinda sareng Sofi ebagiyan pengarsipan.
Maos jugan
- Ancaman Krisis Mental Jadi Perhatian Utama
- Akreditasi Yang Memuaskan STIDAR
- Seminar Proposal STIDAR Sangat Berwarna
- Ormawa STIDAR Siap Berlayar