Lalampan. 1444. Songennep. Madura. monggu para taretan se lebur lan-jalanan, hiling-hiling (healing) halan-halan. Backpaper, travelling, bisa entar ka Guwa Pajuddan se badha e kacamadan Luk-guluk Songennep, Madura. Songennep se ama’na daradan se lebur, gadhuwan daradan se pendha tenggi se badha e bagiyan bara’ Songennep. Lebur ngabas kabadha’an dhari attas gunong Pajuddan.
Songennep
pajat kalonta kalaban camara odhang se badha e gir sereng Lombang, kacamadan
Tang-batang, jugan andhi’ Oksigen se paleng samporna se badha e polo Giliyang,
Dungkek. Tantona bannya’ oreng entar ka Songennep kaangguy wisata, molae dhari
agama, akadiya ziarah dha’ sadaja asta-asta se eanggap asta Pasareyan para
wali, akadiya Syaikhona Kholil Bangkalan, Asta Buju’ Latthong Bato Ampar
Pamekasan, asta tenggi (asta para rato songennep), asta Gumo’, Asta Katandur
tor jugan asta Yusuf e polo Poteran (Talango).
Maos jugan
Samangken
wisata e Songennep saestona ampon namba bannya’, molae dhari Pantai Kasogi,
Guwa Soekarno, ban en-laenna. Tor jugan wisata-wisata kasebbut ampon kalonta
tor biyasa oreng entar. Badha se mangkat kalaban rombongan, bis se raja,
mangkat areng-bareng kalaban tojjuwan Asta-asta kasebbut. Samangken, sampeyan
kodu oneng ka Guwa Pajuddan. Aropa’agi patapa’an bango seppo songennep, tamaso’
Bindara Saod tor jugan Potre Koneng, mela dhari paneka, ampon baktona sampeyan
kodu nyabis ka Guwa Pajuddan. Ngatore longgu dha’ sadaja se ampon rabu e Guwa
Pajuddan.
Guwa
Pajuddan paneka ampon abit ngombar, sabellun Guwa Soekarno se badha e Pasongsongan
epanggi tor viral, Guwa Pajuddan ampon daddi destinasi wisata, namong Guwa
Pajuddan ta’ update akadiya destinasi wisata laenna, saenggana sobung oreng se
oneng, pas tasellem. Namong patapan ka’dhinto lakar kodu ta’ aba-oba, kodu
akadiya aslina, sopaja rassa patapa’an paggun ekarassa. Kadinapa sossana ongga
ka daradan se paleng tenggi. Atapa pas maloppa aba’ dhari sadaja kabutowan
dunnya.
Para
Traveller mon terro taowa ka Guwa Pajuddan lakar kodu dhateng langsung, kantos
mangken, gi’ badha oreng se atapa e Guwa paneka, kadhang tello bulan nettep e
Guwa Pajuddan. Dhateng dhari Jember, dhari Jaba Bara’, Jaba Tengnga ban laen
samacemma, namong oreng se semma’, oreng dhari Songennep dibi’ rang-rang se
entar. Sajan na’-kana’ samangken, bisa ta’ oneng pon ka guwa Pajuddan. Manabi
ampon dhapa’ ka guwa Pajuddan, sampeyan bakal oneng kadinapa dhimen Ke Lesap
atapa, Bindara Saod kantos Potre Koneng.
Manabi
kalian dhateng dhari sorbaja asareng rombongan bis pariwisata, mesal dhari
Syaikhona Kholil Bangkalan, Bato Ampor Pamekasan, sampeyan bisa maloros ka
dhaja, pas tojjuwagi google maps epon ka Luk-guluk, arah mor dhaja. Dhari bato
ampor ta’ kera abit, paleng coma satengnga jam pon dhapa’ ka Guwa Pajuddan se
badha e disa Pajudan Daleman Sumenep.
Manabi
kalian dhateng kalaban kapal attas (pesawat, mano’ besse) tor nengga’ e Bandara
Trunojoyo Songennep se buku ebukka’, sampeyan bakal nompa’ angkutan dhari
kottha Songennep nojju ka Lenteng, loros ka bara’, sampe pasar Ganding. Terros
loros ka bara’. Bangket dhapa’ ka disa Pajudan Daleman Luk-guluk Songennep.
Bila dhapa’ ka labang saketheng Guwa Pajuddan. Sampeyan bakal ajalan, otaba
nae’ jasa angkutan se badha e tempat kasebbut (mon badha), namong aleburan
ajalan. Asabab jalanna se ongga bak tenggi arassa onggu ja’ ajalan nyare
kajembaran.
Maos jugan
- PERSIP Palalangan Ora’na Eyabi’
- Mamare Tolesan
- carpan: Garangan Compet Are
- Sajan Abit Oreng Atane Sajan Tadha'
- Kampung & Keunikannya
Dhari
Guwa Pajuddan, sampeyan bisa materros ka dhaja, ka Guwa Pajuddan, Asta
Panaongan Pasongsongan. Dhari Panaongan bisa ka bara’ (mole ka Sorbaja) lebat
dhaja, nyepper ka arosbaja, otaba bisa ka temor entar ka Juruwan, Badhur kantos
Lombang. Samoga daddi kasampornaan.